عزيمة حمولتي

نجد2000

10-09-2022 - 09:04 pm

: السلام عليكم
يابنات تكفون فزعتكم
يوم الاحد بكرى عندنا فطور عازمين حمولتي والله اني محتاره مادري وش اسوي انا فطورنا لحالنا ابدا من الساعه 2 الظهر ولا اخلص الا قبل الفطور بعشر دقايق
الله يعين طيب كيف فطور كبير وانا ماعندي شغاله والبزران يشغلوني الله يعين
تكفون ساعدوني وش اطبخ غير الشوربه اكيد شي اساسي
لاكن ابي شي يبيض الوجه غيره ياجدي وابي كيف ارتب وقتي يعني متى ابداء
وكم صنف يكفي هم 9 اشخاص غير زوجي وكلهم بسفره وحده يعني ابوزوجي وامه واخوانه 3 وخواته 4
مع زوجي وعيالي
تكفون ساعدوني ابي شي سهل
لاعدمتكم

التعليقات (9)

ميعاد الامل*

10-09-2022 - 11:40 pm

الله يكون بعون
طبعا حطي رطب وقهوة
وجهزي العصير كم نوع
وسوي الشوربه واللقيمات ومكرونه باشميل وبيتزا وفطيرة محار
وسويي حلويات نوعين كريم كراميل وتشيز كيك اونوع من انواع الكيك
وطبعا سلطات سلطة مكرونه مثلا اوفتوش وتبوله
طبعا جهزي الحلى من الليل اسرع لك واعجني العجينه قبل ماتنامين
حتى تكون جاهزة لماتجلسين

نشافه

11-09-2022 - 12:41 am

شوفي ياقلبي سوي عجينة العشر دقايق وربي روعه ذي العجيبنه
سوي منها بيتزا وفطاير جبن وزعتر
وورق عنب
ومكرونا با البشامييل وسمبوسه ومدري والله
والحلى سويه با الليل عشان اسهل لك
ان شا الله البنات يفيدونك

فتاة الاحساء

11-09-2022 - 01:42 am

حبيبتي اذا انتي مفرزنه طلعي من كل اللي فرزنتيه و2كيس بريد اشتغلي فيهم بيتزا وحشوات
وركبي هريس علشان تفتكين وطلعي منه شوربه 2في 1

ملاك بين البشر

11-09-2022 - 02:43 am

شوفي حبيبتي انا من كم يوم
مفطره شباب يمكن حدود 12 شخص
سويت لهم 40 حبه سمبوسه
وسويت عجينه تتكون من
فنجال حليب بودر
فنجال سكر
فنجال زيت
م ك خميره
م وسط بكن بودر
كأس ماء
واحطهم بالخلاط
وبعدها احط عليهم كاسين دقيق الكويت
طبعآ العجينه بتكون تتنشب باليد بس انتي حطي دقيق حق الفرد عشان ماتتماسك
وسوي فيها بيتزا دائره كبيره 2
وسوي من هالعجين بعد دائره كبيره مثل حق البيتزاء بس حطي جبن سايل وكثري منه لأنه يطعمها وزعتر وبعد ماتستوي حطي عليها زيت زيتون وسوي منها 2 بعد
طبعآ كلها بالنار تحت بس
وسوي لقيمات واصابع
وشوربه وكريمه
برايي يكفي

فتاة من بريده

11-09-2022 - 03:44 am

اسمعي يقلبي انا يوم الخميس كان عزومة حمولتي سبعه اخوان زوجي مع حريمهم وعيالهم ماشاء الله
المهم قبله بليله جهزت كل شي اول شي جهزي مواعينك يعني بمجلس الحريم جهزي الفناجيل والكاسات والاكواب والتمر زين
بعدين اكتبي وش بتسوين
ورق عنب وصينية خضار بالبشاميل ولازانيا وشوربه اكيد السمبوسه واصابع جبن تكونين لافتها قبل بوقت لانها تاخذ الوقت وسوي بيتزا وخلية لان الفطاير تاخذ وقت لفها
حلا سويه من الليل سوي تراميسيو سهل ومايحتاج فرن او تشيز كيك
جهزي كل شي بالليل بس من بكرا تحطين الصياني بالفرن قبل الفطور بساعه وبعد صلاة العصر سوي شوربتك ابدي سوي العصير والبيتزا والخليه سوي سلطه فتوش زينه ومايبيلها تعب وتواجه بس ماتنامين الا بيتك مرتب علشان تتفضين للطبخ يوم عزيمتي مانمت للساعه تسع الصبح الف واحوس تذكري يقلبي انه بتتعبين بس بهاليوم هذا لازم تحطين حيلك ولازم تكتبين وش ناقصنك علشان ماتتازمين عند الطبخ
بس وقلبي معك وبشرينا

على درب الهندسة

11-09-2022 - 04:45 am

ماشااء الله من الساعة 2 بتبدبي ومابتخلصي لوقت الفطور؟؟؟والله هيك كتير !!!
معناه لازم تبدي على بكيير يعني صلي الضهر وابدي بتجهيز كل ششي
العصير والشوربة والسلطة والفتوش اهم شي اكييد
اعملي معكرونة بالصلصة او لازانيا او معكرونة بشاميل يعني نوع واحد يكفي معكرونة
سمبوسة وسبرنج رول
معجنات وبيتزا اعمليهم قبل بيوم وحطيهم بالثلاجة وسخنيهم قبل الفطور
اعملي صدر كبسة او مندي او بخاري او برياني بس مايكون كبير لانه في اكل منييح
او جاج محشي او دجاج مع الخضار بالصينية
وعصاائر
وحلا خفيف ....حلا النسكافيه وكريم كراميل وكيكة شوكولاتة

)وردة لينا(

11-09-2022 - 05:46 am

الله يكون في عونك

بسمة لولو

11-09-2022 - 06:47 am

بتوفيق

نجد2000

11-09-2022 - 07:48 am

اب

ممكن بسيمة بدون بيض←
أول مره أنزل فطوري في هالشهر الفضيل وش رايكم→