طريقة تقسيم المهر بالتفصيل

السلام عليكم ورحمة الله وبركآته ~
نظرا لكثرة الأسئلة والاستفسارات عن كيفية تقسيم المهر < من ظمنهم انا ماعرف اقسمه الا بهذي الطريقه
وعشان ما يضيع عليك المهر وتضطرين تزيدينه من عندك او من اهلك ..
سويت لكم قائمة رح تساعدكم ان شاء الله ..
طبعا القائمة حسب الأسعار عندنا في الشرقية
لكن كل وحدة تقدر تعدل على القائمة حسب مهرها وأسعار منطقتها ..
رح ناخذ أدنى حد للمهر وهو 30 ألف ..
ونشوف كيف رح نقسمه ..بدون أي زيادة من الأهل ..
خذي ظروف وكل ظرف فيه مبلغ ومكتوب عليه لايش ..
عشان اعرف كم مسموح لي اصرف ..
أولا رح نقسمه 3 أقسام كل قسم 10 آلاف ..
~*~
1 / الذهب = 10 آلاف
اللي مهرها قليل مرح تقدر تخلي مبلغ كبير للذهب ..وكمية الذهب تتحدد حسب أهميته عندكم ..
طبعا بيكون عندك طقم الشبكة وطقم الصباحة من زوجك ورح تحصلين هدايا ذهب من المقربين منك ..
ولا تنسين تشترين لك ساعة وحدة ع الاقل تكون غالية ..
وفيه فكرة لطيفة ..انا شخصيا سويتها وفادتني في مسألة الذهب ..
كان عندي شوية ذهبات قديمة لما كنت بنت ..بعتها وجابت لي مبلغ حليو باعتبار ان الذهب غلا
وزدت المبلغ وشريت به ذهب جديد ..
2 / ليلة العرس = 10 آلاف
0للكوافيرا
طبعا هذا هو السعر المنتشر عند أغلب المشاغل ..
لكن فيه مشاغل توصل 1200 وفيه ب 700 هذي البيوت و850 - 900 بعض المشاغل
0للتصوير
0ريال تكون للفيديو
0ريال للفوتو
وأعتقد المبلغ حلو لانه الصور والفيديو هي الشي الوحيد اللي رح يبقى لك من العرس
وتقدرين تورينه صديقاتك اللي ما حضروا عرسك..
0للمسكة
نفس الشي فيه أغلى وفيه أقل حسب المحل وحسب كمية الورد
0للزفة
طبعا هذا الجزء احس فيه تفاوت كبير في الاسعار من محل لمحل ..فيه زفات مرة غالية ..
وعلى فكرة تقدرين تستغنين عن هالجزء لو انتي او اي حد تعرفينه سوا لك الزفة ..
0للحنا
المتعارف من 350 الى 500 ...وفيه حتى ب 250 للعرايس
0للمشغل
تشمل حف الشعر وتنظيف البشرة ولو حابة تقصين شعرك او تصبغينه
طبعا الصبغ وتنظيف البشرة لازم تروحين قبل العرس باسبوع
تقدرين تستغنين عن حف الشعر وتنظيف البشرة وتسوينها في البيت لو حابة ..
0للفستان
طبعا الفستان يختلف اذا بتفصلين او تاجرين ...التفصال يبي له ميزانية اضافية ..
بس الاجار يبتدي من 2500 عند المحلات ..
بس لو بتاجرين فستان مميز من عند وحدة مفصلة فستانها او من عند مصممة رح يوصل 5000
لفستان الصباحة 1000
هذي فساتين السهرات يعني حق الصباحة عاد على حسب عاداتكم ..
البعض تفصل اكثر من واحد ..
والبعض عندهم ما تفصل ابدا بس للصباحة تاجر وانتهى الموضوع
احنا عندنا اهل الزوج يجيبون قماشتين والبنت تفصلها
وبعضهم يجيبون واحد جاهز والثاني قماش يعني يختلف ..
وانا اقول لو ما جابوا لك اجري للصباحة وفكي عمرك من التفصال والحوسة ..
3 / الحاجيات الأخرى = 10 آلاف
0للعطورات
ما له داعي تكثرين عطور لانه اكثر الهدايا اللي من البعاد رح تكون عطور
واخذي لك مجموعة من اي محل تفضلينه نكتار ، زهور الريف ، بودي شوب ..
بس انصحك تختارين القطع اللي تبينها بدال ما تشترين المجموعة كاملة ..
0للمكياج
ما له داعي تكثرين اخذي الشغلات الاساسية والالوان الاساسية من كل شي
وبعدين لو حبيتي تغيرين في الالوان تقدرين تشترين
وعلى فكرة المكياج الكامل مرح تحطينه الا في الطلعات والعزايم
لان في البيت اغلب الرجال يحبون الميك الناعم مجرد كحل وبلاش وروج
طبعا المكياج يشمل :
كريم اساس ، بودرة ، شدو ، ارواج ، بلاش ، غلوس ، مناكير ، كحل سايل ، كحل عادي ، مسكرا ،
لمعة ، غليتر ، شنطة مكياج صغيرة للطلعات ، مراية صغيرة ...مدري لو نسيت شي ..
للعناية 1500
تشمل اغراض العناية الخاصة فيك ..
شامبو ، كريمات ، امشاط ، عدة المنيكير ، حمام زيت ...الخ
واستشوار وآلة حلاقة ..
للشنط والجزم 1000
..حاولي تاخذين الالوان الاساسية عشان تتماشى مع اكثر من لبسة
ولا تكثيرين من الطقم اللى يجيك شنطه وجزمه مع بعض خذي 2 تقريبا
للاكسسوارات 500
لا تنسين الاحزمة ومسكات الشعر تدخل ضمن الاكسسوارات
للاندروير والبيجامات 1000
طبعا اخذي على قد حاجتك ..واخذي من اللي يجي طقم
واللي يجي قطع مفصولة ..
وبالنسبة للبيجامات ولبس البيت من طابآ وخرابيطه
وفوطة او اذا حابة تاخذين روب الاستحمام
للانجري 1000
خذي الشي حق اول يوم من للانجري والاياء المهمه منه ولاتكثيرين
تحصلين برا زيها واحلا وارخص
للملابس 2000
طبعا ملابس الطلعات شي مهم جدا ..
الفساتين النعومة القصيرة والتنانير القصيرة
وبنطلونات < كل وحده وهوسها في البنطلونات
واخذي كم برمودا ..واكيد كثري بلايز
وحاولي اثناء التسوق انك ما تشترين بعشوائية
يعني حاولي تفكرين شو رح تطقمين مع القطعة قبل لا تشترينها وتتوهقين فيها ..
وهي اللي رح يشوفونها الناس اذا طلعتي ..
للعبايات 1000
خذي لك عباتين
وحده لطلعات العاديه والثانيه للمناسبات
~*~
طبعا الشغلات المتعلقة بالصالة مثل كوشة وكذا
هذي على اهل العريس يعني ارتاحي ههه
وطبعا العوايل تختلف ...بعضهم يهتمون كثير بالذهب بعضهم لا ..
عاد كل وحدة تقدر تعدل على حسب اللي تشوفه يتناسب مع عاداتهم ..
وفي الختام ..
الله يوفق الجميع