طرق تزيد من سرعة حرق الجسم للدهون وعلى كلام اخصائيه

1. كيفكم يافراشات


2. ندخل بالموضوع علطول


3. امزح ولو مايطاوعني قلبي اكيد

السلام عليكم ورحمة الله

كيفكم يافراشات

ندخل بالموضوع علطول

امس شفت اعادة حلقة برنامج التفاح الاخضر الي بيجي بال mbc وكان في لقاء مع اخصائية اعشاب اتكلمت على انه في امكانيه للواحد انه يزيد من سرعة حرق الجسم للدهون بخلطات وطرق وبصراحه انا كتبت الي لحقت اكتبه وفعلا اشياء بعضها نعرفها وبعضها لاء لكن كلها ممتازه وانا بدئت من اليوم بتجربتها من جد راحه مع العلم انه ماني محتاجه لانقاص وزني لله الحمد لانه نزلته وصار وزني سليم يعني طولي 160 ووزني 61 وتركت الرجيم وبديت احاول اثبت وزني بطرقي الخاصه ومنها الاشياء الي سمعتها من الاخصائيه
بصراحه يابنات انا ماحب ابخل عليكم باي شي اسمعه او اشوفه واتمنى للي تستفيد من موضوعي انه تدعيلي في ظهر الغيب بان الله يوفقني في مشروعي مع زوجي ويحفظلي ولدي وامي وابوي من كل مكروه يارب
ويالله جهزو للنصائح والوصفات :
.
الهيل < اغلبنا مايعرف انه يساعد على تسريع معدل الحرق في الجسم صح ..
تحضري ماء مغلي وتضعي فيه حبات الهيل ( الحبهان ) لمدة 5 دقائق وبعدها تصفي الماء وتشربيه .
زيت جوز الهند الخاص بالاكل < برضو معلومه جديده مره علي .. يقولك يساعد على زيادة معدل الحرق بشكل سريع وذلك باخذ ملعقه او ملعقتين صغيره بالفم علطول او بالسلطه كل يوم
الفلفل الاحمر الحار والماسترد << في الاكل او اذا قدرتي تاكلي الفلفل الحار لحاله .. ومن جد معلومه جديده علي مرره والله
الجنزبيل << هذا معروف اكيد اما مطحون او صحيح بيكون مشروب او بالاكل وطبعا من حدته صعب تشربيه لحاله اسئلوني انا مع انه نزل كثير من وزني بس موت لذلك قالت ممكن تضيفي معاه القرفه الي هي كمان مثله تزيد من الحرق وبتكون صحيحه او مطحونه .. << جربت القرفه مع الجنزبيل روعه غليت المويه وحطيت ملعقه صغيره قرفه وجنزبيل ملعقه صغيره برضو ..
يعني الجنزبيل والقرفه والشاي الاخضر والشمر والبردقوش << ماعرفته .. كلها تساعد لكن في معلومه مهمه
انه لما تكون الاعشاب ورقيه تجيبي ماء مغلي وتضعيها فيه 5 دقائق وبعدين تشرب اما الاعشاب الخشبيه والقاسيه مثل القرفه والجنزبيل لما يكون مو مطحون يتم غليه غليه وحده بس . عشان مايفقد اي عشبه فوائدها الي احنا نبغاها .
وعند الاستيقاظ تجيبي ماء مغلي وتجيبي ليمون مقطع شرائح وتضعي الماء عليه 5 دقائق بعدين تصفيه وتشربيه .. وماتغلين الليمون بالماء غلط تقول بكذا انتي تهلكي معدتك وانها طريقه مضره مره مره ..
ملاحظه الحامل ماتستخدم القرفه لانه تزيد من انقباضات الرحم وتسبب اجهاظ لاسمح الله
واللحين لكم الوصفه العجيبه الي من جد عمري ماعرفتها
تقول انه في وصفه اكتشفوها الهنود لسد الجوع لمده من 6 الى 8 ساعات لانهم عندهم يوم يصومونه كامل فكانو يستخدمو هذي الوصفه عشان تساعدهم وهي وصفه مره سهله
وذلك بإحضار ... ولا تدرون انتظر تفاعلكم اول بعدين اكمل

امزح ولو مايطاوعني قلبي اكيد

تحضري موزه وتشيلي قشرها وتجيبي كميه صغيره من الهيل وتاخذي البذر الي جوه وتطحنيه وتطحني الموز وتاكليه وبس تخيلو بس هذي الوصفه
وانتظر تفاعلكم فلا تحرموني من دعائكم لي وطلتكم الحلوه واتمنى انه موضوعي يعجب المشرفات ويثبتوه عشان الاخوات يستفيدو لانه هذا على كلام طبيبه مو كلام مشكوك فيه واتمنى تحاولو تشوفو الاعاده حقت البرنامج لانه مره كان مفيد