طريقه تجعل بيتك تفوح منه الروائح العطرية

هل تريدين بيت تفوح منه الروائح العطرية !!
السلام عليكم ورحمه الله وبركاته
اليكم أخواتي طريقة تجعل روائح النظافه و العطور تفوح من كل مكان فى بيتك
وميزتها انها تظل فتره طويله وخاصه لمجالس الرجال والحريم
اولا - النظافة :
ابتدي بالتنظيف لانه اهم شي النظافه اهم من التعطير مافيه فايده من تعطير مكان غير نظيف
أهم أماكن التنظيف :
ركزي على تحت الكنبات وخلفها لان ممكن الاطفال يرموا طعام خلفها
خذي القمامة ونظفيها وامسحيها من الداخل بديتول وخليها بره لحد ماتطير ريحه الديتول
الكوشيات طلعيهم فى الشمس وممكن تبخي عليهم بخاخ معطر
الكنب كله اذا تقدرين كل كم شهر تطلعينه للشمس
السجاد نظفيه بسطل وتحطي فيه ملطف الاقمشه مع ماء وتغمسي الفوطه فيه وبعدين تعصريها وتمسحي سطح السجاد تبي تتفاجاي بكميه الشعر الي تكون لازقه فيها وانتى مو شايفته !!
لان فيه كميه ماتشفطها المكنسه (جربي هذي الطريقه فى غرفة نومك وشوفى وخاصه عند التسريحه )
الستاير فكيها وارسليها للغسال غسل وكوي اسهل لك وانتبهي لنوعيه القماش هل هو من النوع الذي ممكن غسله او يحتاج للغسل على البخار
مسح الابواب والشبابيك من كل الجهات
اما السيراميك والرخام كنس ومسح مع منظفك المعتاد يفضل يكون معقم فى نفس الوقت
اذا عندك ورود او تحف تغسل الشجيرات وتترك على منشفه لتنشف وترجع الى مكانها
والتحف تمسح بعنايه
خلصنا من التنظيف ... جاء وقت التعطير :
جيبي كسر عود حتى لو من النوع الغالي وحطيه فى كيس وبخي عليه من العطور الي عندك او صبي عليه من العطور الزيتيه
سكري الكيس وخليه يومين وبعدين ابتدي الاستخدام
اشعلي الفحم للبخور وقبل لا تبخري جيبي بخاخ وحطي فيه ماي
وبخي بلطف على الكنب والستاير كميه قليله جدا بس علشان تتشرب الستاير والكنب ريحه العطر
بعد ماتبخي على الستاير والكنب ابتدي دخنيهم بكسر العود الي ذكرناها سابقا
اطلعي من المكان وسكري الابواب
خذي الكوشيات وافتحي اذا فيها سحاب وافرشي فيها من الداخل على الجهتين
مناديل بعد ماتعطرينها بعطورات زيتيه
بهذي الحركه كل ماحركوا الضيوف الكوشيات تفوح الريحه
الكنب شيلي المراتب ورشي بودره معطره ورجعي المراتب مكانها
مقابض الابواب بعد مسحها وتنظيفها امسحيها بقليل من دهن العود
اذا عندك فازات كبيره جيبي الورود المجففة او كور الخشب الخاصة بالتعطير وحطيها فيها
واذا راحت ريحتها انتى حطي من العطور الزيتيه الي عندك ورح ترجع تعطيك ريحه حلوه
والي ماعندها ممكن تستخدم بدل الكور الخشبيه اسفنجه يسكب عليها قليل من العطور الزيتيه
كذلك ممكن تعطير المجالس بالفواحات
والبخاخات الخاصه للبيت
أتمنى لكم بيوت تفوح منها العطور و الروائح الفواحه