عروس وزعلانه عند اهلي

صباحكم-مسائكم ورد
مدري وش اكتب بس بقول اللي بقلبي
انا كان حلمي مثل اي بنت بالدنيا تتزوج وتشوف عيالها بحضنها
حبيت انسان من كل قلبي قبل الخطوبه وهو كان يموت في الارض اللي امشي عليها
وقالي بتقدم لا اهلك وطرت من الفرحه..سنين وانا انتظر ها اليوم
وفعلا كلمته امه امي وتمت الخطوبه والملكه على خير
وعشت معه احلا ايام عمري في الملكه < تبكي وربي
وتم زواجنا على خير وقضينا شهر عسل ولا بالاحلام
كنا مثل عصافير مانقدر نستغني عن بعض
وربي بس يتاخر دقيقه بعد الصلاه ابكي خوف عليه
تعلقت فيه حيل..شفت احلامي معه..شفت حياتي كلها معه
ورجعنا بيتنا وكانت امه في استقبالنا
من اول يوم ما ارتحت لوجودها وسكت
هي كانت ايام الملكه تزورنا وكانت مثل العسل
بس سبحانه فجاه تغيرت بقوه
تخيلوا بنات تغار مني غيره مو عاديه لدرجه
انها تقول لولدها يوم تنام عندي ويوم عندها
وربي صرت اشك انها امه اقول ذي زوجته
لما يدخل الحمام ياخذ شور تزعل ليه تاخر عليها
لما ينام معي تزعل ليه ما قعدنا نسولف معها حتى يجينا النوم
تحملت وتحملت وتحملت اشياء فوق طاقتي
والله يا بنات انها تبكي مثل الاطفال
انهبلت انا..صح احب زوجي واموت في ارض يمشي عليها
بس ماقدرت اتحمل تصرفات امه
وصل بها الحال تقول باب الغرفه لايتقفل
قمت رحت لا اهلي زعلانه
وانا توي عروس ماخلصت 3 شهور
ولي هالحين اسبوعين عند اهلي..كل شوي يرسل يقول ابيك
بس ما اقدر افارق امي ولا افتح بيت ثاني
والمصيبه عنده اخوان غيره بس هي متعلقه في زوجي مره
والله العظيم اشتقت له حيل
بس مابيدي شئ ابي اعيش احساس كل وحده متزوجه في بيتها
ما ابي اخسره والله ما ابي
شوروا علي الموضوع
لا احد يقول تحملي امه عشانه والله ما اقدر
الموت ارحم لي