طالبات أدب انجليزي تعاالوا نتعاون ونتفوق على صعوبة القسم

السلام عليكم ورحمة الله وبركاته
هذا نداء خااص لكل طالبة انجليزي بكلية التربيه ولو من الجامعه حياك الله بس بصراحه مو عارفه لو موادكم مثلنا او تختلف
المهم انا سنه ثاني انجليزي وطبعا عانيت بسنه اولى والان اعاني برضو من صعوبة البحث بالنت
يعني لو احتجت افهم شيء او احتجت شرح لشيء محدد ما القى اي شيء
واللي ضيق صدري زود ان الامتحانات ما عاد بقى عليها شيء
وانا متعقده من الدراما والشعر واحس يبيلي مجهود ويبيلي تشجيع عشان اذاكر
وفي النهايه قررت افتح هالتجمع
لاني متاكده انه في كثير يعانون نفسي
فليش ما نجتمع وكل وحده تفيد الثانيه في اللي تفهمه ؟؟
نتعاون نعلم بعض نشرح لبعض نجمع اسئلة الاختبارت من هنا وهنا
وفي الأخير نستفيد
نبي تجمع راقي نحط معلومات مفيده نذكر تجارب صعوبات نعاني منها وتجاوزناها بفضل الله نذكرها
وممكن لو نسوي جداول ونخصص جزئيات معينه نذاكرها
انا طبعاعارفه ان الاستاذات يختلفون لكن عالاقل نشجع بعض ونتحمس
وطبعا ابي حماس وتفاعل عشان فعلا يخدم التجمع الهدف اللي فتحته عشانه وانا واثقه ان فيكم الخير والبركه
وبرضو البنات اللي تخرجوا ونجحوا بفضل من الله ما نبيهم يمرون ويطلعون لا ابيهم يساعدونا و يعطونا كم نصيحه من نصايحهم الحلوه
وطبعا لا تنسون كل وحده تحدد مستواها عشان نكون بالصورة
في الانتظار