طفشت من كل شيء

حبيبتي الله يساعدك ويسخر زوجك

الله يسهل امرك ويصخر زوجك يارب

شكلك من كلامك انك صغيرة مرة ...
وما بعد تتعلمي من تجارب الحياة وبلاويها ... اولا كلمة طلقني هاذي شيليها من راسك نهائيا ولا تفكري فيها حتى ...
وثانيا انو زوجك يطلع ودايم تعبان . يا حبيبتي كل الرجال كذا .يعني مو بس زوجك
فتعودي وركزي على ولدك اهتمي فيه وبتربيته اشغلي نفسك فيه ..
والمشاكل والضغوط كلنا عندنا مشاكل يا حياتي بس القوية منا هي الي تتحمل كل هالمشاكل والضغوط وتتصرف بحكمة وتتعلم من تجاربها .....
الله يوفقك ويهنيك ويسخر زوجك لك وترضى امك عليك ...

حبيبتي مشكلتك مشكله اي وحده فبداية حياتها ,,,طبيعي تصير الصدامات لبين زوجك و اهلك و طبيعي يصير عند شوي ملل و وفتور بعد فترة من الزواج الرجل كل سعيه انه يامن بيت و زوزجه و بمرجد ما يامنها يبدا يفكر كيف يشتغل علشان يصرف علهم و بعدها يجو العيال و هلم جرا ,,,قضيه انك كل ما زعلتي قلتي طلقني تراك (( ملعونه )) و تذكري حديث الرسول عن من تطلب الطلاق ...لطلاق مو لعبه و لو حزت شيطان قال روحي انت طالق بتندمين عمرك كله ,,,سنه و 8 شهور لسه ما فهمتو بعض و لسه قدامكم مشوار طويل و لازم تكوني اعقل من كذا و تكوني مرنه و حكيمه ,,,سايسي امورك يعني لاهي بالنت او التلفيزون وش تبينه يسوي ؟؟ينظف معاك ؟؟يقرالك شعر ؟؟حبيبتي الحياة الزوجيه تعب مساكين هم بس الدوام هده حيل احنا اذا اشتغلنا اكثر من اللازم بالبيت و لا جانا ضيوف الوحده تطيح اسبوع من التعب فما بالكم هم ...اتخذ لاخيك المسلم سبعين عذرا ,,,و قضيه انك تسمعين لاكم امك علشن متخاصمه معاه لانا بنفسي ساله شيخ قال رضا لزوج مقدم على رضا الوالدين و ذكرني بحديث المراه اللي مات ابوها زوجها بالحرب و كان مانعها تطلع ,,قالي لو كان رضا اهلها اولى كان الرسول امرها تروح لابوها لكن رضا الزوج الوى و فالشرع اللي يسبب مشاكل فبيت الزوجيه يبعد عن الزوجين سواء اهل البنت او اهل الولد ...حبيبتي اذا زوجك رافض انهه يعزم اخوك ورى حارقه دمك ؟؟دامه هو سبب المشاكل و الحين مرتاح و انت اللي صار قلبك منتفخ من المشاكل و قلب امك تملى على زوجك اقول ..خلي الخلق للخالق اهم شي ريحي بالك و ذا سالت امك قوليلها الحق زعلان من اخوي لانه سبب المشاكل ووجه الله ما عليه غطى حبيبتي لا تكذبين لان حبل الكذب قصير .طولي بالك و الحياة لسه قدامك امور مصيريه اهتمي بنفسك و زوجك و اسلوبك مع زوجك لا يتغير خليك ذوق و اخلاق عاليه علشان العلاقه اذا كانت مبنيه على الاحترام و النقاش و التفاهم راح تدوم العمر كله لكن مجرد ينفقد الاحترام خلاص تنتهي مهما طالت ,,اتمنى ما اكون كثرت كلام و ضيعت المضمون ,,,اختك ام مشعل

كنوز قارون
مشكوره يا قلبي والله يجزاك خير عالمرور الحلو

عنووده
وياك يا قمر
مشكوره عالمرور

صمتي كلام
فيكي تقولين اني صغيره
الى الان ادرس بالكليه
ومشكوره عالنصايح والله يسعدك

فتافت السكر
الله يسعدك حبيبتي ام مشعل
لا ما طولتي ولا شي انا محتاجه اسمع مثل هالكلام
انا لما تزوجت عبالي انه اول سنوات الزواج اقل شي تكون فيها رومنسيه يمكن منشان كذا احس اني مصدومه يعني مو لهالدرجه ما يعطيني وجه تدرين انه ما في طريقه الا وحاولت فيها
بيني وبينك اريد احس انه مبسوط معاي وانه يقدر كل شي اسويله ياه
والله ما يقصر بس انا اروح بخيالي لبعيد (وحساسه من كل شي ازعل) اريد اني اكون اول واخر اهتماته
ومشكوره على ردك الحلو

اولا الله يسخره لك ويحفظ لك ولدك ويقر عينك بشوفته سليم ومعافى
ثانيا ياعزيزتي .. الرجال كلهم يمرون بفتره اسمها ( فترة الصمت )
يعني تحسينه لاهي عنك اما بنت او تلفزيون واذا كلمتيه وناقشتيه يحس انك ظالمته وانك تبالغين ويمكن يتعدل يومين ويرجع
وانتي الحين ماشاء الله عمر ولدك 10 شهور يعني تدرين ان بعد الولاده يتغير الزوج وبنظرنا يبعد .. ولاهو لايبعد ولاحاجه
مسألة انك تعزمين اخووك .. انا اقوولك اي نعم واصلي اخووك ولاتقطعين صلة الرحم ..لكن مو لازم تعزمينه لبيتك
لاتحطين زوجك بموقف محرج وتخلينه يجامل على حساب اعصابه .. ويأخذ في باله ان رضاه مايهمك ..؟
اخووك قابليه عند اهلك وواصليه بالجوال .. لكن ابعدي عن المشاكل والمجاملات والكذب اللي يؤدي للمشاكل
خلاص زوجك مايبغى سيتقبل اخووك بالوقت الحالي .. لازم امك تفهم ان لك حياتك الخاصه وان غلا اخووك ماراح يتغير بس انتي مجبره تحافظي على بيتك وتطاوعي زوجك
انتي صارحتي زوجك وهو عارف شعورك بهالفتره .. خلاص لاتعيدي وتزيدي بنفس الموضوع
حاولي تقربينه لك بطرق غير مساله اللبس والاغراء
عوديه انك تكوني قريبه منه بااهتماماته .. تفرجي على التلفزيون معه لو على الاخبار بس من بعيد
يعني لاتتلصقين فيه وناقشيه باي شيء يجي على القناه وجالس يتابعه !
نفس الوضع بالنت سولفي له عن المنتدى وعن الرسايل اللي جاتك عشان حتى هو يسولف وتصيرين قريبه منه وتشغلي وقتك عن التفكير بشيء ممكن يهدم حياتك !
انا كنت قبل فتره زي وضعك ابغى احس اني كل شيء وهو محسسني ان فيه اولويات واني انا وقت الفراغ
تضايقت وصارحته اكثر من مره بس هو شايف انه يحبني بس مو بالضروره يكون لاصق فيني طوول الوقت او جالس معي .. جربت اني اكوون معه بعالم المنتديات واشتريت بلايستيشن مخصوص عشان نجلس مع بعض
والحمد لله صار من يوم يجي من العمل اما على النت سوا او نلعب كووره على البلاي ستيشن < مع اني مااحبها بس مششي حالك
الله يوفقك ويستر عليك ويسخره لك وانا كان في بالي كلام كثير بس ولدي قام يصيح :(
احترامي