صمت الزوج موضوع مهم أرجو المشاركه

السلام عليكم
والله ياعزيزتي جبتيها على الجرح لاني أعاني من هذه المشكله فأنا ايضا زوجي صامت مع انه خارج البيت هو سيد الجلسه
حاولت معاه كثيرا وكثيرا بكل الطرق مره بالزعل مره بالدلع مافي فايده بيتغير يومين وبيرجع
حتى مليت ويئست منه يمكن الاقي عندك الطريقه لتنطيق الحجر

انا نفس الشي اعاني من هالمشكله
اللي تلقا الحل تعلمنا ولا تبخل علينا

ايه انا نفس السالفة حتى إذا سولفت معاه يقول اصلا انتي تسولفين معاي عشان مااجلس ع الكمبيوتر انتي عشانك تتضايقين إذا جلست عليه فتصرفين .

عادي اغلب الرجال كذا سولفي معاه في السواليف والمواضيع اللي تعجبه موة السواليف والمواضيع اللي تعجبك انتي انا كذا مع زوجي وحطي في بالك دايما ان الرجال طبعه غير عن الحرمه مايحب كثرة السواليف

موة = مو

والله انا نفسكم ياخواتي مجنني بصمته مدري ليش يوم اقوله سولف
يقول هذا انتن يالحريم ياحبكن لسوالف

لاتشكيلي لبكيلك؟؟؟؟؟؟؟؟؟؟؟؟؟؟؟؟؟؟؟؟؟؟؟

كلنا نعاني من المشكله نفسها
لكن بقولكم عن تجربتي
انا مره اشغل نفسي على الاب توب وزوجي دخل البيت وانا مشغوله وحس بااحساس غريب عرفت من وجهه لكن انا بينت عدم الانتباه له بعالده بس اشوفه ابين له اني طفشانه وانه تاخر علي بس المره هذي تعمدت اني مااساله وين كان فستغرب وهو يبي يشغلني قالي قومي جهزي اغداء وانا ساكته وعطيته الغداء وبعد ماتغداء قال سوي لي شاي وسويت له وانا ساكته في النهايه قالي وش فيك ساكته البيت ممل كذا انا بطلع مع اصحابي
ووش تتوقعون قلتله ؟
قلتله روح مع اصحابك انت حر من اليوم ورايح ماراح اسالك وين رحت وين جيت وليش ساكت وليش ماتتكلم معايه تدرون وش قالي
زعل وعصب وقال البيت ممل يوم دخلت أول مره اشوفه كذا واللي قاهرني انك ماقاعده تردين على اسالتي ولاحتى تسولفين معايه قلتله أن تعلمت الحركات هذي منك فهو انصدم قال انا مو كذا وقعد طول اليوم يقول انا مو كذا بس في النهايه اعتذر لي وقال بحركتك هذي خليتني اراجع حساباتي معاك
معليش طولت عليكم

شكرا دمعة الشرقية فكرتك حلوة