عاجل تعالو فيذا ابيكم بكلمه راس لا هنتو

السلام عليكم
مساكم الله بالرضا والعافيه
شلونكم عساكم مرتاحين << اخلصي
المهم ياجماعه الخير
والله انا جايتكم ومفقوعه تسبدي فقع
ذلحين ليه كلش صار مضر ، خطر ، يجيب السرطان ؛ يجب البهاق ،، ومن ذا الامراض الله يكفينا الشر
يعني شلون مانسوي شي ابد نجلس على قريدنا لا يجينا اقرد منه
لالا مو معقول ابد ابد لازم نتغير للافضل
طيب وش السواه
ادري انكم مابعد فهمتو ولا شي
طيب انا افهمكم
طبعا قبل زواجي بفتره جلس ابحث عن خلطات وكريمات للبشره والشعر تعرفون كل عروس تبحث عشان تطلع وحده ثانيه بعد الزواج
المهم ياجماعه الخير
بحثت عن كريمات
لقيت خلطات كثيره << طيب وين المشكله
المشكله سلمكم الله يوم جيت اطبق كل خلطه طلعو فيها ميه عذروب
قالو الرتن اي يقشر ويخلي اللحم رهيف ومدري وشو من ذا الخرابيط
قلنا نغير وحلصت خلطه فيها الديبروساليك قالو لالا احذرو انه خطير على البشره وانه فيه وفيه
قلنا وش الحل قالو الافضل مواد طبيعيه حصلت خلطه بياض الثلج قالو لا انتبهو ان الفقس اذا اتحد مع مواد ثانيه يجيب البهاق
والسيفد اب يجيب البهاق كمان
طيب ياجماعه الخير ذلحين من نصدق احد يمدح واحد يسب
جينا للشعر
قالو الفرد خطير واحد قال روعه
احد مدح الكيراتين واحد سبه
احد مدح اليوكو واحد سبه
قالو الفرد بالاعشاب الطبيعيه
جيت باستخدم الاعشان جت وحده واقالت احذرو تراه يعدم الشعر
طيب وش السواه قسم ملينا مين نصدق وش نسوي
يعني خلاص مافي امل نعدل شي فينا( يعني هذا وجهتس ياخاله والله ماتغيرتي )
الزبده من هذا كله
نبي شي يفتح البشره وبالذات الركبه والاكواع تكفون
وابي شي ينعم الشعر ومايضر
والله والله والله اللي تفيدني وربي لادعيلها بكل سجده باللي تبي
بس ابس شي مضمون ومجرب اكيد ونتائجه فعاله وتبشر بالدعوه اللي تسرها
ومشكورين مقدما