صعوبات التعلم

هلا أختي ,,
أنا تخصصي صعوبآت تعلم إن شاء الله أقدر أفيدك
بالنسبه لهذه الفئه يحتآج جهد شآق لأيصالهم المعلومه
يختلفون تماما عن العاديين مثلا تريدين أن توصلي لهم طريقة حساب
أو تحفظيهم كلمه معينه لابد وجود وسائل وأشيآء تجذبهم
ولابد من تفصلي العمليه والكلمه علشآن يقدر يستوعبهآ ..
آبعدي طفل صعوبات التعلم كل مآيشغل آنتبآهه عن الشرح
مثلا بغرفه خالية من كل ملفت أو نآفذه أو غيره لأنه سريع صرف النظر
وبذلك يأثر ع مدى أستيعآبه ..
(أي نقطه تبي أوضحهآ لك كمآن حآضره )

"شبيهة البدر"
مشكورة حبيبتي بس ياليت اي معلومة تساعدني لانو عندي صعوبات تعلم المشكلة اللي عندي في الحفظ والتسميع ممتاز لكن شي في تركيز وكتابة ابد يتعبني الا يقطع قلبي وماني عارفه كيف اوصله للكتابة ياليت تساعدني باي طريقه حبيبتي لاتقصرين معي الله يطول بعمرك حتى اذا تبغين عادي نتراسل ولا ايميلات ولااي شي بس ساعديني

قمر25
بالنسبه للحفظ قسمي له الآيآت أو الي بيحفظه وتيقني أنك تحفظي طفل غير طبيعي
المعلومآت تصل له بصعوبه وطبعا حفزيه بعد كل آيتين مثلا عطيه محفز خليه يشوف
شي يحبه او حلاوه لانو راح يصعب عليه يضبط نفسه أكثر من ربع ساعه فساعديه وررددي معه اكثر
من مره ومرتين وعند وقت النوم حآولي ترآجعين معه مآحفظه بإذن الله يثبت..
بالنسبه للكتآبه عطيه حرف حرف يكتبه ثم الكلمه كامله يتدرب ع الحروف أول ثم الكلمات
والقرآءه اشتري له قصص الأطفال وأقريها معه لين ينطلق
ولاتنسي أنها فتره وبتعدي بإذن الله بس شدي حيلك معه
الله ييسر أمرك

"شبيهة البدر"
الله يعطيك العافية اختي وما قصرتي بس سوال اذا مااثقل عليك يعني تقصدين بفترة وتعدي يعني مارح تبقى طول عمره معه ها الحاله انشاء االله يارب الي فهمته صحيح
وسوال ثاني اختي الصعوبة اللي عندي انو رافض يكتب اسوي له نقط واقوله وصل يوصل في الاشكال الهندسية يوصل اي الاشكال المتشابه بس لما اجي ارسم له حرف واقول له وصل يقلب كل شي علي ويقول ماابي اكتب
بالنسبة للقراءة كيف اخلية ينتبه للحروف ويتعلم القراءة
الله يجزاك خير

قمر25
الله يعافيك..
حاضره لك
طبعا ع حسب مستوى ذكائه ودرجة الصعوبه اذاشديده تستمر لكن
اذا حرصتي عليه راح تخف كثير اذا غير شديده بإذن الله تختفي
بالنسبه لتركيزه حاولي تحطي له 3 صور بس ويوصل بعدين زيدي عدد الصور
4 ثم 5 لين تحسي بدأ يركز(غلط لطفل صعوبة التعلم أنك تضعي له كذا شكل وتبيه يركز
اذا هو عنده ضعف في التركيز وتشتت) طبعا تحتاجي تكرار مو من أول مره راح ينجز
والقراءه اشتري له قصص يحبها واقري معه وخليه يقرأ كل يوم لو يقرأ سطر
هذا بحد ذاته إنجاز أنتي لاتستعجلي عليه وأمشي معه درجه درجه وبإذن الله راح تنالي خير ع صبرك
بس حسسيه بالأمان ولاتضربيه وحفزيه وتيقني أنو المعلومه يشوفها قدامه مشوشه وتصعب عليه
وصولها ..
الله ييسر أمرك

اختي شبيهة البدر الله يجزاك كل خير ويرحم والديك وعساهم الجنة قولي امين وان شاء الله ابني خفيفه حالته لانو صعوبته بمزاجه مصعبها هو يقول ماابغي ولما اجلس معه واحاول يصير ماشاء الله هو الصور القصيرة كلها حافظة ولله الحمد ويصلي مع ابوة على طول ودايم يردد الادعية القصيرة ويعرف كل يدور حوله حتىى لو تكلمنا بالالغاز يدخل في الموضوع ونعرف انو فاهم كل شي بس مثل ما قلت لك الصعوبه عندي في تدريسة الكتابة والقراءة والله يعين يمكن لان عنده انحراف يلبس نظارة لكنه عنيد مايداوم عليها كان يمكن ساعدته بس الله يعين ومشكورة على كلامك الي بالفعل ريحني وشال هم كبير من صدري

عذرا من صاحبة الموضوع راح احط مشكلتي معك لاني اواجه الشي هذا. لكن في مادة الرياضيات. بنتي عندها خوف موطبيعي من الماده ، وقلق كثير احسها مشوشة وما تقدر تحل اوراق العمل وتغلط بأشياء كانت متقنتها طبعا انا اذاكر لها في مسودة بعدها اطبع الكتاب واخليها تحل الدرس وهذا الشي جاب معي نتيجة نوعا ما لانها في البداية ما كانت تحل شي مع الاستاذة في الصف والان انسخ الدرس 2 مرة في المذاكرة ومرة ثانية تطلب تحلها الصباح قبل تروح للمدرسة لكن الان احس صابها الاحباط تبغى تكون مثل زميلاتها تجيب علامة كاملة تتقن عندي في البيت لكن مثل ما قلت ورق العمل( في اغلب المواد) في الصف ما تجاوب واثر على القييم ساعدوني احس بأزمة مرة كبيرة وخصوصا لمن ترجع زعلانه لان صديقاتها جاوبو وهي لا اصبحت تشعر بالنقص وانه ما عندها ذكاء بالرغم انه مستوى الحفظ عندها مرة ممتاز ما شاء الله.

اميرة 6
ياليت اختي نحصل حل انتي تعرفين لفتي نظري لنقطة عند ولدي انتي بنتك رهابها من الرياضيات وانا ابني من الحروف والكتابة ولما اسوي الحرف نقط واقوله وصل تجية حالة هيجان ويترك الكتابة والمذاكرةويقول مابي نقط ابي بدون والمشكلة مو عارفه كيف بداكر له الحرووف بدون مايرسم على النقط اول اتمنى من المنقذ الطبيب شبيهة البدر كالعادة تمد يدها الحنونة وتساعدنا

اتمنى نلاقي حل .