ضعفت وجسمي صار مشدود وكل ماله يتقسم الجسم

1. 1. الصبح اقوم اشرب ثلاث قلاصات ماي فلتر


2. 3.عقب الريوق بساعه أشرب حبه حلوه معا شاي اخضر


3. لاتقولون مانشبع عاد يلا بتاكلون الجدر هههااي

هلا بنات شلونكم شخباركم
والله يابنات مابي ابخل عليكم في اي شي
بقولكم خطواتي وانشالله تشوفون نفسكم اول شي بصحه وعافيه وجسم مشدود ونفسيه مرتاحه الحمدالله

1. الصبح اقوم اشرب ثلاث قلاصات ماي فلتر

2. قبل الريوق قلاصين ماي وأتريق اللي أبيه طبعا الريوق محد ماكل خروف الاكل المعتاد( بيض وجبن وتوست اسمر وبعدوا عن المشكل والفلافل والبيديان واذا بتاكلونها حبه وحده مو ثلاث سندويشات لاء والبيض المقلي انا اسويه بدون دهن احطه بمقلاه تيفال وبس واكسر البيضه وارش عليه ماي وتصير اتهبل معا فلفل اسود وملح)

3.عقب الريوق بساعه أشرب حبه حلوه معا شاي اخضر

4. الغدا اشرب ثلاث قلاصات ماي بعدها اتغدى الموجود الحمدالله كل شي نعمه ماأتبطر عالنعمه بس ها شنو اهم شي صحن السلطه جدامي واذا كان عيش احطولي بكوب الروب معا قطعه اليدام وطاسه مرق الحمدالله واذا مشاوي اكل )

لاتقولون مانشبع عاد يلا بتاكلون الجدر هههااي

5. ما انام بعد الاكل اتغدى وانام اقل شي اقعد ساعه احوس احوس لما تمر ساعه وانام حتى لو راده من الدوام هلكانه
6. اسوي مطارة اعشابي اللي مايتغير جسمي عليها ويرد المرأه جنها بنت واقولكم السبب ( شاي اخضر . نعناع . زنجبيل . قشر رمان . حبه حلوه) واحط بياله احسن من الكوب بياله ماتملين وتحسين بالطعم وتتمللين تشربين لما تدفي زغيها مره وحده وبالعافيه يعني على طول الوقت اصبلي واشرب قشر الرمان والزنجبيل فظيع يطهرج من تحت
7. اشرب قلاصين ماي وبعدها اتعشى قبل الثمان والنص ماني قايله لكم من الست لا بنات عادي والعشى خفايف مو وجبات وسوالف همبرجر مشوي وسلطه وعصير اناناس يعني شي مشوي وعادي خبزه سمره معا حمسه تكون مافيها دهن يعني قفشه دهن وايد زين او دايت ببسي وقبل لاتنامون شاي اخضر وحبه حلوه
8. مثلا اشتهيت شبس مقلي او كراتين ملوت امريكانا الدياي بالبقسماط او اى شي يبيله قلي احطه ببايركرس او ماعون ادخله الفرن ويستوي ونفس الطعم وبدون دهن يعني ابعد عن الدهن بكل الطرق
9. الصلصات حق السلطات وما ادراك ما الصلصات احاول ابعد عنهم واخترعت صلصه ماستغنى عنها ( قفشه روب , ليمونه , زيت زيتون, وفلفل أسود, وذره بوده الثوم , وفلفل اسود وقفشه مايونيز لايت ) مرات احط خردل معا الصلصه او صويا صوص
0- بعد كل فرض صلاة العب تمارين المعده عشر مرات يعني باليوم خمسين مره واحاول اتحرك بالبيت ارقص نص ساعه الحمدالله جسمي تخصر حيل وانشد
1- وقبل كل سبحه عندي خلطه زيوت فظيعه شدت جسمي حيل ( جلسرين العلبه الحمرا , زيت زيتون ,. زيت سمسم ’ جلسيويد ’ ليمونيتين , نشا اخلطهم واحطهم بعلبه ) قبل لاتسبح ادهن جسمي بالخلطه من نص ساعه لى ساعه ونص واتسبح اهو نعومه اهو شد
2- اذا شفت نفسي زايده اسوي رجيم اقسم مثلا ثلاث ايام رجيم والباقي فري وطبعا الفري ماراح اكل اكثر ماتتحمله معدتي واللي ماتستغني وجبه بالاسبوع بالويك اند والكاكاوات والخرابيط كل يوم قطعه صغيره عادي مو مشكله قطعه هاا مو كلها
3- اهم شي الماي والفواكه والسلطات يعني انا لازم الماي قبل كل اكل والفواكه حق بشرتي صج شريت اثقال زنودي صارو يهبلون مشدودين خذيت2 كيلو صدري شد وزنود شدت وحتى بطني بعد كل صلاة لاتنسون المعده وبعد اذا بشتغل بالبيت وعندي شغل دهنت البطن هالفكس والفازلين ولبست بدله السونا واشتغلت اسويها مره بالاسبوع ودي اكثر بس للي تقدر عادي بس مايمرج عليج اسبوع الا وانتوا مسوينها
اتمنى عجبكم موضعي والله جربت رجيمات الدنيا اوكي اضعف واستانس جم شهر واردهم بس والله ماكو على انكم تخلونه خلاص نظامكم الحياتي تمشون عليه تحسون براحه والله وبخفه يعني خليت هالشي عادة بس عودت نفسي ومعدتي ويومي كله ومشكورين وابي رايكم امانه موتشوفون وتطلعون والدعوه اكيد لاتنسونا
منقول للفايده