عرس أخوي قريب وش رأيكن أنصحوني يابنات ال الفزعة

ياهلا وغلا حياك الله أختي همس الصحراء ألف مبروك مقدما على زواج أخوك
وبالنسبة للشعر قصيه ديقراديه على طوله لكن خليها تكثر التدريج عشان يبين شعرك وكأنه كثير وأنا أنصحك تصبغينه بخصل فوشي مع أرضية بني غامق بيطلع روعة مع لون بشرتك ويفتحها كثير أختي مثل لونك وصبغته في العيد كلن أنهبل على شكلها ويقولولها وش مسوية في نفسك طالعة بيضاء ومنورة أما بالنسبة للفستان أتوقع اللون الفيروزي الراكز(القوي)يطلع روعة مع لون الصبغة بتصيرين حديث العرس ويمكن تصيرين العروس الجاية بعد ههه
وبالنسبة لجسمك انصحك لاتنحفين كثير لان البدو عادة مايحبون النحيفة مرة سوي رجيم بسيط عشان ينتظم شكل جسمك بدون نحافةزايدة والله يوفق أخوك ويوفقك وتطلعين نجمة الحفل..........
وخلينا على تواصل ..نحن انتظار اخبارك الحلوة ياحلوة........

غيوض11
يابعد عمري أختي غيوض 11 جعلني أفداك .....
ما أنسى لك ها الموقف هذا ... هذا من طيبك يا الطيبة .....
روعة نصايحك ..... قمة الذوق ... ربي لايحرمنا منك..ياربي...
والله يبارك فيك ... ياربي وقبالك.... أن شاء الله ... ونعيش الفرحة معك .... بعد ..!!!!
وأنتظر باقي نصايح وآراء أخواتي الفراشات بعد....
الف شكر لكن ....

حبيبتي خلي عنك الكلام اللي يحطمك ويهز ثقتك بنفسك ترى انت مواول ولا اخروحده ماتعرف في المشاغل واللبس والكشخه
في موقع الفراشه مافي احد مايعرف وهذي انا ترى ماعمري دخلت مشاغل الا ياربي مرتين المره الاولى اخيط فسان لعرس بنت عمي لا وخرب بعد والمره الثانيه عشان اصبغ شعري بس الحمد لله ضبطت اما المكياج ماعمري حطيت في مشغل اجيب الكوافيره في البيت الموضه والازياء تنزل عندنا اول باول >>>>>>اقصد موقع الفراشه
اهم شي تكون عندك ثقه بنفسك وماعليك الا انك تتفرجين على مواضيع الفراشات وتستفيدين منها ترى المنتدى مليان ازياء ومكياج وارقام كوافيرات بعد وان شالله البنات مايقصرون بعد

شمس السعوديه
مشكورة يا عمري واله ماقصرتي وكلامك عسل....
بس أنا ودي رأيكن ....
يصلح ألبس كعب دبوس زجاجي....؟؟؟
ووش نوع الموديل ناعم أو منفوش ؟؟؟
كل الشكر لكن ...
واللي ضحكت عوافي ......
انا بدوية خالصة بس ماأعترف دايم أتكلم عن الموضة والمكيااج
وأنواعة <<< أدز نفسي <<ههه
يااربي لايحرمنا منك ياشمس السعودية ولا يحرمنا من باقي الفرااشات الطيبات

..ولاأعرف وش يصلح ألبس من الفساتين أو الموديل الأئق ,,, ووش لونه وهل معه لون دمج وموديله ونوع القماش ,,,
انا انصحج باللون التركواز مع البرتقالي والبني .. والفستان دمجي معه الحرير والشك واذا امكن الجينز
ماأحبه عاري لاأني أستحي !!! بس أبي أكشف جزء من كتفي ويدي الى المرفقين ...
مو مشكلة ممكن يكون الموديل انيق ويطلعج كاشخه
وكيف شكل المكياج ووش أحلى الماركات ...
لا تسوين المكياج بروحج احسن تسالين بنات المنطقه عن احسن المشاعل وتروحين وتسوين عندهم
وكيف التسريحة مع أن الكل يحب الشعر المفتول << للرقص ؟؟<<ههه
اذا كان الفستان بسيط رفعي الشعر كله واذا كان فيه شغل وايد رفعي جزء ونزلي جزء
والمشكلة ..ماأعرف أرقص.... والله إحراج ؟؟!!!
حاولي تدربي ههه
وشعري المشكلة أحسها أنها كلها فيها لاأني فعلاً أاحسه تاج جمال المرأة ...
وهو خفيف ولونه بين البني والأحمر ..مادري ووش أصبغة أحب أسود بخصل شقراء ...
صبغية نحاسي مرة حلو
أحب يضفي على بشرتي لون أفتح كون لون بشرتي أسمر خفيف..
والأسود يزيده أكثر بياض...
وجهي مربع الى دائري... ماادري هل تصلح أسوي غره ( قذله ) ؟؟؟؟
ايه يصلح قصي غره مرة يغير الشكل ويحليه
متوسطة الى قصيرة ...أشوي يصلح ألبس كعب دبوس ؟؟؟ أو كعب مستوي...؟؟؟
اذا بتلبسي فستان قصير ومتعوده على الكعب الدبوس لبسيه واذا موب متعوده لبسي الكعب المستوى
وجسمي ممتلىء وغير سمينه ... وش أسوي بالظبط أنحف مرره أو جسم متوسط..؟؟؟؟
متوسط .. وحاولي تسوين موديل الفستان بطريقه يرتب شكل الجسم
وان شاء الله تطلعي مو بس نجمه ان شاء الله القمر .. والشمس والنجوم .. ههه

لوتست
تسلمي ياربي......
مشكورة على النصائح ....
عووافي ها الضحكات الحلوةعسى ربي لايحرمك من الإبتساامات ولا يحرمنا منك يارب....
جزاك اله خير ...... الله يسلم أناملك على الرأي.....
فعلاً ناحية الكعب صديقتي .... والصبغة بسأل ...والفستان صدقتي به ... الله يخليك لنا
يا الغالية ..
وصار لي ....وقف... أضحكوا عليه الين تشبعواا منه......<<< قايلة لكم أنا طعس ؟!!!!!
المهم أحب أشكر كل فراشة ردت وعلقت وبنتظار المبدعات بآرائهن ..مع كل الشكر والتقدير ...
...هذا الموقف.... اللي صار لي.....<<<

الإبتسامة الحقيقية:
التي لايمكن أن تخفى
وهي ابتسامة الإستقامة والطريق الواضح بلا لف ودوران...
ههه <<< ياحلو الأيام بدون الإختبارات وناسة.....
الضحك يحرك في الوجة أكثر من 20 عضلة .... ويستخدم هذا العلاج في بعض المستشفيات....
ويفرز با الدماغ هرمون ...يساعد ع تحسين المزاج....
صار لي موقف يا غالين الله لايوريك ولاتشوفي مثله ولاتقعي به يارب...:
بقوله عشان تظهر أسنان أعضاءنا الدلوعين:
كنت لابسة كعب ..أوكي ياهو حلو كل البنات حاسديني عليه...
رحت وأنا لابسته الدور الثالث بالكلية ... أول محاضرة ...
مأدري منين جأته عين توه جديد ... أول لبس ماتهنيت فيه... بعد ماطعست فيه ههه
؟؟؟؟ (الحمد لله في الكعب و في رجلي) ههه
المهم بس نزلت قربت من الإستراحة والا ؟؟؟!!!
تتوقعين أيش؟؟؟
أيش تتوقعين ؟؟؟
أنقطع الكعب وصار عندي واحد بس...<<< ياقمة الإحراج .... مأعرفت وش الدبرة...
؟؟؟
حاولت أخلع الثاني قوي ... عيا !!!! يارب وش الحل ؟؟؟
رحت لدور الأول عشان دورة كمبيوتر...
ياهم يضحكون علي البنات ... على حذاء بكعب والثاني بدون.... وأنا أمشي بسرعة عشان مأحد يلاحظ..؟!!!
لكن بنات ع الدرج يضحكون بشويش...
وفي قلبي أقول: معليش أضحكوا على أجر إن شاء ... مساكين أخذا أجر فيهم من كتمته المحاضرات؛؛<< أسلي نفسي..
وبعد دورة الكمبيوتر .... المسألة فتل عضلات حتى خلعت بعد جهد جهيد ..
ومن يومها وأنا أخاف من الكعب ولاأتوب منه ..خاصة لما قريت أنه من علامة الأنوثة والجمال ...
خاصة كعب الدبوس رهيب...
بس الله يستر من ه المواقف
...

شوفي بنصحك على السريع باللي اقدر عليه
اول شئ دام الزواج زواج اخوك لازم تصيرين فيه مميزه صح ولا لا ؟؟
روحي لمحلات الماركات محلات الفساتين الكشخه اريح لك من التفصيل وهمه وغرابيله واختاري لك واحد حلو ومناسب واتركي المنفوش خلاص هذا الناس ماعاد يلبسونه
وبالنسبه للمكياج روحي للكوفيره او خليها تجي عندكم بالبيت
اما شعرك درجيه على طوله يعني قصيه مدرج وسشوريه ولا انصحك اذا تبينه يصير حلو مره خلي الكوفيره تسوي لك فير يطلع جنان خصوصا على الشعر الطويل ..

اول شي مبروك الزواج
ثاني شي بما انه زواج اخوك اكيد لازم تصيرين مميزه مره
وبالنسبه للفساتين احلى شي يكون موديله ناعم مافي شك وخرابيط كثيره .....فصليه على جسمك ووممكن يكون مفتوح من الظهر بس مو مره هذا اذا راح تخلين شعرك لأنه بيغطي الفتحه ....او اذا راح ترفعين شعرك تخلين الظهر مفتوح وتغطينه بقطعة تل منثور عليها كريستال تكون هالقطعه من ضمن الفستان مو لحالها..
اوانثري كريستالات خفيفه من جهة الصدر ...
والالوان : عندك الاسود او التركواز او الذهبي او العنابي
والافضل واللي راح يميزك اللون الذهبي بدرجاته
الميك اب سويه برا بالمشغل اسألي بملف بنات القصيم عن افضل وحده تسوي ميك اب سواء بمشغل او تجي للبيت
وخلي مكياجك اهم شي بالعيون والفونديشن لا تكثره لك تحط نفس لون البشره عشان ماتطلعين كنك حاطه جبس
وافضل ماركات المكياج :ماك وديور وايف سان لوران <<< هذا اللي انا جربتها والبنات يقدرون يفيدونك بغيرها
نجي للشعر: لا ترفعينه ولا تخلينه ....>>> نص رفعه يعني بس نفخه تحطين حشوه من فوق وتخلين الباقي راح اوريك صوره بعدين ان شاء الله وخليها تقص لك غره بتطلع مره حلوه وشعرك اصبغيه اسود
والرقص ابدي من الحين شغلي المسجل وادهري رقص تعلمي من التلفزيون
وجسمك خليه كذا حلو وسط ..... والبسي كعب يطلع الفستان مره روعه
وبس تعبت وانا اكتب هذا اللي اعرفه وان شاء الله نساعدك باللي نقدر عليه
بس مافهمت وش قصدك من مستلزمات العرس؟؟