ضايقه فيني الدنيا

حبيباتي والله مدري من فين ابدا واش اكتب لان محد في هالدنيا فاهمنى الا خالي ويحس بدموعي او فرحي بدون مااتكلم
راح ابدا من حيث انتهيت في مواضيعي السابقه واغلبكم قرى قصتي مع زوجي وانه مايبي يشتري سيارة مه ان عنده الفلوس اللي تجيب له احلى موديل لهاسنه
ماابي اعيد واكرر في نفس السالفه بالنختصر (وع\ني بدايه السنه انه يخلص الاجراءات بحكم انه اوراقه كلها منتهيه فلازم تجديد ) وصبرت عليه لحد اليوم والتاريخ 8 /1
ورحت لاهلي اشكي لهم الحكايه مو قصه كل ماخرجنا نتمشي يقولي بعد مابنرجع البيت انا بروح مع فلان وانتي ارجعي مع اخوي فلان او فلان
واستحملت تريقة زوجه اخوه ولو من باب المجامله باننا ناخذ سيارتهم وصبرت سنه ونص من يوم تزوجت وهو يوعد لحد البارح
رحت لاهلي اشتكي لهم ابغاهم يوقفون جنبي ولكن حطوا الحق كله عليه واني غلطانه وسمعوني كلام لو مو اهلي لكنت ارد عليهم وقررت اصبر واستحمل بس اخاف انفجر في احد
لدرجة اني قلت اكلم اخته يمكن تفهمني احسن من اهلي(زوجة اخوي) وكل اللي قالته : اصبري ليش مستعجله
وسبحان الله يمهل ولايهمل (مو شماته فيها بس والله علشان تحس بمعاناتي مع اخوها )
نجي للحكايه الجديده
حصلت مشاده بين زوجة اخوي اللي كتبت عنها سابقا وبين اخوي وبحكم اني انا واخوي متزوجين عيال الخاله يعني زوجي يصير اخو زوجة اخوي واخوي يصير زوجها المهم
حصلت مشاده بسبب انها تبي تروح المستهلك (السوبرماركت ) وعلى كلامها صبرت اسبوعين بس وزعلت وقامت اخذت عيالها وملابسها وجاويتها وراحت بيت اهلها
هنا شوفوا الفرق بين اهلها واهلي
اهلي اول ماجيت استلموني تحقيق وفي الاخر سب وشتم واني غلطانه ولازم ارجع واصبر عليه وانا صابرة سنه ونص
اهلها جاتهم تبكي نفس حالتي ماقالوا لها ولاكلمه ومدلعينها ولا سالوها ولا قالوا لها ارجعي لاهلك
كلمت اهلي على اساس اشوف رايهم قالوا : اخوكي غلطان ولازم يسامحها
هنا قلت لهم : نفس حالتي ليش ماوقفتوا معي ؟
قالوا : هذي حاجه قويه مو زيك (ياهو انا ابي سياره لنا ملك وواعدني ومانفذ وهي بس تبي المسشتهلك زعلت )
انا هنا عرفت ان اهلي كلهم مع عيال خالتي وانا واخوي طز فينا
من جد حاجه تقهر وبرغم هذا انا مقدرة ظروف زوجي وصابره عليه وهي قلها اخوي بكرة قامت تنافخ عليه قدامنا وتعصب عليه
يعني اش فيها اهلي لو وقفوا جنبي؟
يعني اش فيها لو اهلي انصفوني مره ؟
يعني اش فيه انا غير الناس ؟
والله كنت من قبل اتزوج شعلة من الضحك والوناسه والفرح ودائم ابسط اي خرجة لما نخرج الان عكس ، صرت اغلب الوقت سرحانه ، ومااحب اضحك ولو ضحكت مجامله ، واغلب وقتي ابكي على حظي
حتى كنت افكر في الحمل بس بعد هالحكايه ماراح افكر الا لما نجيب سيارة ، تخيلوا اذا كتب ربي وحملت وجبت عيال وواحد منه مرض وماعندنا سيارة اش نعمل
اه والله محد حاس فيه الا خالي وهو نصحني بعدم الاستعجال في الزواج لانه عارف طباع زوجي (ولد اخته ) ولكن انا ماسمعت كلامه ، كنت اظن الزواج رومانسيه وكلام حلو
لدرجة اني ليه تقريبا سنه ونص ماعمر زوجي قلي الا مره او مرتين كلام حلو واللي يقهر انه يسب امي (خالته) بابشع سب وهو على باله يمزح وانا اقوله مااحب احد يسب امي مهما كان
والله العالم اني مااقصر في حقوقه ابد وبيتي ماعنري خليته وصخ ابدا ، بس ليش حظي دايم كذا