طالبتكم لا تردوني

هلا حبيبتي نورتي المنتدى وان شاء الله تستفيدين منه وحنى ليه مشتركين الا لطلبات ههه
بما ان العزيمه باستراحه اكيد ضيوفك كثار عشان كذا افضل شي سوي طبقات كسترد عشان تحطينها بالعلب البلاستيك انا اسوي طبقه كاسترد صفرا وطبقه نشاء ابيض وطبقه نشاء واحط فيها شوكلاته وبعدين احط فوقها جلي يصير شكلها روعه وطمها حلو ولا تكلف وتجمد

الله يعطيك العافية ياأختي بس المشكلة يبغون صياني مايبون كاسات...
وين باقي الاخوات ما ردن؟؟؟؟؟؟
الفزعة الله يجزاكم خير.

اتمنى يفيدونك الاخوات لاني قليل ما اصلح حلى العشاء لان غالبا احط فواكه مشكله
انتي سوي سلطه فواكه او شيش فواكه بتطلع مره حلوه
في طريقه سبق ان سويتها جيبي البرتقال وقطعي اللي فوق يعني الدائره فب في راس البرتقاله بس لا ترميها
بعدين جيبي شوكه وفرغي البرتقاله بدون ما تتمزق بعدين حطي داخل البرتقاله بعد ما فرغتيها خلطه الدريم ويب مع شوي من قطع البرتقال ثم جيبي قطعه البرتقاله اللي قطعتيها وغطيها من فوق وجيبي ورقه نعناع وخليها طالعه من الجمب
امانه الله لا يحلل ولا يبيح اللي تنقل طريقه الحلا هذا بدون ما تذكر اسمي فيه

تفضلي حبيبتي
وكان ودي لو حطيتي طلبك بموضوعي
مايطلبه المدمنون >>على الحلا طبعا خ
http://alfrasha.maktoob.com/alfrasha31/thread961482/
بس ماعليه هالمره بعديها بس مره ثانيه << تهدد
مرة ثانيه اسدحي طلبك في الموضوع اعلاه
خ
<<تمزح
شوفي الرابط اللي فوق فيه وصفات كثيره
وهذا زياده الخير بركه
الطبقة الأولى :
2 قشطة – 2 بكيت دريم وب – 1.5 بكيت كريمة ( كريم كارميل )
توضع هذه المقادير في الخلاط الكهربائي
وفي صينية متوسطة تضعين بسكويت شاهي مغموس بالحليب ثم ترتبينه في الصينية . ثم تضعين فوقه جميع مقادير الطبقة الأولى .
الطبقة الثانية :
نضع فوق الطبقة الأولى طبقة أخرى من البسكويت المغموس بالحليب ، ثم نضع عليه المقادير التالية بعد طهيها على النار :
ثلاثة أربع زبدة تسيح في مقلاة على نار هادئة ونضع معها ( 4-5 ) مارس حجم وسط ، وبعد أن يختلط المارس بالزبدة ويصبح سائلاً ، نبعده عن النار ونضع عليه علبة قشطة ويحرك بسرعة الى أن يصل لونه إلى البني الفاتح ، ثم يسكب على الصينية بهدوء وبطء ويزين بالفلك المبشور أو أي كاكاو آخر .
ثم يدخل في الفريز ( الثلاجة )
وبالهنا والعافيه
<<الميزه في الحلا اي حلا في العالم طريقه التزيين والتقديم
ولي عوده،،

حلا عشاء لذيذ جدا00 وسهل بنفس الوقت00وان شاء الله يعجبكم00
وهذى صورته00
اللحين نجى للمقادير00
الطبقه الاولى00
بسكوت مطحون+اصبع زبده+قشطه حجم صغير
تعجن مع بعض وترص فى صنيه ذات القاع المتفكك0
بعدين نجيب كيك سوسرول بالشوكلاته ونقطعه حلقات ونرصه على جوانب الصنيه بالطول طبقه وحده بس0
الطبقه الثانيه
2ظرف كريمه كرامل +نصف كاس ماء +علبه حليبب بالشوكلاته مثل الصافى او جالكسي 00+وملعقه كاكاو بودره و3 ملاعق حليب بودره00
توضع على النار حتى تغلى 0بعد ماتغلى نصبه بالخلاط مع 15 حبه بسكويت شاهى ثم نصبه بالصينيه00ثم تدخل فى الثلاجه حتى تبرد00
الطبقه الثالثه00
ظرف دريم ويب +نصف كأس حلب بارد تخفق بالخلاط الكيك حتى تثقل--وممكن بكريمه الخفق00 وتزين بالهرشي00
وعليكم بالعافيه ان شاء الله00

وهذا حلا ثاني لعيونك
المقادير:
بسكوت شاي
ثلاث أظرف دريم ويب
ثلاث بيالات ماء بارد
نصف علبة نستله
نصف ظرف كريمه صفراء اللي هي كريم كراميل
ثلاث م ط حليب بودره
الطريقه:
يخفق الدريم ويب والماء حتى يتكاثف
يضاف له نصف علبة نستله
ونصف ظرف بودره الكريم الكراميل
ثم يخفق ثم يضاف حليب البودره
ويخفق ويخفق ويخفق
ثم يقسم الى نصفين ويوضع عل الاخر شوكولاته بودره
ثم يصف بسكوت شاي بصينية بايركس توضع طبقه بيضا
ثم يصف بسكوت شاي ثم توضع طبقة شوكولاته
ثم بسكويت شاي ثم طبقه بيضا
ثم بسكويت شاي واخيرا طبقه شوكولاته
وتزين بقليل من النسكافيه
اتمنى يعجبكم وبالعافيه

حلا عشاء*سلطة فواكه ملغمة بكريمه وصوص المشمش *إبداع من أبدعاتي بالصور
السلام عليكم ورحمة الله وبركاته
**بمناسبة سقوع هالبرد والبرد اللي يشلخ العظم حبيت ابردكم وابرد على قلوبكم ****
** اللهم صلي وسلم على نبينا محمد صلى الله عليه وسلم ***
***سبحان الله وبحمدة سبحان الله العظيم ***
**** الحمد لله الذي رزقنيه من غير حول مني ولاقوة ****
*** المقادير كما في الصورة ***
****اربع مغلافات دريم ويب *وكاس حليب تقريباُ** يخفقون مع بعض **
فواكه مشكله **كيك سيرسرول **ظرف جيلي مشمش ** ملعقتين صغيرة نشاء**
***** نخفق الدريم ويب****
**** الفواكهة بعد تصفيتها من الماء تقطعه صغار نسيت اصورهم بعد التقطيع***
****** نقطع الكيك ونصفه *******
***** نصف الفواكه فوق الكيك ويكون كثير بحيث تكون محشية فواكه ونسيت اصورهم بعد ماوضعت الفواكه ****
***** نغطيها بطبقة سميكة دريم ويب****
**** نزينها بالفواكة ****
**** نسوي الجلي كما هم موضح عالعلبة ونضع النشاء بنص كوب مويه ونخلطه مع الجيلي ونحرك عالنار حتى نحصل على صوص ونطفي النار عنه ونحركه حتى يبرد وعشان مايتكتل نصب الصوص فوق الدريم ويب ***
**وندخله الثلاجه وبعد مايبرد نفك الحاجز ونسوي جوانبه بدريم ويب وبعدها نزينها بفواكه على جنب ***
***** وهذا شكلها النهائي وتمتعي بسلطة فواكة غنية بطبقة دريم ويب ودعواتكم*****
********ماشاء الله تبارك الله ولاحول ولاقوة إلابالله *******
**** من داخلهاخيال ****
لي عوده،،

كيكة الاوريو هذي...حلوه للمناسبات شكلا...وطعم خيالي...وسهلة جدا، مافيها تعب ....
(تراني مو قاعده أدلل على كيكتي) ...
وهذي صورتها بعد ما سويتها...
اتمنى انها تعجبكم...
المقادير:
*3 ظرف دريم ويب *2 جالكسي
*هرشي العصار *2 قشطه
*بسكويت اوريو *كيك سارالي او اي كيك شوكلاته
*1 قشطة المراعي حجم كبير(الطازجه)
الطريقه:
اولاً: 2 دريم ويب + 2 قشطة + 2جالكسي (يذاب في حمام مائي)
يخلطون في الخلاط اليدوي....ثم...نظيف 12 حبة أوريو مكسره قطع صغيره...ويحرك بالملعقه.
ثانياً: في صينية تشيزكيك..يقطع الكيك ويصف ويوضع في القاع ويضغط ليتساوى...
ثم يوضع الخليط فوقه....وتوضع في الفريزر لمدة نصف ساعه....فقط...
ثالثاً: 1 دريم ويب + 1 قشطة المراعي الطازجه...
يخلطون بالخلاط اليدوي وتصب فوق الكيكه السابقه...ويكسر بسكويت اوريو ويوضع على الوجه....ثم توضع في الفريزر لمدة 5 ساعات...
اخيراً: قبل التقديم بعد ما تشيليها من الصينية...يصب فوقها الهرشي للزينه...
وبالهناء والشفاء...
اتمنى انها تعجبكم..........
جميع ماسبق منقول،،
لي عوده،،
،،

هذا خطير
حلا النكهات .......... لأنه في كل لقمة نكهة تختلف عن اللقمة اللي بعدها
جديدة هذي صح ...
وترى هذا الحلا سهل مو صعب ..
بسم الله نبدأ
المقادير:
مقادير الخلطة السائلة :
6 حبات جبن كيري
نصف علبة نستلة الحليب المحلى المركز
2 ظرف دريم ويب
1 قشطة
1 ملعقة كبيرة نسكافية ناعم
مقادير الشكولاتات :
ملاحظة مهمة // الشكولاتات من الحجم الصغير (ميني )
باقي المقادير :
6 حبات بسكوت اوريو مطحون ناعم + كيك امريكانا القالب المستطيل + صوص الهيرشي
الطريقة :
أولا ...... نخلط بالخلاط مقادير الخلطة السائلة
ثانيا ...... نقطع الشكولاتات إلى قطع صغيرة جدا بالسكين شوفو الصورة توضح لكم
ثالثا نضع قطع الشكولاتات في وعاء
ثم نصب عليها الخلطة السائلة ونقلبها جيدا
رابعا نضع عليها بسكوت الاوريو الناعم حتى يتماسك الخليط
ويصبح بهذا الشكل واللون اصبح غامق
خامسا نجهز صينية فك ونقطع الكيك شرائح ونصفها بالصينية
سادسا نصب الخليط على شرائح الكيك
هذا بعد من انتهينا من صب الخليط كله وساويناه زين
ونزينه بالهيرشي
وندخله بالثلاجة إلى أن يتماسك ويبرد
أنا جربت طريقة ثانية لهذا الحلا
احضرت وعاء زجاجي وغلفته بالنايلون وصبيت الخلطة فيه وهذي الصورة
وبعدين غطيتها بشريحة كيك ورجعت غلفتها علشان ما تيبس شريحة الكيك
ودخلتها الثلاجة تبرد ولما بردت قلبتها وزينتها بالهيرشي وطلع شكلها يجنن
مرة
وهذي صورة للصحن لما قلبته واللي جنبه للقطعة اللي قطعتها من الصينية وكلهم حلوين
وبصراحة طعمها مرة لذيذ واعجب خواتي وصديقاتي انهبلوا على طعمه
ومثل ما قلت لكم كل لقمة فيها نكهة مختلفة من الشكولاتات المقطعة
وش رأيكم في حلاي أعجبكم
منقول بس شكلي بسويه اليوم او بكره
يشهي
،،،،