ضحية وحش خشن

السلام عليكم ورحمة الله وبركاته
اخواتي ابدخل ع طول في مشكلتي واتمني القي الحل المناسب..
(بنات اختي الكبيره دارسه ابتدائي فقط
عمرها 35
انسانه طيبه طيبه لدرجة الهبل
وشخصيتها ضعيفه مره واذا غلط عليها احد تسكت ماترد عليه تقول مااعرف ارد ولا اعرف اقول كلمتين ع بعضها
تزوجت رجل كبير شوي تقريبا عمره في الاربعين عنده زوجه واختي الثانيه
هذا الرجل صاحب اموال وبخيل معها مغرور جدا مافيه ابد احترام معاند بدررجه كبيره كذاب ..
شهر عسل ماراحت
كلام حلوو مافيه دلع مافيه طلعات مافيه
من ثاني يوم من زواجها داخله المطبخ
مايجلس عندها زوجها يطلع من الظهر ويرجع للبيت 11 بالليل كل هذا وهي عرروسه
كل اياام شهر العسل كلها تعليماات هي ساكته مستحيه وهو يقول انا مااحب البنت اللي تقول ودني السوق
انا مااحب البنت اللي تقول عطني فلوس
انا احب النظاافه
انا احب البنت ذات الشخصيه القويه و
اسبوعين وهو كله تعليمات وهي ساكته
تقول ماحسيت ابد اني عروسه
ولا حسيت اني متزوجه ابد
مايحبها تركب معه في السياره
تجينا مشي علي رجولها مايجيبها لناا
مايكلمها في بالجوال الا للضروره القسوي
ترسل عليه رسايل حب وغزل يطنشها
تلبس احلي الملابس مايناظر فيها
تقول مره قلت له انا احبك انتي تحبني
قال لا لحد الان ماحسيت بشي << لو جاملها ع الاقل
يتكلم في ابوي ولاتهاووشه تسكت.
اختي كلامها فيه ارتبااك ومخربط وبعض الاحيان تخربط الدنيا وتجيب كلامات تكذب..
يقولها وهوو مغرور بطرف خشمه يتكلم
انتي الكذب عرروقه فيك
المشكله هو كلالامه كله كذب
ومره قال ان اشك في عقليتك تخيلو لها 20 يوم وقال لها كذا عشانها تلعب معه
واذا سوت أي شي قال هذاا ابد مو من تفكيرك
عزمته لمطعم قال هذا ابد مو تفكيرك من اللي معلمك
سووت له ليله رومنسيه انجنن قال والله مو انتي اللي مسويتها وقلب الليله الرومنسيه الي هوشه
يقول اببحث عن اللي ورا هالحركاات الحلووه
مستتفه بها لدرجة الهبل
يقول اذا كانت من تفكيرك هالليله الرومنسيه فانتي ابتنتقلين عنذي من الصفر الي الميه
يعني هي عنده الحين صفر
يسافر ومايخبرها الا في وقت متاخرر
البيت مايجيب فيه شي الاواني قديمه مره
وهي تاخذ من بيتنا وتحط لضيووفه
انا واخواتي نهاوشها نقول خلي بيته يعتمد عليه ويتفشل بس هي الله يهديها ماتسمع كلامناا وصارت بعض الاحيان تزعل منا اذا قلنا لاتاخذين شي من بيتنا
والله كله لمصلحتها
نقوول لها اضغطي عليه وحااولي توقفينه عند حده بس هي تررفض تقول مااسوي شي وانا مااعرف خلوه بكيفه
وانا اشوفها تجي وحدهاا وتبكي بحررقه
واذا جتنا من عنده تبكي قايل لها الف كلمه جارحه
بس ماتقول لنا
6شهور وهي علي هالحاله
حياه نكد وطفش وقهر
قالت انا ماراح اجلس عنده واخذت كل اغراضها
تبي الطلاق
واحنا قلنا لها مو طلاق علي طوول خليه يجي وقولي اللي في خاطرك وشوفي وضعه
لكن رفضت قالت انا مااقدر اتكلم ومااعرف ابي الطلاق
هو ماشااء الله عليه لما جاا وشاف اغراضها مو فيه سكت وراح لزوجته الاولي ولا ناقش الموضووع
وطنشها وطنش اهلي ولا كان شي حصل
مستحقرها ومستحقرر اهلي
من شهر 12 اللي فات و1و2و3 كل هالفتره وهو مطنش الرجال ولا فكر انه يسال,
يدق عليهاا ولاترد بس
ماجا للبيتنا وشاف وش فيها طنش الوضع
وقبل يومين انقهروا اخواني منه ودقوا عليه وتكلموا معه وقال انا زعلان منها ادق عليها وماترد<< (اه يالرومنسي زعلان الرجال)
انا ماجيت تركتها عشان اللي في راسها ينكسرر
انا ماقلت لها شي انا ماابي اطلقها ابيها
ومابيناا أي شي
يعني كل اللي فات وكلامه الجارح ورفضه انه يطلعها من البيت كله ماادرا عنه ابد
وقال انا الحين مسافر وبعد اسبوعين ابجي واجيكم ونحل الموضووع
الحين تقول اذا جاء وقالوله اهلي يهتم فيني ابرجع له
المشكله ابترجع له وبيسمعها من الكلام الجارح وبيقول هذي مو من افكارك اكيد احد قايلك هو قصده احنا خواتها
اخواني يقولون لها اذا دق عليك ردي واشرحي له اللي في خاطرك
والمصيبه بترد وهي ماتعرف تتكلم وبيهزاءها
وبتسكت
وهي الحين تقول ماادري وش اسوي ارجع له والا اتركه وكيف اقوي شخصيتي كيف اتعلم للكلام المتواصل
وش اقوله اذا دق علي
طوولت عليكم يابننات حاولت اختصر فيه الكثير من الكلام بس اختصرت لكم
اتمني انكم ترشدونا للطرريق الصحيح
تكفون ردوا في اقرب وقت انتظرركم