عطوني خلفيه في طريقة التدريس

السلام عليكم ورحمه الله وبركاته
في البدايه أحب اقولك شغله .. اذا انتي تحبين الإنجليزي لا يهمك أحد ولا تسمعين لكلام الناس اللي تنزل همتك لتحت
أنا قبل لا أدخل القسم ( على فكره أنا أدب انجليزي وهو أصعب الأقسام الإنجليزيه ) كانوا الناس يقولون صعب وسنه أولى مستحيل ما تحملين ولا ماده
وكلام كثير نزل معنوياتي للحضيض وفي بدايه السنه بدأت أحس ببعض الندم على دخولي لهذا القسم _ التعجيزي _
ولكن الآن احمد الله اني دخلت هذا القسم .. قسم ممتع وان كنت اواجه صعوبه الا اني استمتع بوجودي في هذا القسم
بخصوص سؤالك عن طريقة التدريس .. في البدايه ممكن تواجهين صعوبه خصوصا ان الكل يتكلم انجلش وفكره ان الدكتورات او الأستاذات يتكلمون عربي شيليها من راسك
حتى وانتي تسولفين في شئ خارج الدرس ممنوع تتكلمين عربي .. واللي لازم تعرفينه هو أنهم يعاملونك على اساس ان مستواك بالإنجليش حلو _ يعني الدعوه مو تأسيس _ وكل ما تكلمينهم قالوا انتي سبيشاليست _ متخصصه _
بالنسبه لي كانت الماده الصعبه هي الشعر والسبب من الدكتوره ولكن بقية المواد الأدبيه كانوا يدرسوني اياها دكاتره ( رجال ) وسهلوا المواد جدا
امم اذكر اول الأيام ماكنت اتجرأ في كلاس الكونفرسيشن _ المحادثه _ ولكن صدقيني مع الوقت تتعودين على الوضع
هذا ابرز شئ .. أتمنى أكون أفدتك واذا عندك اي اسأله ثانيه لا يردك الا كيبوردك
تحياتي

ما قصرتي الله يعطيك العافيه