عروس واحوس عندي عزيمه وابغى نصايح صاحبات الخبرة

الله يعينك
سوي قرصان وايدامات سهله وتبيض الوجه
كما مكرونه بالخضار او الباشمايل ومرقوق يعني نوعي بالاكلات
لا تنسي تخلصي الطبخ قبل مجي الضيوف على الاقل بنصف ساعه وجهزي نفسك وانتبهي تجربي طبخات اوحلا جديد وقت العزيمه سويها تجربه قبلها علشان تخافي ماتضبط معك وقت العزيمه....
والله يسيرها لك

كذا تمام لي ماسوي معجنات وسوي روز لزم
والله يعينك

االرز طبعا مع الذبايح بيكون الطبخ برى البيت

الله يكون في عونك
قولي لاخواتك يساعدونك
مافيها شي !!!

على البركه الزواج
وشوفي حبيبتي الفواكه قطعيها مربعات ورتبيها بعود شواء تطلع واو
لاتنسين مناديل السفره تعطي نظاره لسفره
سوي عصير شمبانيا بيعطي شكل لسفره وطعمه خيال اذا بغيتي طريقته علميني لو ماتعرفيه
ام
لاتنسين بعد العشاء عند مغاسل الرجال حطي سله صغيره ورتبي فيها انواع من العلك
والحريم وزعي عليهم
لاتنسين الجمر حطيه على النار وكثريه قبل لايتعشون الرجال بفتره عشان يجمر وتبخرينهم>>>>وحده متاثره دايم تتاخر
خلي الشاهي جاهز بعد العشاء للرجال>>>الاخت رفله بدايه زواجها
شوفي ملاعقك تكفيهم اولا >>عشان ماتتوهقي
ام
اول مايجونك الناس حيي فيهم بصوت عالي وترحيب خلي جيراننكم يسمعونك>>>وحده انتقدتني تقول مره دخلت عندك زي العنزه خ>>بس مااعرف امي هي اللي قايمه بالمهمه هذي ببيت اهلي
اكشخي قبل لايجون يعني من العصر والشخبيط اللي....................... اخفيها بالمكياج خبرك عروس >>اتمنى انك فهمتي>>اختي مره جت والتجرجر بشعرها مره يمين ومره يسار>>>>تذكرت اغنيه التاكسي
(((احس نصايحي نصايح بزارين بس والله من اللي شفت لاني متزوجه وانا صغيره)))
بس بكمل
انا اشوف بس تسوين سلطات وحلويات يعني مكرونه و ماتصلح مع الذبايح>>رأي فقط
القهوه انتبهيلها لاتبرد اذا كانت بدله
و اذا كانت مواعينك شويه جيبي صحون بلاستك تفك الزنقات
وخلصت>>>مابغيتي
بس والله من اللي واجهته صرت امشي وانصح
واحس مالي داعي بس يالله راح اظغط على الرسال الرد

ياحبي لك يامضيعه
ماقصرتي والله
نصايحك على عيني وراسي

اختي حرم دودي ماعندي شي افيدك بيه لكن الله يسهل امرك وترفعي راسك وراس زوجك بقولك بس شي ابعدي عنك التوتر مهما يكون عشان لا تتلخبطي في شي فديتك يا عسل