صينية البيتزا بالتوست البر بطريقتي للرجيم دايت سحوره

صينية البيتزا بالتوست البر بطريقتي للرجيم ( دايت سحوره )
وهذي مقربه بس مو واضحه كثير
سويتها كم مره وطلعت رهيبه قلت انزل لكم طريقتها
هي عباره عن طبقات
اول شيء ندهن الصينيه بميونيز لايت على الخفيف
وبعدها نضيف التوست البر المنزوع الاطراف بجانب بعض
وبعدها ندهنه بملعقة ميونيز لايت ث جبن لايت ثم نضيف فوقه اشوي كاتشب
ثم خلطة البيتزا مثلا زيتون وطماطم وفليفله خضرا ومرات اضيف لحم بس هنا سويته خضار بس
وبعدها نضيف فوقها طبقه من التوست البر ولو تبقي تزيدي الطبقات براحتك
ثم بعد اذافة التوست نخلط بيضه مع ملعقة جبن ونص ملعقة ميونيز وملعقتين حليب بودره قليل الدسم
ونضيفه فوقهم وبعدها نضيف جبن مبشور على السطح وندخلها الفرن لما تحمر انا هنا رشيتها برضوو
بسماق للتزين وحتى يطلع شكلها حلوو
ومثل ماقلت لكم في وجباتي مااحرم نفسي من شيء ابد
لان الحرمان نتايجه غير مرضيه ابدا
اتمنى انا الموضوع ينقل بأسمي
لاتنسوني من دعواتكم الصادقه ولو في ظهر الغيب
وانا الله يحقق أحلامي ويفرجها لي