ضروري لبنات مكه فقط لاغير

أفنان الحازمي

14-09-2022 - 11:28 pm

حبايبي بنات مكه
أبغى منكم تدلوني على أحسن صالون في مكه لقص الشعر وباسم الحرمه اللي تقص
انا من زمان ماقصيت شعري ومابروح لاي وحده تلعب فيه
فكرت اروح جده بس برضه مااعرف ولاصالون هناك مشهور بقصات حلوه
بس يمدحون بالتساريح والميك اب
أبغا وحده تعرف وماهره بنفس الوقت
وابشروا بالدعوات
أمانه يكون الصالون انتي مجربته بنفسك ولاشفتي قصه عجبتك ودلوك عليه
مو سمعتي وبس
الله يسعدكم يارب ويخليكم ليا
محبتكم ..أفنان

التعليقات (9)

دفى قلب

15-09-2022 - 02:30 am

اهلين افنان
شوفي حبيبتي انا جربت كثير من صالونات مكه >>>راسها حقل تجارب
لكن رجعت في الأخير لصالون كنت شاطبه عليه مره ما احب شغلهم لا تساريح ولا ميك أب
لكن في القص بصراحه مافي مثل قص وحده عندهم وكل من دليتها عليها دعتلي
لأن قصها مرتب بالحيل بس عيبها انها تشيل الشعر
يعني لا تقولين لها رتبيه و تحسبينها تشيل شوي
بتشيل كثير بس تطلعك واو
طولت عليك ياعسل
المهم
المشغل (ابتهال ) اكيد تعرفينه روحي عند نعيمه
قصها يجنن ومرتب مره حتى الكوفيرات في الصوالين الثانبه يسألوني فين قاصه شعرك
واستخيري قبل كل شيء
بالتوفيق

ياقوته1980

15-09-2022 - 03:31 am

اب

ياملحني..

15-09-2022 - 04:32 am

احسن وحده قصيت عندها وما لعبت بشعري
بصالون العبير بالرصيفه>>عند نجلا
موفقه

أفنان الحازمي

15-09-2022 - 05:33 am

دفى قلب
مشكوره حبيبتي على ردك بردتي قلبي والله انصدمت لما شفت المشاركات بدون ردود
بس حياتي مااعرف وين مشغل ابتهال >> ماكنها عايشه بمكه
اذا ممكن تعطيني وصف للموقع ياعسل وراح اسأل عن نعيمه بس ماقلتيلي جنسيتها ...سعوديه؟؟
ومشكوره مرة ثانيه
ربي يسعدك ويوفقك وين ماتروحين

دفى قلب

15-09-2022 - 06:34 am

هلا حبيبتي
صالون ابتهال في الستين خلف مركز قزاز اللي ع الشارع العام مباشرة
والكوفيره اسمها نعيمه(ام عمر)انتبهي الصالون فيه اكثر من وحده اسمها نعيمه
(وللمعلوميه تراها كبيره في السن شوي)
قصها مرتب بالحيل بس عيبها تشيل وماتحاسب
وهي جنسيتها مغربيه بس يمكن لها في هالمشغل اكثر من 15 سنه
ومشكوره ياعسل على الدعوات الحلوه
الله يسعدك وان شاءالله تبشريني بقصه تعجبك بالحيل

أفنان الحازمي

15-09-2022 - 07:35 am

ياقوته1980
مشكورين حبايبي عالمرور
نورتوا صفحتي ربي يسعدكم ويفرج همكم يارب
ولايحرمني منكم
واتمنى كمان أعرف صوالين أكثر من اي وحده تشوف موضوعي..عشان نستفيد كلنا

أفنان الحازمي

15-09-2022 - 08:36 am

دفى قلب
تسلميلي ياعسل...
ماقصرتي الله لايقصر بعمر غاليك...
ربي يسعدك وين مارحتي

أفنان الحازمي

15-09-2022 - 09:37 am

اب
لعيون بنات مكه

miss 8l8

15-09-2022 - 10:38 am

ياعسل .. انا قصيت شعري اخر مرة عند مشغل فالستين بس للقص والصبغ .. ماعندها مكياج أو تسريحات بس ماشاء الله عليها خطيرة
وماشاء الله تبارك الله عندها زحمة على طول
اعتقد ان اسمه مشغل فرح اساسا بس يشتغلون فيه ثنتين مغربيات ..
موقعه قريب من محل ثياب رجالية اسمه خليك شيك أو اسمه زي كذا اسألي عنها لأنها مشهورة بقصاتها وصبغاتها ماشاء الله

بنوتتات الرياض ممكن استفسار←
زيت الحشيش→