عروس حزينه فزعتكم يابنات

حبيبتي لا تحزنين ولا شي
شوفي مشكلة بطنك روحي لها دكتورة طيب
والوزن روحي كمان دكتورة تغذية وإن شا الله تفيدك
نجي للون..
اللون يبغالو اهتمام .. مو يوم ويومين ولا حتى شهر .. اهتمام بالقليل شهرين عشان تحصلي ع النتيجه المرجوه بإذن الله
والله أنا كان جسمي معدوم تعرفي إيش يعني معدوم إيديني ورجولي مسامات وبقع والركب والأكواع حدث ولا حرج
بس دحين مع الاهتمام والمواظبة الحمد لله حصلت على النتيجه اللي أبغاها
أولاً عليكي بالحمام المغربي وحمام الساونا ما تتصوري قد إيه فايدته من جد متندمه إني ما دخلتو من زمان بس ياللا نقول الحمد لله
ثانيا / الركب والأكواع وجوزات رجولك استخدمي لها مرهم ديبروساليك من جد رهيب لو أمدح من دحين لبكره ما أوفيه حقو
بس أهم شي المداومة النتيجه ح تبان لك بعد شهر تقريبا.. ولا تنسي تشيلي بين فترة والتانيه بالحلاوه عشان تتقشر الطبقه السوداء
نجي للمنطقه الحساسه هاجس كل امرأه
دي المنطقه حبيبتي عند الكل غامقه على فكره يعني مو مشكلتك إنتي بس
بس أهم حاجه نظافتها..
عندي لك شوية نقاط إن شا الله تفتح المنطقه عندك
أهم شي ابتعدي عن الموس هو أساس السواد والحبوب والحكه
خدي حلاوه صغيره ومره على مره ح تتعودي
بعد ما تشيلي بالحلاوه حطي كريم سودو عشان يمنع الحبوب والحكه
بعدين استخدمي للمنطقه كريم كينا كومب تبع الحساسيه حلو يفتح بشويش وما منو ضرر إن شا الله
يمدحون كمان كريم دوف الوردي للمنطقه بس للأمانه ما جربتو
>> خلاص إتكسرت يدي من الكتابه
الموهم أختي إدعي لي زواجي الاسبوع الجاي
وإن شا الله أكون أفدتك

الله يوفقك يارب ..
واختي تعووبه ووفت بكل شي..
الله يسهل امور زواجها يارب,,

تعب قلبي مشكوره يابعدهم
والله من جد استانست بشكل ماتتصورين D:
ببدأ من بكرى التجارب وان شاء الله استفييد
والله يوفقك ياقلبي ويسهل حيااتك و يسعدك مع زوجك ويخليكم لبعض يارب وعقباال ما نشووف عيالكم يالورده

بالتوفيق يارب

اختي تعب قلبي كفت ووفت يعطيها العافيه

هلا حبيبتي اله يوفقك وتعوبه ما قصرت كل اللي كان ببالي قالتو
اهم شيحبيتي الترطيب
والمنطقه الحساسه بزيدشويه ع تعوبه سوي لها تقشير بالسكر والزيت زيتون بعد الحمام المغربي
وحاولي كل يوم مرة وحدة انتبهي تزيدي عن مرة تشطفيها بمويه دافيه وملح خشن بعدين جففيها اهم شي ما تخليها مبلوله حتى بعد الحمام الله يكرمك بعدين بتدهنينها بزيت اللوز المر راح تفتح ان شا الله
كمان حماام المغربي سوي انتي يعني الصابون تبعو لا تشتريه سويه احسن لانو انا ما يعجبني احسو خفيف مرة ولو ممكن تشتريه من عند المرواني للعطارة اذا عندكم ليه فرع هذا احسن شي تلاقي عندة علبه ب 15 ريال تكفيكي شهرين ممكن
موفقه يا عمري
والله يوفق تعوبه ويسرلها امورها ويسر لكل العرايس كمان