عظامك تعبانه تحسين انك عجوز الا شوي تعالي اقول لك

1. طيب كانك تقولين وين الأغذيه ؟؟


2. اصبري شوي بس روحي سوي بيض و اعزمي اهلك و اخوانك عليه

مرحبا
قلتي لي عظامك تاعبتك اجل ؟؟
وعضلاتك بعد مش ولا بد ؟؟
تحسين انك وجدتك واحد و يمكن هي انشط شوي
طيب تعالي اعلمك شيء
تتذكرين منهج العلوم في متوسط
والتدبير بعد
تتذكرين دروس الفيتامينات ؟ اين توجد و اعراض نقصها
ذكرتي .... طيب ممتاز
تتذكرين فيتامين كانت المعلمه تقول لكم لازم تطلعون بالشمس عشان يتخلق تحت الجلد
ذكرتيه صح هو اسمه ( د )
طيب وصلنا خير
كانوا في المنهج يقولون ان نقص فيتامين د يتسبب بالكساح للاطفال ولين العظام في الكبار
وكانك بعد تذكرين صورة الطفل اللي عنده كساح (( سيقانه مايله )) كانت جدا حزينه صح
طيب انا بقول لك ان نقص فيتامين د مو بس يسبب مرضين الا يجيب مصايب بعد :jld:
نقص الفيتامين مرتبط باذهاننا انه خاص بالاطفال و كبار السن ( العجايز يعني )
طبعاهذا الاعتقاد مبني على اساس ان الشباب يتغذون كويس و يتعرضون للشمس كثير
لكن بفضل ثقافه ( ما بي اسمر ) صار نقص هذا الفيتامين منتشر كثير في الشباب خاصه الشابات البطلات اللي يحملون ويرضعون :007:
وش فيك تناظرين إيه ياعمري ولدك ربي ضمن له كل اساسيات الحياة يعني بياخذ كل احتياجاته منك و انت عزيزتي عليك توفرينها لك قبل ما تصير له ( فهمتوا ولا اشرح ) عادي قولوا لي <<<< صرت معلمه انا
طيب يالغاليات تعرفون ان لين العظام ما يجي كذا هوب طع
قبل ما توصلين للمرحله هذي و تبدأ عظامك تتكسر على اقل طيحه
بيجيك الم شديد في العضلات لدرجه انك يمكن ( حسب شدة النقص ) انك يالله تتحركين زي جدتك يعني :0011:
و إذا صحيتي من النوم تسحبين عمرك من السرير
طبعا لأن عظامك تعبانه و عضلاتك يالله تشيلك
وشد عضلي
وقد يكون معك ترنح ( ما تمشين زين )
وعدم تناسق في عمل العضلات (( تطيحين كثير ))
برضه يجيك خفقان في القلب وكتمه
وضعف العضلات يخليك ما تقدرين تفتحين حتى علبه اللبن
أماإذا كان النقص في فيتامين د قليل فإنه يؤدي إلى فقدان الشهية والإحساس بالحرقة في الفم والحلق، وحدوث إسهال وأرق، واضطراب في النظر. وهذي الاعراض مشتركه في كثير من الامراض
انا ما ودي اكمل و اقول لك ان نقص فيتامين د يسبب
دوار ، رجفه ، فقدان للذاكره ،زهايمر ، سرطان ، سكري ، ضغط و غيره
بس بقول لك الله يرضى عليك
إذا عندك اعراض زي كذا لو بسيطه روحي الطبيب و اطلبي تحليل فيتامين د بشكل خاص ((( تحليل فيتامين د لا يدخل ضمن الفحص الشامل ))
الحين فيتامين د كلنا نعرف اننا نقدر ناخذه من الشمس لكن متى و كيف ؟؟
متى .. أي وقت مو بس الصباح و المساء لأ ابدا حتى شمس (القايله) تفيد
كيف ..انك تتعرضين للشمس مباشره من دون واقي شمس او زجاج عازل او ملابس ثقيله (( بعض الدراسات تقول اللون الأبيض ما يمنع الأشعه )) لكن بعض المختصين يصرون على ان تكون الشمس مباشره على الجلد
كم ... عشر دقائق كافيه بإذن الله

طيب كانك تقولين وين الأغذيه ؟؟

اصبري شوي بس روحي سوي بيض و اعزمي اهلك و اخوانك عليه

لأن صفار البيض غني جدا بفيتامين د بس انتبهي تاكلين جبن معاه :( ادري كلكم تحبون البيض بالجبن لكن هذا ما ينفع لأنك ما تستفيدين من البيض تماما، استخدمي الكمون او اي شيء ثاني غير الجبن ( الكالسيوم في الجبن يتحد مع الحديد في البيض و يكونان مركب غير قابل للهضم )
و زيت كبد الحوت مصدر ممتاز جدا (( يباع كمكل غذائي في الصيدليات ))
وحتى اعطيك قاعده عريضه
فيتامين د من انواع الفيتامينات الذائبه في الدهن
يعني انه موجود في كل انواع الدهون خاصه الزيوت و نسبته تختلف حسب نوع الزيت
وبعد تلاقينه في الحليب ( المدعم ) و الكبده و الاسماك عموما خاصه سمك السلمون
فيتامين د يساعد الجسم على امتصاص الكالسيوم و الفوسفور و ترسيبهما في العظام و يدخل في تكوين هرمون الغده الدرقيه و عمل القلب و تناسق عمل العضلات وتقويتها ( حتى التحكم في البول )
وهو برضه يساعد الأمعاء في عملها
وصلى الله و بارك
أخصائية التغذية /إيمان أبا الخيل
منقول