عروسة من مكة تفضلي بالدخول

والله حتى انا محتاجة قاعة لشبكتي وابغاها صغنونه وسعرها مناسب
فياليت الي عندها ارقام ماتقصر
اما اختي عملت شبكتها في قاعة فرح وبصراحه كانت روعه وسعرها 3200
ومابتكلم كثير عنها لانها اتلغت
وحضرت في قاعة أفنان في الكعكية صح ديكورها حلو بس صغيرة وزفتها مره مو حلوه والكوشة عادية وارتفاعها جدا جدا بسيط
والمباشرات فيها جيده
وحضرت في قاعه الايام في الكعكية بس مره ماعجبتني 3500 ومدخلها كانها حوش
وحضرت في قاعه سارة سمعت انها رخيصه بس مدخلها حوش لكن مناسبة والصاله متوسطه والكوشه كبيره ومرتفعه
والايام وسارة ماافتكر المباشرات
افتكرت وحضرت في قاعه اصاله مو حلوه وحاره ومدخلها حوش وفيها مسبح وصاله العشا عند المسبح ومره حر
وغرفة العروسه مره مو حلوه والكوشة تمام ورافعه
هذا الي عندي حاليا واذ افتكرت شئ برجع

اهلين ياعسل
انا من مكة شوفي موضوعي اللى فية شغلى ممكن تستفيدي وتلاقي الشئ اللى اللى تبغي
وكمان شريط الزفة
اي شئ انا حاضرة راسليني

والله يا الغلا كان ودي اخدمك بس انا سويت شبكتي في البيت وجبت القهوجية والمباشريات
ام عباس اسمها ماشاء حركين
الله يوفقك

فية استراحة الباني حلوة بنت عمي سوت فيها
اظن ب5 الاف بس حلوة ومرتبة

اانا سويت في قاعة نوف بالشرايع صراحه حلوه ومدخلها يفتح النفس والكوشه وسيعه بس هي مو كبيره مره متوسطه ..ب 3000 ايجارها
والمباشريات تمام هي بس المشرفه شوي جامده ..
وغرفة العروسه معها غرفة ثانيه مفتوحين على بعض وبابهم واحد المشكله قالو المفتاح ضاع وما اعطونا هذا اللي زعلني .. اضطرينا وقت الزفه يجلس احد عند الغرفه يحرصها
والا هي صراحه تعتبر ممتازه ..
الله يوفقك

هلا عيني
الله يتمم لك على خير
شوفي هادا الرابط عن قاعات واستراحات مكة(دردشة مكاوية)
مرة حيفيدك
ودعواتك ليا بالتوفيق
http://alfrasha.maktoob.com/showthread.php?t=787800

يا قلبي ربي يوفقك ان شاء الله ويسعدك
عن نفسي عملت الشبكة في قاعة الراقية كلفناهم بكل حاجة حتى البوفيه كان من الدار البيضاء
والحمدلله معظم المعازيم بيمدحوهم .. واخدتها ب 23 آلف

في قاعة اسمها المنار صالتها حلوة وكوشتها كمان بس ما اعرف كم سعرها (طبعا في الشرائع)

رحاب الأخوه
ياهلا اختي والله ماقصرتي كفيتي وفيتي
الله يعطيك العافية