صاحبة هذة الرسالة تقسم بالله أنها رأت هذا الشيء بنفسها

1. اللهم لاتأخذنا بما فعل السفهاء فينا يارب العالمين


2. سبق واقسمت لكم وان الموضوع شفته بعيني


3. مو كذا وبس


4. اش انتي يبغى انا جيبو رقم هزا كلو يجي هنا زبون


5. شايفين يابنات

صاحبة هذة الرسالة تقسم بالله أنها رأت هذا الشيء بنفسها...؟؟
أنتبهو
أحذكم يابنات انتبهو انتبهو
انتبهو
من المصورات انا بقولكم موضوع سار لي شخصيا وشفته بعيوني
اخواتي الحبيبات ابغى اقولكم شي مهم بخصوص المصورات الفنانات والي صورهم تجنن وتحميضهم واو ومره حلو وعروضهم اروع من مجله وصوره خشب وصور مميزه وتحميض مو اي شي-----------الخ وغيره كثير
اذا رحتي لأي مصوره بعد ماتقولك كل عروضها اطلبي منها
تشوفي معمل التصوير بنفسك قبل لا تحجزي مو كذا وبس
أتأكدي انها ثقه وسبق وصورت احد تثقي فيه
شوفي اذا كان عندها استديو داخلي لصور الجوازات السفر والجامعه وشوفي اذا كان الطباعه للصور الشخصيه قبل الكبيره في المحل ولالا
واللي عندها اي اظافه تضيف
السبب في كتابتي للموضوع
استغفر الله استغفر الله استغفر الله وحسبنا الله فيهم ونعم الوكيل

اللهم لاتأخذنا بما فعل السفهاء فينا يارب العالمين

سبق واقسمت لكم وان الموضوع شفته بعيني

حبايبي امس رحت البلد وتحديدا الخاسكيه انا وزوجي ورحنا استديوهات االتحميض حق الصور والله حسيت اني بدوخ من اللي شفته دخلنا محل يمكن فيه من 4 الى 6 اجهزة حاسب وكان كم واحد جالس على جهاز قدامه الى جيت اطل على واحد من الأجهزه وكان عليه عامل بنقالي مدري هندي اول ماشافني اطل صغر الصفحه
عرفين ليش
انا اقولكم لي ش
السالفه وكل مافيها انه الصفحه اللي اتصغرت كانت صورة من صور شبكه لوحده من اخواتنا وحده من بناتنا
والله حسيت اني ماني مصدقه اقول لزوجي معقول قال مدري يمكن اش تحسبي كل المصوارات امينات انسي الا من رحم الله
والله مو كذا وبس نحن طولنا بالمحل شوي الا وتجي عيني على جهاز ثاني لا والمشكله انه الرجال منتبه اني شايفه ولا صغر ولا شي ولا عليه كان يصفي صور عروسه هي وزوجها وكمان باين انهم من الي ماعندهم تكشف وغيره مدري يوم لاحظ اني مركزه على الشاشه كبر الصوره وقام يصفي في صورة العريس الي حزني هو وبشته والله لو يشوف اللي جالس يتفرج على زوجته مدري وش بيسوي فيه واللي حزني اكثر انه العروسة فستانها كان متعري نوعا ما وجزء من صدرها باين الله يغفر لي ولها وللمسلمين جميعا

مو كذا وبس

شفت بنفسي مصوره مصريه عجيز جاءت تحمض عندهم لا وشافت كم فكره عنده وتقلهم بجيب لكم صورتي وانا صغيره تسوها زي كذا عشان حضرتها تحطها بمحلها يعني انها ممكن تسوي للعرايس صور زي كذا
لا وكمان كانت تتناقش معاه بخصوص اسعار كم فاتوره من عندهم لا وتقولهم ليش ماتسوي المقله (المجله) هديه كل المحلات هنا بتعملها هديه هي والصوره الخشب ومدري عنها شغلات ثانيه والله اني كنت مره متألمه على الوضع اللي شفته
على فكرة فيه 2 حريم برضوه متلثمات بس شكلهم مصورات شفتهم كمان
والمفاجئه
اني سألت واحد من العمال مافي عندكم حريم يحمضو الصور عارفين اش قال
قال لا هزا حرمه فيه صور جيبو هنا سوي طباعة حمض كله سوي هنا نفر كثير قلت لا مافي حرمه هي حمض قال مدام مافي خوف مافي احد شوف بس هزا نفر حمض عشان سوي دجتال كويس بس حرمه هي صور
قلت له مين هذا مصوره
قال اوه هزا فيه كتير حرمه صور فيه مصريه فيه سودانيه ------------------الخ

اش انتي يبغى انا جيبو رقم هزا كلو يجي هنا زبون

شايفين يابنات

لا يغركم وضوح الصور والحركات اللي فيها روحو وشوفو الشغل بنفسكم حتى بعد ماتتصورو أتأكدو انه الصور عندها بمعملها والله يستر حتى من معاملهم اذا مايدخلوها رجال اذا ماخرب شي فيها او في الوقت اللي يكون مافيه استقبال للزبونات
مااقول بس غير
اللهم استرنا فوق الأرض وتحت الأرض واستر علينا وارحمنا يوم العرض