عجينتي للفطائر والبيتزا والسينابون واتحدى فيها الكل بعد با الصور

السلام عليكم ورحمه الله وبركاته
قبل كم يوم نزلت لكم طريقه دونات اللى اكتشفتها << دروا والله
ووعدتكم اني انزل لكم السينابون بعجيني الخاصه
وانا اتحدى فيها الكل
مهما كانت نوع العجينه بعد عشر دقايق والا غيرها
عجينتي مافي مثلها انا والله ما اقول من فراغ ادري ان الكلام سهل
والكل يقدر يتكلم
بس والله العظيم والله يشهههد انها تنافس هذي العجينه كل المخابز ادري بتقولون قويه
بس انا بترك لكم الحكم بعد التجربه
اتمنى فعلا انكم تجربونها
لانها ككنز والله كنز
بس اهم شي تطبقينها مثل ما انا اسويها وباذن الله انتي بتشوفين وشلونن
الكلام لا ينتهي واترك لكم المقادير :::
3 كاس دقيق كويتي
1 كاس مويه (قد تحتاجين الي ماء زياده تقريبا ربع كوب حتى تصبح بهذا القوام )
نص كاس زيت
4 ملاعق حليب بودره
4 ملاعق سكر
رشه ملح
2 ملعقه p.b
1 ملعقه خميره
ونبدى الشرح :
نحط المكونات الجافه بهذا الشكل
بعدها نحط 3 اكواب الدقيق وهذا الكوب من الاكواب اللى استخدمتها علشان تعرفون الحجم
ونخلطها سوى
وهذي نص كوب الزيت
بعدها تعجنينها بنفس الكوب تحطين كوب ماء
وتعجنين في البدايه راح تحسين انها محتاج دقيق بس لاتضيفين دقيق استمري با العجن
لاننا بعدين بنفردها على دقيق وبتاخذ من الدقيق اللى بنفردها عليه
لين تصير بهذا القوام
ولاحضوا انها مازالت تتلاصق بايدي
وهنا بعد
بعدها شكلتها اليوم كنا صايمين القضاء وسويت منها سينابون قرفه وتوفي
وسويت بيتزا محشيه
والله العظيم واللى رفع ونزل سبع
اني من ليونتها يا الله يا الله اشيلهها
بس فيه نقطه مهمه لازم تنتبهون لها :
اذا عجنتيها خليها تخمر وبعد ما تشكلينها بعد
لازم تفردينها بشكل سميك شوي وتشتغلين فيها
لازم تدخلينها في فررن ناره عاليه لاخر شي
ادري بتقولون بتحترق مب مستويه
بس صدقوني دقيقتين الا وهي خالصه
ومن فوق دقيقه وانتهينا
بتقولون ماراح تستوي بتستوي لانها متخمره
وتحتاج نار قويه مثل نار المخابز علشان تستوي
وهذي النتيجه
ممكن التصوير يعطيك شكل صح بس الطراوه اللى فيها مسستحيل تطلعها الكاميرا
امانه يا بنات
اللى تجربها وتعجبها وانا متاكده انها بتعجبكم وبتعتمدون عليها دايم وبتبيض وجهكم وبتنسالون عنها
بس ابيكم تدعون لي ولابوي با الرحمه
وان الله يخلي لي امي ولا يحرمني منها
تراني تعبت علشان نزلتها لكم
واي سوال انا حاضضره
تحياتي