عآجل ساعدوني ولكم دعوة في ظهر الغيب

بسم الله الرحمن الرحيم
كيفكم مع اجواء الدراسه والدوامات؟ اعان الله الجميع
بدون مقدمات بدخل بالموضوع علطول انا العام دارسه ثالث ثانوي انتساب (منازل) وللأسف
رسبوني سنه كامله عشان الاجليزي فقط! بحجة انه المنازل ماعندهم تجاوز
لكن حسبي الله ونعم الوكيل فيمن طلع القرار هذا وش فرق المنازل عن الانتظام؟
المهم ماعلينا قدر الله وماشاء فعل
الزبده..اني انا محتاره باي مدرسه اسجل الحين! طبعا ابغى مدرسه حكوميه
اسجل فيها منازل(بالرياض طبعا) تكون اما بالشرق اوالملز,, واهم شي وهذا السبب اللي خلاني
اكتب هالموضوع انها تكون سهههله وفيها مراعاة لطالبات المنازل ومستحيل يرسبون
وخاصةً استاذة الانجيلزي ابغاها تكون تراعي ومتساهله مع الطالبات
اللي تجيبلي مدرسه حكوميه بهالمواصفات اللي كتبتها لها دعوه من قلب ان ربي
يوفقها بكل امور حياتها ويحققلها ماتتمنى لاني محتاره وجت الدراسه وماسويت شي
ولاتنسون من فرج عن مسلم بالدنيا فرج الله كربه يوم القيامه..
وبرضه عندي اسئله كمان للي عنده علم يفيدني جزاكم الله خير
هل استطيع اني ادرس الترم الاول منازل والترم الثاني انتظم؟
واذا قدرت انتظم الترم الثاني اقدر انتظم بمدرسه اهليه؟
وفيه مدارس اهليه تقبل ترم واحد فقط؟
اتمنى منكم التفاعل وجزاكم الله الف خير
ودي