ضروري لو قررتي تفردي ادخلي هنا واستفيدي

1. السلام عليكم ورحمة الله وبركاته


2. قصي اطراف الشعر كل فتره عشان يكون في شعرك حيويه ولمعان.

السلام عليكم ورحمة الله وبركاته

انا يا فراشاتي الحلوات وبدون مقدمات اسمع كثير بنات يشتكون من الفرد وما الومهم اساس الفرد ماه لها اضرارها اكثر من منافعها بس هذا ما يعني انه ممكن ما يظبط في ناس يكون ناسبهم ويستمرون عليه ماشاء الله لفترات طويله وفي ناس من اول مره استخدام ما يناسبهم .
انا هنا بقسم الموضوع لقسمين اول شي ليه ممكن الفرد يتلف شعرك وما يناسبه والحاله الثانيه كيف ان ممكن وفي حالات قليله يناسبك وتستمرين عليه:
الحاله الاولى:بعض البنات الله يهديهم بس تسمع بخبر شي ينعم تروح على طول وتجرب لا تشوف وش ماركته ولا وش صناعته ولا المواد الي فيه يا فراشات هذا شعرك نعمه من ربك تاج جمالك كيف تغامرين فيه واي شي تسمعونه من الناس ولا المنتديات على طول تجربونه والمكونات للمنتج هذي لا معروفه ولا شي ولا تغترون ببعض المنتجات يني انها تنباع بالصيدليه يعني انها زينه اساس الصيدليه حالها حال غيرها تبي تستفيد ماديا لان هالاشياء تسبب الاضرار افضل اشوفها بالسوبرماركت ولااشوفها بالصيدليه واذا سالتي الصيدلي يمدح فيه شي طبيعي ما راح يضر نفسه وسمعت المنتج الي يبيعه , لازم اي وحده تفكر تسوي فرد تدور على النوعيه الممتازه مو الرديئه .
شي ثاني في يعض الحريم تدور النوعيه الممتازه وتشتريها طيب تبدء هنا بالتفنن في نفسها ولا تخلي شخص ثاني مو متمكن انه يستخدم الماده هذي على شعرها حتى لو قريتي التعليمات يا قلبي الكوافيرات الممتازات لهم خبره اكثر منك بمليون مره باليوم ممكن يستقبلون 5 ولا فوق العدد هذا يفردون يعني هي تتصرف بشكل افضل منك ولا حظوا انا قلت الكوافيرات الممتازات يعني المعروفه ولها سمعه طيبه , وفي البعض الاخر ما يقرون النشره مظبوط وان قرتها بتسوي الي براسها يعني تبي الوقت على كيفها وتبي كل شي بمزاجها اساس التعليمات ما تتقيدين فيها ممكن الوقت يقول لك ربع ساعه وانتي ما تحتاجين الا 5دقايق بس تخربين شعرك بالعناد ومسويه فيها خبيره ليه؟!
ضروري تقرين التعليمات الي موجوده بس لا تتقيدين فيها من كل النواحي وخصوصا الوقت يعني بالنسبه للوقت لا تزيدين لو فكرتي تغيرين الوقت نقصي فقط لا غير .
في بعض الحريم تروح للمشغل وفيها عناد وراسها يابس بس ما اتخيل للدرجة تضر نفسها ،رحتي للمشغل وكانت صادقه معك وقالت شعرك ما يناسبه الفرد ليه تضرين نفسك وتعاندين الا تبين تسوين يا انا يا الكوافيره انا مره رحت للمشغل وشفت وحده شعرها استغفر الله ياربي متقصف موت موت موت وطايح بشكل ما تتخيلونه يا بنات انا توقعت جايه تسوي علاج لشعرها قالت لا تبي تفرد الكوافيره استغربت قالت لها انتي مستحيل تفردين قالت لها ليه قالت انتي شعرك يبي له معالجه ومطوله بعد المهم هذي تهاوشت مع الكوافير قالت لها انتي ما تبين تسوين وانتي و و و و و و راحت لصاحبة المشغل وقالت لها ابغى افرد وابغى هذي بالتحديد تسوي لي الي تهاوشت معها تخيلوا صاحبة المشغل وبكل بساطه تقول لها ان شاء الله من عيوني والكوافيره تترجاها لا تسوين يا مدام وهي ماسكه معها وبالاخير قالت لها انا بسوي لك بس تكتبين ورقه ان انتي الي طلبتي هالشي مني ,تبعا النتيجه معروفه ما يحتاج اني اتكلم.
الانواع الخايسه والقديمه والمعفنه اتركوها وبالذات الي بالصيدليات والحنه السودا والكلام الفاضي الدنيا في تطور والانواع الكويسه موجوده ومتوفره باغلب المشاغل وانا ما اقول ما لها اضرار بس الي في ناس مظطره فتدور منتج صناعته تنتبه لها الصناعه يا بنات اهم شي لا يكون مصرح فيه انه ينتج عند شركه معينه ببلد ثاني لا لازم يكون من نفس البلد يعني فرنسي فرنسي الماني الماني مو صناعه كذا وكذا مصرح بها من شرطة كذا بفرنسا هذا كلام غلط وانتبهي له واسالي صاحبة المشغل وهذا شي من حقك وعموما افضل الانواع الحين لوريال والباقي اغسلي يدك منه وهذي نصيحه لوجه الله. والكلام كثير بالنسبه للحاله الاولى لكن انا اشوف اغلب الاشياء تستحق التركيز هذي.
الحاله لثانيه: لو فكرتي تفردي وتحبي تاخذي نتيجه كويسه اول شي لا تاغمرين بالبيت انسي تقولين صديقتي ولا الخدامه ولا اي احد ثاني الا المختصين البروفيشنال بعد مو اي كلام .
اهتمي بشعرك ولا تحاولين تحطن له معالجات كيميائيه ثانيه صبغ ولا بيرم خلاص شي واحد يكفي على شعرك.
لا تنسي الزيوت وافضل شي زيت جوز الهند لانه مو حار على الشعر مثل الزيوت الثانيه ولا تنسين حمام الزيت وسالي الكوافيره وش افضل نوعيه ممكن تفيد شعرك ولا تسحب منه الفرد.
اختاري نوعيه ممتازه ولو كانت غاليه افضل من الرخيص والي يعطيك نتيجه محدوده.
لا تستخدمي الحنه على شعرك لا قبل الفرد ولا بعده بس قبل الفرد سنه كامله واكثر لا تستخدمين الحنه .
لا تكذبي على الكوافيره لو سالتك اي سؤال يعني مثلا مصبوغ ولا فيه حنه لا كوني صريحه معها لان هذا شعرك مو شعرها ولا هي الخسرانه لو انتي انضريتي.
روحي وقت ما فيه زحمه وقت رايقين الكوافيرات واطلبي منها تسوي لك اختبار على شعرك ولو طلبت زيادة فلوس هذا من حقك كزبونه انك تطلبين تجربه.
انتبهي للوقت المحدد واساليها ممكن تنسى ولا تشتغل بشي ثاني ونبهيها بين فتره وفتره.

قصي اطراف الشعر كل فتره عشان يكون في شعرك حيويه ولمعان.

يفضل انك تروحين عند دكتور عشان يعطيك فايتمينات توقف التساقط واكلك يكون صحي عشان يكون حل مشكلة الشعر الجاف من داخل ومن برى وتقولين له انك فارده شعرك وعاجبك وما تبين اي شي يوخر الفرد انتي تبين ادويه للعنايه بالشعر وبس.
بالنسبه للاعادة عملية الفرد اسالي الكوافيره كم المده الي تكفي لانك تعيدين الفرد على الجذور ولما تروحي للمشغل عشان الجذور انتبهي انتبهي انتبهي توصله لتحت لان في الحاله هذي بينحرق شعرك وعلى فكره مو الكل يظبط الجذور لان صعب تتحكم الكوافيره فيها خصوصا انه مو صبغ لو نزل مجرد لون وبس لا هذا شي يحرق الشعر انتبهي لو تظطرين انك تدفعين الفلوس وتقومين لو وصلته للشعر المفرود سا بقا .
مدة انك تعيدين الفرد للجذور ستة شهور ولا تفكري تسوي قبل كذا ولو قالت الكوافيره ما عليك منها ستة شهور وترجعين لها من جديد.
واخيرا اتمنى تتفاعلون مع موضوعي يا احلى فراشات واشوف ردودكم الي تفتح النفس ولا تبخلون علينا لو عندكم نصيحه تقدمونها للفراشات المهتمين بالفرد