طريقه وايد حلوه لتعطير شعرك وجعل رائحته مره حلوه وتجدب

1. طريقه حلوه ومضمونه...

هاي طريقه لتعطير الشعر مره حلوه خليك لما تمشي من جنب احد تجننيه بريحة شعرك...

طريقه حلوه ومضمونه...

اول شي لازم تغسلين شعرج عدل وتستخدمين بلسم مثل شامبو وبلسم من دوف او من ماركة كادوس _روعة_وبعد ممكن تستخدمين كريم فاشكول منه حمام زيت ومنه ريحة حلوة لشعرج ...انا عني مداومة على استخدام الشامبو الي بلوز مع البلسم حقه الي يستخدمونه في الصالونات
ثانيا نشفي شعرج بالمنشفه وعقب عطريه بعطور الشعر اللي بذكرها لج بعد الطريقة بالنسبة للبخاخات الفرنسية فعادي تبخين على الشعر وهو مبلل وبالنسبة للعطور العربية تحطين شويونه في راحة ايدج وتفركينها على اطراف الشعر وعلى الشعر من فوق ومن تحت ولانه مبلل بيساعدج على التوزيع وعقبها تبخرين شعرج بالعود او البخور وبس اما بالنسبة لاسماء العطور فبذكرها لج وببتدي بالعطور الفرنسية عندج انجل بخاخ للشعر روعة كل ماخلص اشتري منه وعندج الور للشعر وعندج ميدموزيل كوكو للشعر او العطور العادية مثل نارسيزيو او ديور الليمتد الجديد او برايفت كولكشن اواي اي عطر تحبينه اما بالنسبة للعطور العربية فعندج دهن العود والمسك والمخمرية واي دهن عربي عندج اللي بالتوله مثل صوغات ورهيب ومسك الورد وصندل روز وكلها تلاقينها في القرشي واجمل والرصاصي _ثقة_وانا عني استخدم مخمريات دبي كثير روعه لشعر
وبصفة عامه اي عطر سواء فرنسي او عربي تحبين ريحته بخي منه في ايدج وافركي شعرج فيه وتبخري عقبه على طول واذا تبين الريحة اثبت واقوى لازم يكون مبلل
واتمنى اتمنى اني افدت اللي بيقرون موضوعي وامانه تدعون لي بالتوفيق والنجاح..
منقول