صار لي يومين ماكلم زوجي

السلام عليكم..
صار لي يومين ماكلم زوجي..قاهرني بقوة..مو مقصر علي بفلوس لكن باهتمامه مقصر علي..
مطنشني مو هامة شي..البيبي الجديد مو هامة ابد مع انه اول بيبي لنا..
اقوله خل نروح نشتري اغراض للبيبي كله يقولي بعدين..
واذا قلت له عندي موعد في المستشفى يقولي بعدين..
واذا تألمت اصيح صياح من الألم يقولي اوديج للمستشفى؟ اذا قلت له اي قالي صبري شوي والا اقولج الالم عادي يروح ويجي..
واذا قلت له طيب دلك ظهري او اذا جاني الم في رجولي دلك رجولي يقولي بعد شوي..
وهذا حالتي..
وهو بس يجيه الم خفيف كله يشتكي ودائما يقولي دلكيني وادلك واتعب وانا ادلك واسوي له اللي يبي وبعد ما اخلص يقولي انتي مقصرة وياي مو معطتني حقوقي..
تخيلوا..طيب انا وين حقوقي..؟؟؟
مايبي يوديني ولا يجيبني مكان كلش..
ودائما يقولي قولي لاخوانج..
اخواني مو ملزومين فيني..يقولي اجل بكيفج..
يعني باختصار ماعنده حس بالمسؤولية..
تعبت ياناس والله تعبت..
واخر شي اول البارح جلست اتكلم معاه وللاسف نفس الكلام يعيده كل مرة..
اني مقصرة معاه واذا قلت له في شنو مقصرة؟؟يقولي في التدليك ومادري ايش.
طيب انا وحدة دائما تعبانة في شهوري الاخيرة يعني انا يبيلي من يدلكني ويهتم فيني وهذا انا احاول اسويله اللي يبي ومابين له تعبي الا اذا شفته قام يهذر علي..
والحين صار لي يومين ماكلمه اقول يمكن يفيد معاه..لأني كل مرة اتناقش معاه انا ارجع واسولف واتكلم عادي معاه لكن هالمرة لا قلت خلاص مو كل مرة انا اللي اكلمه خله اهو يمكن يحس يكلمني..
ابد ولا هامه ابد..
شسوي شوروا علي..
شخصيته صعب الواحد يفهمها..يعني هذا واحد من الرجال اللي نسوي شنسوي مايبين في عينه..