طلبتكم ابغى نصيحتكم تعبانه وربي

روح-البحر

07-06-2022 - 03:07 pm

السلام عليكم ورحمة الله وبركاته...
كيفكم يا بنات...
بداية انا اسفة لاني بااخذ من وقتكم بس والله وربي شاهد عليا اني محتاجتكم
ومحتاجة نصيحتكم ومساعدتكم ليا...
بنات انا عمري 20 عارفه اني صغيرة والعمر قدامي بس مثلي مثل اي بنت تبغى تتزوج
تبغى تفرح جاني كثير وابويا يرفض من قبل مايجوا حتى الحريم يخطبوا يدقوا وامي تردهم..
الحين فيه واحد مرة مرتاحه له وهوا كمان مرتاح لي وصراحة انا ابغاه واستخرت والحمدلله
مرتاحه وحاسه هوا اللي بيخليني سعيدة والولد مرة طيب وابن حلال ودخله حلو ويكلم اخته يقول انا
ماراح اخذ الا هيا وامه دقت خطبت وامي قالت لها ان شاء الله اكلم ابوها وارد ولمن كلمته قالها
لا ماتتزوج وامي سكتت وحتى ماهي راضيه تقنعه ومرة تعطيني امل انه بيوافق ومرة تسكت وتقول لا
ابوكي مو موافق واخويا قلت له قال اكلم ابويا وما كلمه والولد اهله يزنوا عليه كل يوم متى تتزوج وهوا
يسكتهم ويقولهم ماجاء نصيبي...
يابنات ترى انا مااكلمه بس اخته دايما تقولي اللي يصير ومحد حاسس فيا الا هيا وكل يوم اصلي
وادعي ربي انه يجمعني فيه بالحلال بس ليا اكثر من سنتين وانا على ذا الحال ومرة تعبت والله يابنات
اكتب لكم وانا ابكي من القهر...
الله يخليكم ساعدوني وابغى نصيحتكم..
وربي يسعد ويحقق امنية كل واحدة ترد عليا او تدعيلي...

التعليقات (9)

ألارسول الله

07-06-2022 - 05:32 pm

الله يرزقك اياه يارب اذا كان فيه خير لك يارب ..وعليك بالاستغفار حبيبتي ولاتملين تفاءلي واحسني الظن بالله وتشوفيني وداايم خليك على لالاستخارة دايم مافيه مثلها ...بس ممكن سؤال ابوك ليش رافض فكرة انوو انتي تتزوجين ؟؟!
دعوااتي لك ياعسل ..

احلى روان

07-06-2022 - 06:33 pm

والله مالك غير الدعاء والله مايخيب رجاك
وان شاء الله يارب اذا لك خير فيه يكون من نصيبك

مزنه وهبي

07-06-2022 - 07:34 pm

يارب يفرج همك ..
اكثري من الدعاء والصدقه والاستغفار ..
والله لو كان خير لك ياقلبي راح يجيك ..
لاتعبي عمرك ..
لو نصيبك ماراح تاخذي غيره ..
فديت عمرك ..

مزنه وهبي

07-06-2022 - 08:35 pm

اعرفي ياقلبي ..
اكيد ابوك له سبب ..
يمكن خايف عليك ..
اصبري واحتسبي ..
وعليك بالصدق والاستغفار والدعاء ..
وايقني انه مااراح تاخذي غير نصيبك ..
لاتزعلي عمرك

روح جنوبية

07-06-2022 - 09:36 pm

عذر للي فوقي كيف خايف عليها بالعكس هذا شي حلو
لازم تعرفي ليش ابوك يرفض كل مرة ؟؟؟
يارب ان كان في هالعريس خير لك يكتبه لك ويجعلك من نصيبه ويكتب لكما التوفيق والسعادة الأبدية وان كان فيه شر يصرفه عنك ويصرفك عنه انه قارد على كل شي
والله ييسر لك الخير حيث كان

مزنه وهبي

07-06-2022 - 10:37 pm

7
7
ياقلبي ماقصدت شيء انه شر ..
يمكن يكون الشخص غير ملائم للبنت ..
انا قصدي كذا ..
بس ياعسل

روح جنوبية

07-06-2022 - 11:39 pm

لا عادي فهمتك انا بس احيانا بعض الأباء تزيد حركاتهم شوي وتضيع الفرص للبنت

روح-البحر

08-06-2022 - 12:40 am

الله يرزقكم باللي تتمنوه..
وتسلموا يا بنات ع الردود
بس هوا مو بس هذا اللي رفضه
رفض كثير حتى من قبل مايسال عنهم..
ويرفض بدون سبب..
وربي تعبت مرة تعبت...

$لوعة الحرمان$

08-06-2022 - 01:41 am

روح جنوبية
جبتيها على الجرح والله انك صادقه مليون بالميه بالنسبه لي اتكلم ..
لنا الله ...
وبالنسبه لصاحبة الموضوع ادعي واستغفري وربي كريم

الله يسعد قلبها اللي تدخل وترد ويعطيها اللي تتمنى←
ابي اتزوج واحد غني ادخلو→