صباح الليل يا زوجي

كيف الحال ؟؟وش اخر الاخبار ؟؟ بصراحة انا من زمان ما دخلت هالموقع الغالي على قلبي لان ظروف الحياة اشغلتني....(اما عاد هذي قوية ..لا تعيدينها )..شوفوا يا بنات بلا مقدمات ولف ودوران ...حاولت انسق الخط بس مو راضي يتنسق ...بس راح اكتب يعني راح اكتب ..((لصقة))خ ..الموضوع وما فيه بكل اختصار ووضوح ان زوجي سويت له العشا كبسة ...وكبست على المعدة وما عاد يقدر يتكلم عاد انا استنيت ..واستنيت ...واستنيت ...لعل وعسى يتكلم لكن للاسف ما في امل ...قلت خليني ادخل موقع الفراشة وافضفض لخواتي الفراشات ومن هذا المنطلق الحزين واللي يقطع القلب ...خطرت على بالي فكرة جهنمية ....((ما هي يا شهرزاد ؟؟خ)) الفكرة كالتالي ...اكتبي عبارة لزوجك نفسك ومنى عينك من زمان تقوليها له ...واللي شجاعة فينا توريها زوجها وتقول لنا وش كانت ردة فعلة ...بنات لو سمحتو فضفضوا بهدوء ومن غير عفاشه..((مو زي لما نحكي لبعضنا البعض ...الوضع غير ..في رجال يمكن يشوفون موضوعنا فخلونا محترمات ورزينات لو سمحتوا...خ)) ...بسم الله سأبدأ انا اولا .....حبيبي الغالي ..انا نفسي اشد شعري من تصرفاتك اللي ترفع الضغط ..انا وش ذنبي اسوي عشى ويكبس على معدتك ويخليك تكتم وما تتكلم ؟؟؟هاه انا وش ذنبي ...بس وش اقول غير الله يهديك ويفك زنقتك ...بس تدري .. بتظل تاج راسي طول العمر وعسى ربي يطول عمرك ويخليك لي بالرغم من انك ترفع ضغطي احيانا...ربي يهديك ويصلحك ...آآآآآآآآآمين
يالله بنات من جد ...خلونا نفضفض ..وكل وحدة تدعي لزوجها وتقول اللي نفسها تقوله له من زمان ....وتوري زوجها الكلام اذا كان حلو ..امااذا العكس فلا ..رجاء ما نبغى خراب بيوت ...وبعدين تدعون علي وعلى جدي ...خلونا حبايب لو سمحتوا .
حتى لو ما كنتي متزوجة ..قولي لعريس الغفلة اللي جاي على حمار ...اقصد حصان ..قولي له شي ,,ما تدرين يمكن تتزوجين وتتذكرين كلامك في المنتدى وتقولينه لزوج المستقبل ..مين عارف؟؟؟..خ ...عارفة الموضوع ملخبط شوي ..بس ايش اسوي ...القريحة توها اشتغلت عندي ..وحبيت اشارككم...دعواتكم