عروس وتبين تعرفين وش لازمك وبدون حيره الجزء الأول تعاللي

الجزء الاول <<المظهر>>
لاتقولي يوه طويل الموضوع انا ندمت اني ماكنت اقرا مواضيع زي كذ وانا قسمته لأجزاء لعدم الملل اثناء القرأةبعدين هذا لك قبل ما يكون لي وتجربه شخصيه ميه بالميه مني لكم انا تزوجت لي 5 شهور
ادعولي بالذريه الصالحه وامانه اللي تدخل تدعيلي,,,,,
كيفكم يا بنات انا حبيت افيدكم بكل شي سواء اغلاط مريت فيها او اشياء سويتها صح
اول تدخلي مشروع الخطوبه او املكه وعندك وقت طويل ممكن تتصفحي النت وتشوفي افكار فساتين ملكه او فرح بس لا تحتارين حطي ببالك انك بتاخذين افكار وبس
بعدين قبل الملكه او الزواج اللي عندها وقت ممكن تبدا قبلها ب7 شهور واللي فاتها ممكن حتى بشهر تسوين انجااز في بشرتك وجسمك سنين ماقدرتي توصلينه من ناحية البشره بداية استخدمي اشيا وخلطات من البيت مثل عسل وشوفان تخلطيهم وتحطيهم قناع وللمعلوميه اي قناع لايطول اكثر من ربع ساعه طيب الخلطه الثانيه<<والله انا مجربتها كل هالخلطات اللي بقولها لكم بس اللي بشرتها حساسه من اي شي تحاول تروح لدكتوره احسن بس هالخلطات عامة المهم تحطين لبن زبادي باارد عالبشره وعاليدي الثالثه وهذي انا سويتها يوم الشوفه قسما بالله طلعت الق لق تجيبين فنجان قهوه كبير شوي وتحطين فيه زيت زيتون وسكر وتدخلين الحمام >>وانتو بكرامه وتدلكين فيه جسمك بشويش وشوفي اماكن فيها زي الحبوب صغيره تكون تجمع لجلد مين مثل تحت الكوع او حولين الركبه افركي مزبوط ممكن كمان تسدخميها للوجه برضو بشويش بحركه دائريه زي المقشر بس طبيعي <<والله تخلي وجهي مرايه يلمع ماشاء الله تبارك الله وحتى اصابع رجولك ومن تحت الخلطة الثالثه جيبي فنجال صغير حطي فيه عصريتين برتقال وشوفان وعسل مقدار ملعقه صغيره وبرضو حطيه عالوجه وطول منتي فاضي خذي ليمونه وافركي فيها اليد والاكواع والرجلين
++بالنسبه للاسنان انا سويت اسناني وطلعت وتغير شكلي سبحان الله يعني هذي بدري بدري تسوينها مو وانتي مع زوجك تاخذين مسكنات خ <<< صارلي ايام الملكه ضرسي قام عليا واكتشفت انو زوجي اشترا برفين وحطه بدرج السياره خ
++المناطق الحساسه لاتهملين نفسك من تحت نظفيها دايمن ولا تخل المنطقه فيها رطوبه انتبهي ترا يصيرلك التهابات لاسمح الله ونقعي نفسك كل اسبوع بمويه دافيه ومره والمرةممتازه وخذي من الصيدليه غسول خارجي لمن تشربين مويه حطي فيها موية ورد عشان عند التبول اكرمكم الله رحته ماتكون كريهه
++بالنسبه للشعر عاد لاتصبغين الا قبل المناسبة باسبوعين عشان مداه اللون ياخذ وضعه وهنا انا صبغت قبل ملكتي بيومين بس طلعت حلوه بس اللون ما مداه يفتح وخليها تسويلك طبقه واقيه قبل وبعد انا عن نفسي صبغتي ما شاء الله ما اثرت على شعري ولا خشنته مثل ما اشوف على قد ما كنت خايفه من الصبغه الا اني تحمست
++بالنسبه للأظافر وما ادراك ما الأظافر قبل زواجك بشهر سوي بديكير لانو بديهيا يوم زواجك راح تسوين واهتمي جدا لانو هي واجهتك قدام زوجك وملفته جدا لهم وراح تنمسك كثيير فلاتنسي كريم جونسن في الشنطه <<<خبره
++بالنسبه للشفايف والخدود لمن تسدخمين صنفره مريريها عالشفايف شويه ودايمن حطي فازلين قبل النو لمن تصحي تحسي شفايفك ورديه ونااعمه والنتيجه بالتدريج اذا تبغي فوري يعني مثلا زوجك جا جيبي قطنه وحطي فيها توت او بودرة دم الغزال <<روعه عند العطار تلقينها حطي شوي مو من الفرحه تكتين ابوها شو بس او ممكن توت وتحطي على الشفايف وعلى الخدود بحركه دائريه مو مثل هايدي لا زي البلشر بالزبط بس وضعه بحركه دائريه والله العظيم سوتها وزوجي يقول فيكي شي غريب انا سويت انو طبيعي خ
++العيون حاولي دايما تحطين منديل فيه ثلجه وتنسدحين بالصاله << مجرب وتحطين على عيونك تحسين بنوم
انتظرو الجزء الثاني عن التسوق وبداية المشوار وايش تشتري اكثر وايش العطور للنوم وللخرجه وللبيت وكل شي واللي تبغا اي استفسار سواء هنا او بالخاص انا حاضره سواء جده او المدينه او الرياض او اي شي ,,,,وافكار وحركات,,,,,واثاث البيت كمان والبويه <<فكره حلوه ,,اتمنى ما ينحذف لانو يفيد كثير بنات ,,
ربي لاتذرني فردا وانت خير الوارثين