طريقتي المميزة في قص الشعر

طريقتي المميزة في قص الشعر
السلام عليكم
كيف الحال
انشالله طيبيبن
بما ان هذي اول مشاركة لي بقسم الشعر حبيت افيدكم بطريقة قصي للشعر
يمكن غريبه ويمكن محد سمع فيها
ويمكن عجيبه ويمكن ....<<<مصختها
المهم
هذي الطريقة تشبه قصة الشلال المدرج من قدام ومن ورا
طبعا الغرة خارجة منها يعني انتي قصيها لوحدها
اما طريقة عملها فهي جدا سهلة وماتخذ منك دقيقة يمكن اقل
نجي للطريقة:
1- بللي شعرك بالماء جيدا ويفضل بعد الاستحمام.
2- اقلبي شعرك للامام (ارخي راسك للارض) ومشطيه جيدا
وبالتساوي وفككي التشابك.
3-اجمعي شعرك بيدك مكان مابتقصي وقصي شعرك مسافة 3-5 اصباع.
4- رجعي شعرك لورا ومشطيه عادي
انتظري لما ينشف وانعمي بالتدرجات الخيالية
خصوصا لو لفيتيه بمكرات واستشورتيه يطلع جنان
ولاتقلقي لان شعرك بيطلع متساوي من الجهتين وهذا يعتمد على تمشيطك المتساوي
ملاحظة:
هذي الطريقة تناسب الشعر الطويل والمتوسط
اذا كان شعرك طويل جدا او متوسط الطول (نص الظهر) قصي مسافة 4-5
اما للشعر القصير جدا هذي الطريقة ماتنفع.
وكل مازدتي المسافة يقصر الشعر ويدرج اكثر عشان كذا انتبهي للمسافة اللي بتقصي
فيها شعرك لاتزيدي ولا تقللي مرة
ولازم يكون المقص حاد وخاص للشعر
هذي الطريقة انا استخدمها لشعري ومرتاحة فيها
انشالله تعجبكم
ويعجبكم الموضوع
بأنتظار ردودكم الحلووة
سلام