طريقة التسجيل في كل التربيةية بعنيزة

بوكاهنتوس

19-01-2022 - 06:30 pm

بسم الله الرحمن الرحيم
إلى طالبات ثالث ثانوي علمي / أدبي الي ب يسجلون في
(((( جامعة القصيم وكلياتها ))))
1- تستلمين ملفك من المدرسة
2- تصلين شكر وحمد لله على النجاح
ألف مبروك ل للنجاحات
3- تختارين الكلية والقسم حسب ميولك ونسبتك ومستقبل الوظيفة
لايهمك الي يقولونه الناس ادخلي الي انت عاجبك وتحسين نفسك فيه
وهذا لا يعني انك ما تاخذين كلامهم ابدا !!
4- صلاة الاستخارة وحنا درسناها ب مادة الحديث يعني عارفينها
5- الاستشارة مهمة من الوالدين والمعلمات واصحاب الخبرة والخير
6- سارعي ب التسحيل ل حجز مقعد في القسم الذي ترغبينه
7- شوفيب ب الجدول متى نسبتك يومها وبسرعة روحي
لاتتأخري حتى لاتتكدري !!

***************

أنا / سجلت ف كلية التربية ب عنيزة . ولاتستغربون ترا كليات التربية صارت ضمن جامعة القصيم نظاما وكل شيء حتى بعد ما نتخرج إن شاء الله راح تكون شهاداتنا من جامعة القصيم
(((عن تجربة ))
شفت يوم نسبتي ورحت للكلية قبل الموعد ب 4/1 ساعة = ربع ساعة
علشان تاخذي كرت = رقم مقعد فت القسم
لا تجيبين جوال كاميرا ممنوع
لاتجين إلا اوراقك كاملة
وهي :
6 صور من شهادتك الثانوية + الأصل
4 صور بطاقة العائلة + الأصل
3 صور حسن سيرة وسلوك + الأصل
موافقة ولي الأمر بخط يده يقول انه موافق تدخلين الكلية
وملف أسود تشترينه من هم ب 4 ريال وتلاقينه ب ثاني مبنى على اليسار
وبس
تنتظرين لين ياصلك الدور
وتدخلين عند التسجيل عادي تعبين استمارة
يعطونك إشعار قبول في جامعة القصيم
>> مهم لازم تحتفظين فيه وتجيبينه معاك أول يوم <<
ويعطونك ورقة الكشف الطبي تروحين ل مستوصف
أنا رحت للي قبال الكلية (مستوصف السلام ) ب 100 ريال
كل شيء يحطه سليم
ههه
^^^^^^^^^^^^
بعدين ترجعين للكلية يسون لك
مقابلة ب صالة بيضاء آخر الكلية
>> اسألي الموظفات لو ماعرفتي مكانها
^^^^^^^^^^^^^^^^
~ لاتخافين
~ لاتترددين
~ توكلي على الله فهو حسبك وكافيك
~ ثقي بنفسك
والله يوفقني ويوفقكم ياحلوات
تبون تسألون عن شيء أنا حاضرة
لمشاهدة نوع الدراسة وهمومها وكل شيء عن القسم الي رغبته
اضغطي هنا
/
\
/
\
/
\
/
\
http:/http://www.s-qu.com/forum
مقتبس / جريدة الجزيرة
http:/http://www.al-jazirah.com.sa/829659/ln37d.htm

التعليقات (7)

بوكاهنتوس

19-01-2022 - 09:15 pm

نسي يت أقولكم
أقسامها :
دراسات إسلامية
لغة عربية
جغرافيا
فيزياء
رياضيات
اقتصاد منزلي
أحياء عام
أدب انجليزي
منتدى الكلية لسى تحت الإنشاء ............هع هع
"
"
"
"
"
http://www.ug-c.net/

*دفى الكون*

19-01-2022 - 10:16 pm

السلام عليكم ورحمة الله وبركاته
اهلين اختي
كيفك؟
حبيت استفسر عن
طريقة المقابله
والاقسام اذا كان عندك معلومات عنهم
مثلا انا ابغى قسم اقتصاد وش رايك فيه؟؟
واحط الرغبتين الثانيات رياضيات واحياء
تعرفين عن هالاقسام شي من ناحية السهوله الاساتذة
وبعد ابي اسئال نظام الجامعه يعني خمس سنوات؟ والشهاده جامعيه؟
واقدر اروح قبل بيوم عن موعد نسبتي
وشي الاقسام اللي تسكرت اللحين
سؤال اخير بس يضحك
زحمة البنات
وبس ومشكوره ياقلبي
ايه صح الملف لازم من عندهم ههه
حالات عادي تحملي
يسلمو خيتو وخلينا نتعرف عليك مدام انك معانا في اكليه

$%(دلوعه حساسه)%$

19-01-2022 - 11:17 pm

يعطيك العافيه على الموضوع
وانا ان شاءالله راح أروح اقدم يوم السبت ادعيلي
والله يوفقك وجميع المسلمين

$%(دلوعه حساسه)%$

20-01-2022 - 12:18 am

لو سمحتي بوكاهنتوس كل الروابط اللي حاطتهن مايشتغلن
..............

بوكاهنتوس

20-01-2022 - 01:19 am

السلام عليكم ورحمة الله وبركاته اهلين اختي
وعليكم السلام ...هلا وغلا
كيفك؟
تمام
حبيت استفسر عن طريقة المقابلة
المقابلة : يسألونك عن القسم الي بتدخلينه شيء درستيه ...وكذا
مثل الجغرافيا : سألوا عن أطول نهر ؟ وش أزمة الخليج ؟
الاقتصاد : سألوا وشو الطعام المسبوك ؟؟وانواع الطعام ...؟؟
اللغة الإنجليزية : بس سألوا عن ليش دخلتيه ؟ مادخلتي حاسب ؟ ....
الفيزياء : زي E تقريبا ..
>> تراها تختلف من نسبة ل نسبة !!! <<
لاتخافين تراهم بس كذا بيخفونا غصب عليهم يدخلوننا دام هم عطوك إشعار تسجيل
والاقسام اذا كان عندك معلومات عنهم
مثلا انا ابغى قسم اقتصاد وش رايك فيه؟؟
واحط الرغبتين الثانيات رياضيات واحياء
اقتصاد ... إذا انت حابته ادخلي ولا عندك طموح ل تكملة دراسات عليا
حابة تشتغلين معلمة تدبير وفية وكذا ....ادخليه
...بس نصيحة اذا انت تتحملين متطلباتهم وهمهم وبلاويهم
واساتذتهم مصريات يخرعن شووي حسب كلام بنات الاقتصاد
@@علما @@
قسم الاقتصاد ب عنيزة شامل فنية + تفصيل وخياطة + تغذية
أما ... الرياضيات ....ماشاء الله تراه حلو تقدرين تصيرين معلمة حاسب
لان 4/3 الحاسب رياضيات ....وهو قسم له مستقبل ب إذن الله
الاحياء ...حلو ..كثير من زميلاتي دخلوه بس تراه عام حيوان ونبات
مو زي احياء بريدة مقسم !!
اختيار موفق .......ماشاء الله ....بس وين الفيزياء من رغباتك ؟؟
تعرفين عن هالاقسام شي من ناحية السهوله الاساتذة
شوفي ...حبيبتي كل شيء صعب ... حتى الي يروحون ل دبلومات المعاهد صعبه اختباراتهم
أنت شوفي الي يريحك وتحبينه ....
.بكل قسم فيه اساتذة شياطين وفيه اساتذة روعة
بكل قسم فيه رسوب ومواد غثة و..........
>> ما اقولك كذا علشان اكرهك ب الدراسة لا والله بس ودي عشان ماتنصدمين وتقارنينها ب الثانوي
بالرغم انو فيه بنات يقولون الكلية ازين من الثانوي مدري ...!!
توقعي اي شيءءءء....بس تفاءلي إن شاء الله ربي يوفقنا ...ولايضيع مجهودنا
ولايهمك قولتهم عن تخصص معين انو صعب ذالحين ومدري كيف وسب وهواش ..
.خليك لاتسمعين كلام البنات تراهم كذابات ....!!!
وبعد ابي اسئال نظام الجامعه يعني خمس سنوات؟ والشهاده جامعيه؟
ايه فيه سنة تحضيرية نتعلم فيها اسس الدراسة ب الكلية زي الجامعة
وندرس مواد مشتركة مدري كل الاقسام عندهم سنة تحضيرية ولا لا ؟
5 سنوات ( 4 تخصص + سنة تحضيرية )
الشهادة ...ايه معتمدة من جامعة القصيم
واقدر اروح قبل بيوم عن موعد نسبتي
شوفي الحقي عليهم يمكن تاخي مقعد قبل يومك بشووي
يمكن .....جربي !!
وشي الاقسام اللي تسكرت اللحين
اللغة الأنجليزية .... أما الباقي مدري عنهم !!
سؤال اخير بس يضحك
ههه وشو ؟
زحمة البنات
عادية مو ذاك الزود زحمة مرة لان المباني تقريبا 9
وكلن متوزع ب الاسياب والثيل و البوفيهين ...مو مرة زحمة
وبس ومشكوره ياقلبي
هلا بك ابركها من ساعة ياعموري
ايه صح الملف لازم من عندهم ههه
حالات عادي تحملي
!!! مافهمت خ
يسلمو خيتو وخلينا نتعرف عليك مدام انك معانا في اكليه
هاذي الساعة المباركة
>> ماتلاحظين معلقة على سالفة الساعة هع هع

بوكاهنتوس

20-01-2022 - 02:20 am

$%(دلوعه حساسه)%$
ويعافيك ....ي الغلا .... إن شاء الله ربي يوفقك ...آمين

بوكاهنتوس

20-01-2022 - 03:21 am

$%(دلوعه حساسه)%$
يؤيؤ ...أكيد عليه زحمة (مشغول ) أو اتصالك بطيء
طب شوفي الحين هاه ؟
منتديات طلاب وطالبات جامعة القصيم
www.s-qu.com/forum
منتدى كلية التربية ب عنيزة
http://www.ug-c.net
جريدة الجزيرة به جدول مواعيد التسجيل
www.al-jazirah.com.sa/829659/ln37d.htm

الجامعة الملكية للبنات←
طالبات الراغبات بالتحويل من الانتساب للانتظام بجامعه الملك عبدالعزيز→