صبايا شوفو الجلسه بالبيت وش تسوي دعوه للجميع

بسم الله الرحمن الرحيم
صباحاتكم ومساءاتكم ../ رشاقه
.:.
كيفكم ..؟ يارب تكونو كلكم على أفضل حال
طبعاً زي مايعرف كلكم جلسة البيت وش تسوي
اذ ا كانت بدون شغل ومشغله
نوم وأكل ومرعى وقلة صعنى
ونبرد بهالاكل .. وجبه رايحه ووجبه جايه .. وياشحوم اكبري زوود
وماغير صياني الحلا والبطآطس والمكسرآت شغالات فيها بلع
.:.
أناا السنه اللي راحت تخرجت .. وجلستي بالبيت كم شهرر بس خلتني اتنفخ وأزيد حول 8 كيلو
خفت ع نفسي آزيد أكثر فقررت لاز م اسوي تخفيف وانتبه لجسمي ورشاقتي اكثرر
صح أناا مو دوبا بس مرتويه وخايفه هالشئ يزيد لين اصير ماادخل مع هالباب
وزني الحالي 68 كيلو وهدفي اوصل 60 أوو 58 كيلو
يعني يبغى لي عشر كيلو ..
قررت اليوم إني ابدا تخفيف مو رجيم ..
لاني ماابغى اصلح جهه وتخرب جهه .. مثل بشرتي وشعري
بآكل اللي فيه فايده بس
من غير حلويات ولا بطاطس ولا مكسرات ولا خرابيط
بتكون وجبتين بس وجبة فطور ووجبة غداء
طبعا بهالوجبتين ماراح آكل رز مثلاً طبعا نو
أشياء خفيفه حيل وبكثر من شرب المويه والفواكه
..
بصور لكم كل وجبه ومن ايش تتكون وعلى نهايه كل اسبوع بقول لكم كم نقصصت
آنا حطيت هالموضوع عشان اتشجع اكثر
واللي بتشارك معااي حيااها الله يصير تحدي بيني وبينهاا
بشرط تصور لنا كل وجبه تآكلها ولعبت رياضه اوو لا
وتعلمنا بتفاصيل تخفيفهاا معانا
يلا ياصباايا انتظر منكم حماس
وشعارنا " لا للسمنه نعم للرشآقه "
ببدأ بعد شوي واصور لكم فطوري وأبي منكم تشجيع وحمآس
وببدأ من اليوم التخفيف
أحبكم يافراشات