كل مايلزمك ياعروس من قاعات وكوافير ومصوره و الجزء الثاني

1. لوشفت ردود وتفاعل بأكمل مو زي موضوعي الاول بس 18


2. وفيه ريتاج طيبه مره حلوه وقمة المدينه سعرو حلوو اعتقد 14 ؟؟


3. وكوفيرات فيه لمسات وعالم حوا بس لمسات يعني اكله الجو عندهم ههه

والله تعبت لاجل افيدكم فلا تبخلو علي لوبدعوه لاتكونو بخيلين
الرجاء عدم الحذف لانو مفيد ان شاء الله للجميع وانتظرو الجديد بالصور ,,,,الين تدخلي بيتك ان شاء الله

لوشفت ردود وتفاعل بأكمل مو زي موضوعي الاول بس 18

اول شي قاعات طبعا في البعض الاهل يختارولهم والبعض هم,,,,لوكان قاعات في فنادق افضل شي سعرا وشكلا ومميزات÷÷÷ الدار البيضاء ÷÷20 وحسب الكرسي كمان مع كل شي حتى الزفه الشريط هي تختارلك الاغاني والكوشه والتورتا من عندهم ,, بس انا سويت كوشتي وشريطي برا...لانو ماعندي وقت كان لمواعيدها ويسولك بروفا حق الزفه ويدلعوك كأ،ك اميرة زمانك للأمانه+جناح هديه للعروسين وغرفه مزوجه كمان <<<حلو صح للأهل والأكل الذ والذ,,
فيه كمان استراحات حلوه كأنها قاعه وشكلها خيال وسعرها حلو من 3 الى 5 تقريباالاف زي÷÷÷
رومانس÷÷÷وفيه كمان القلعه حلوه بحدود 7 و8الاف
استراحة ريفيرا خطيره بس والله مدري بكم وفيه قاعات ملك كمان بحي الصفا حلوه واسعارها بين 5 و6 و7 المقصوره و شهد وفيه فرحتي استراحه ب 5 الااف وفي يارا حلوه قاعه
بالنسبه للمدينه فيه ليلة زفافي روعه حسب الكرسي وفه نوف روعه زواجي كان فيها انا ملكتي بجدة وزواجي في المدينه
كان في نوف ديزاينها زي الاوبرا ادووار ولونها عودي وذهبي جووناان ب20 الف او 15 والله ناسيه

وفيه ريتاج طيبه مره حلوه وقمة المدينه سعرو حلوو اعتقد 14 ؟؟

وكوفيرات فيه لمسات وعالم حوا بس لمسات يعني اكله الجو عندهم ههه

كوافيراات ج ده ريما وبس لينا ميك اب وردنيه شعر والله تروحي وتدخلي وانتي متطمنه حتى اميرات يروحولها جداا ممتازه وفيه الشيخه بس معاملتهم مش ولا بد وفي وهج شفت صور وحد حلو مره وفيه اللي تبغا ميك اب ناعم بثينه في المساعديه لبنااني حلو... بس ريما بالنسبه لي هوا التوب ..
المصوره وحده اسمها هناء في روتانا انا صارلي مشكله بسيطه معاها بس للامانه سعر وشكل وفخامه انا كنت با اتورط عند وحده ثانيه بس ربي ستر وهذي احلى منها بألف مره وتدرون بكم ,,, ما تصدقون ب2000شامل البوم ديجيتال منوع قطيفه كلين ليزر كل شي ومعاه مجله هديه ومطويه صغيره وصوره مكبره وفوق هذا عرض سينما والصور من عندها وتديها الاغاني هي تسويها والله مره حلو بس عيبها تكرر الصور في الالبوم وعشان كذا اتخاصمت معاها بس اللي ترو حلها تنتبه لكلامها وتشرط عليها من البدايه انو انتي اللي حتختاري الصور انا ما كنت ادري بس من جد الكل في الجامعه انهبل عالصور اوا نسيت اقولكم انو سوتلي فديو كليب وسوتلي صور متحركه كلو ب2000احجزوها من بدري قولولها انكم من طرف وحده ملكتها بفرسااي
وفيه ديوي الطويل <<<حلووه بس ب 4 الاف وفيه لمسات تصويرهم حلو اسعارهم حسب اختياارك طبعا لمسات في فجدة ,,هذا اللي عجبني واسعارهم حلوه
بالنسبه للتوزيعات في واحد في سوق الحجاز وحده قالتلي عليه انا لمن قالتلي الحجاز قلت اكيد مو حلو بس بالصدفه رحت وطلعت الا وعندو اشياء روعه سويت توزيعات في الملكه صدفه وفي لولو مكتوب عليها اسمي الصدفه اسود والاكليل ذهبي ومرصوصه في صدفه كبيرة تجن ماشاء الله
واللي عا الطاولات من الجونه حلوه اسعارهم ومعجناتهم
والكوشه هذي اللي جنت الناس والله العظيم ما اقول الا الصدق سويتها عند محل اسمه الهديه في السلامه قدام الدار البيضاء وقولو احنا من طرف بدر وهوا يتوصا فيكم ان شاء الله واللي تبغا الرقم تامرني
هذا اكثر شي عجبني بعد لف ودوران لكل محلات جده حبيت اختصرها لكم من الاخر,,,
انتظرو الجزء الثالث عن حركات في الزفه والغمره و,,, وانا مستعده لأي سؤال او استفسارلاتلفي وتدوري هذي افضل شي مختصرلك عزيزتي ياليت لقيت احد كذا قبل زواجي بس الحمدلله
واللي تبغاني اكتب عن شي حابه تعرفه تقولي وانا حاضره لكم لا تنسوني من دعواتكم بالذريه الصالحه