صبغة شعر

سلام انا ماعندي خبره في الصبغات لكن على معرفتي ان موضة الاحمر والبورغندي مو دارجه هاالسنة
اللي دارج البني شوكلاته بدون تخصيل .

مشكورة ياعمري عالرد
بس انا جاي على بالي اللون الاحمر هالايام
مدري ... خاطري فيه
عموما مشكورة على مرورك ياقلبي

حياتي في صالون في مكه بتسوي الصبغه الحمرا الي مايتغير لونها ؟؟
الخلطه الجديد الي باللبن لزبادي تقعد ي بها 8 ساعات ثم تغسلي شعرك ترى مره ما يتغير لونها احمر توتي روعه وحده مجربتها........

مشكورة خيتو رولا حمد
بس انا سمعت ان هذي الصبغة تخلي البيت كله احمر لانه تشبك بالملابس او اي شي تلمسه (هذا حسب اللي فهمته)
و انا ابغى صبغة انا احطها بالبيت اذا امكن
عموما مشكورة عالرد ياعمري
.......................................
بنات أحد منكم جرب صبغة لوريال باللون الاحمر؟؟؟
ياليت تردون سريعا
ارق التحية

ياهلا حبيبتي انا صبغت شعري احمر يمكن 3 مرات و كنت استخدم ويلا او فيفا اعتقد جذي اسمها
و قبل ماتصبغين شعرج استخدمي مفتح لون يعني هايدروجين بيروكسايد و حطيه على شعرج حسب قوة اللون اللي تبينه>> اذا تبين احمر ناري تنطرين لين الشعر يصير اصفر او ذهبي و اذا تبينه ماروني تنطرين لين يصير بني فاتح و تغسلينه بماي بارد
و بعدين تنطرين علاقل يومين و طبعا ماتطلعين من البيت لان شكلج راح يكون موت يخرع بالشعر الاصفر بس ظروري تنطرين عشان مايتعذب شعرج
و بعدين اتييبين الصبغة و تحطينها على شعرج المدة المحددة
و طبعا ثيابج اللي لابستهم خلاص ترمينهم بيختربون من الصبغة و الحمام راح يصير بركة دم و الموسدة لازم تحطين عليها فوطة عشان ماتتشرب اللون>> و تحملي الصبغة اتيي على ويهج البقعة الحمرا ماتروح الا بالعافية
و على فكرة انا صبغت شعري ايام الثنوية و كان مميز و الكل يفكره باروكه و بنات وايد قلدو علي و راحو صالونات والله ماجذب عليج اسبوعين بالكثير و قلب راسهم برتقالي و انا ماشالله ليومج ذي اطراف شعري حمرا
بس الصبغة بيني و بينج هلكت شعري و اظطريت اقصه خصوصا اني صبغته وايد و لون قوي بس الحين الحمدلله تحسن شعري و رجع حلوو
و نوفا كلامها صح الموظة السنة موب احمر>> البني وايد طالع السنة و حلو موت يخليج تشتهين الجوكليت
بس بعد الاحمر حلوو و مميز

انا بصراحه احب الشعر الاحمر
وجربت لوريال احمر بس في البدايه يطلع لونه غامق مره وشوي شوي يبدا يتفتح
اما عن صبغه فيفا من ويلا هاذي تجنن وانا الي الحين استخدمها بس اختاري لون احمر غامق يمكن مايطلعلك
الون الي انتي تبين من اول صبغه بس خليكي عليها ولا تغيرينها وبع مرور شهر ارجعي اصبغي بنفسها
وراح يطلع لونه جنان
وتبين نصيحتي لا تصبغين شعرك بالوان فاتحه على طول اذا كان شعرك غامق ابدي بالصبغات الغامقه اول
وبعدين اصبغي بالوان فاتحه علشان مايتبقع لون شعرك
انشالله اكون افدتك واي شي تبينه بالشعر انا بالخدمه

حبيباتي .. MiRiNdA LeMoN .. و .. شوشتي هي سر جمالي
الشكر الجزيل على مروركم ونصائحكم
اكيد راح استفيد منها كثير
جزاكم الله خير ياقلبي

بليز بنات
احد يدلني على صبغة حمراء حلوه
بليز ردو

السلام عليكم ..
حبيبتي ولايف
احلى صبغة حمرا على الاطلاق فيفا كلورviva coulor وماتضر شعرك ابد ابد وفيفا كلور معروفة ما تبقى في الشعر مدة طويلة لكن انا احبها لاني ملولة من الالوان وكل شوي بلون ههه
فعشان جذيه وحتى ما تهلكين شعرج حطي فيفا كولور الاحمر الفاقع +الاحمر البورغاندي اخلطي اللونين وراح يعطيج اللون اللي تحبينه
لكن نصيحة لا تقربين صبغات لوريال تراها تنشف الشعر وتخليه خشن واجد هو صحيح اللون ما يروح إلى أن يطول الشعر وتقصينه ولا يروح ابد ابد لكن كله على حساب شعرج ..
انا مجربه أغلب الصبغات واحسنهم وأخفهم على الشعر هي صبغة فيفا كولور وصبغة غارنر اللي بالفواكه مع الفيتامينات روعة حق الشعر ولا يخشن ولا شئ
لكن اهم شئ اهتمي بان تغذين شعرج بعد كل استحمام بقناع للشعر (ماسك)أو بلسم على الاقل...
تحياتي...