صار لي حادث ومت

هاذي القصيده اعجبتني
ونقلتها لكم
وانا اشوف فيها عبره لكل زوجه تزعل زوجها وتخليه يخرج زعلان من البيت
لانه يمكن يخرج ولاعاد يرجع
اتمنى من المشرفات ماينقلوها من قسم الحياه الزوجيه
اتركم تقروها
افرضي اني طلعت وكنت متنرفز كثير ,,
ورحت من عندك مضيع في الأماكن والجهات
بعد ما اشتد الخلاف بوضعنا واصبح مثير,,
قلت اهدي والعن الشيطان واطلع في سكات
اتجهت .. سايقٍ سيارتي عكس المسير,,
وصار لي (حادث) ومت .. وخبروك: فلان مات
علميني عندها بالله وش ممكن يصير ..؟
لو عرفتي من عقب زعلتك فارقت الحياة
تلطمين خدودك .. تشقين ثوبك مايضير ,,
دامك تلومين نفسك بعد مافات الفوات
ليه ماقلتي لي: اقعد والزعل ملعون صير؟,,
ووالله ماتطلع كذا بأعصاب مافيها ثبات
ليه خليتيني امشي حالتي حاله ضرير ؟
ولايعني كان حبك .. حب انانيه وذات!
وليه انا من بعد كنت الشخص الأول والأخير ,,
في حياتك وبسهوله صرت مثل الذكريات
والله ان تبطين وانتي ماعلى شفتك غير ,,
اسمي المكتوب ضمن اوراق تقرير الوفاة
تندمين العمر كله ..او.. يأنبك الضمير ,,
مافرقت مادمت ماضي في ملفاتك..وفات
بس يبقى ذنبي برقبتك وانا الصب الأسير ,,
اللي كبلني غرامك والوفا والتضحيات.
جربي الدنيا بدوني كيف واقعها مرير,,
وكيف لاعزوك فيني وصرت قدامك رفات
تدركين بوقتها معنى العبوس القمطرير ,,
وتشعرين انك يتيمه اهل واخوان وخوات
وتذكريني وتذكرين الشعر .. وانسام العبير
والعطر.والورد.والبوم الصور .والأغنيات
والسوالف . والغنا .واهدائنا عبر الأثير ,,
والإضاءه الخافته .. والليل ..واحلى الأمنيات
والرسايل ..والشموع اللي في مأوانا تنير ,,
والمجلات القديمه .والكتب . والملزمات
والهدايا من قطع ألماس وعطور وحرير ,,
والأثاث اللي خذا حمرته من لون الشفاة
والبحر .والصيف .والشاليه .واللبس القصير ,,
والشتا ..واحضانك اللي غير كل المدفئات
والأجازه. والسفر .والعيد .والمطر الغزير ,,
والمقاهي. والمطاعم. والطرق. والتمشيات
واسمي اللي مخزن بجوالك (االوليد الصغير).
اجمل الأحساس ..لكن ..مات ياست البنات,
ذكريات تحاصرت من كل صوب وتستثير ,,
دمعتك في كل غمضه.. وانتباه..وإلتفات
عن حكايه حب في هالوقت منقطع النظير
حب يكرم عن ردى الشهوه..ألسنه الوشاة
حب مدري ويش بكتب عنه؟..لكنه كبير ,,
اكبر من احساس اصدق شاب مع اوفى فتاة,
بس.. لاتبكين ..يبقى كل ماقلته نذير ,,
وافترض لكل مايمكن حدوثه لي وآت
لجل ذلك فكري وش هي النهايه والمصير .؟
(كلها حفره وجمع من الملا .. عقب الصلاة)
والله الدنيا ماتسوى نزعل الغالين..مير
ساعه الضيق يتعكر صفو الأنفس والذوات
ليش اجل مانستغل الوقت دام احنا بخير ؟
وليش مانرضي حبايبنا..ويلتم الشتات
يعني لازم ننتظر ؟والواقع ايامه تطير
واحنا ماندري نبات الليل ..ولا مانبات ..
العشير . اصلا يحز بنفسه يزعل عشير
الله اكبر كيف ماحزت بنفسك هالسوات
يوم شفتينيي طلعت ووضعي النفسي خطير ,,
وقتها.. اشدراك يمكن موتتي حانت وجات؟
فأحرصي دايم علي , ولاتغيضيني كثير ,,
واذكري دايم شعورك لادريتي وقيل : ماات ؟