علاج النحافه بتجربه شخصيه

السلام عليكم ورحمة الله وبركاته
هلاا وغلاا بكل اللي تفضلوا على موضوعي
هذا يابنات تجربه شخصيه للاخت السراب
وللامانه منقول نقلته من منتديات عروس
وربي اللي خلاني انقله اخواتي اللي يعانون من النحافه وحبيت افيدكم بشي ولو بسيط ولا ابي منكم سوى الدعوه ان الله ييسر خطوبتي على خير
ندخل بالموضوع
تقول الاخت السراب
انا كنت اعاني من الضعف او بمعني اخر (( النحافه))
والحين ماشاء الله جسمي صار ولا احلى وافكر اسوي رجيم
طبعا انا جسمي كان زين ممتلئ بشكل جميل
بس بسبب ظروف تحول الى النحافه لعدة سنوات
وانا من الناس اللي تكرة الاطباء وتلجأ لنصايح الناس
المهم بعد عدة سنوات وليست بقليله كان وزني لايزيد ولا جرام ثابت
ولان وزني نقص بشكل موطبيعي فجأة
قرت زيارة طبيبة استشارية
ورحت مستوسف الحكومه التخصصي
طبعا الحكومي افضل من الخاص بنظري لعده امور لاتخفى عليكم
وعطوني تحويل الى
اخصائية تغذية :woot:
اول شي طلبت مني تحليل دم
وانا عندي عقده الابر مادري شلون سويتهاا بمعجزة بس عشان القى حل
طبعا بعد ماخذت القياسات
وطلع عندي فقر دم حاد وهالشي اللي مسبب لي النحافه
وعاجلته والحمدلله زاد وزني ورجع نفس الثابت
وانصحتني في:
منتج اسمه SUSTAGEN عبارة عن بودرة
في نوعين كاكاو وفانيليا
انا افضل الكاكاو
تلاقونه في الجمعيات والصيدليات
هذا تخلطونه مع الحليب وتشربونه
او اذا ماحبيتوة كذي تسونه ايس كريم تخلطونه مع كريمه كي دي دي اذا عارفتها ولما يخلص تحطونه باطباق
و تصبون عليه صوص كاكاو هذي من افكاري
وتبردونه او ترشون عليه من البودرة SUSTAGEN
يعني عشان تحبينه
خصوصا بالصيف اكيد بيكون لذيذ البار
واذا تحبون الفانيليا
تقدرون تسوونهم عصاير تحطون معاه موز او اي فاكهه
عاد انتم وذووقكم
على فكرة الكاكاو نفس النسكويك طعمه
لدرجه ان خواني يأذوني يبونه
وهو مفيد لكل افراد العايله الى الصغار
يعني ممكن ياكلون معاكم او يشربونه
<<<راعيه افكار
:woot:
الطريقه اليوميه
اول شي ببلغكم اهم شي الاراده
يعني لازم تحملون بالبدايه راح تشوفونه شي صعب
لكن والله انا بعد شهر تقريبا واقل زاد وزن3.5
ثلاثه كيلو ونص
تخيلون
ماشاء الله يعني كل شهركيلووين الى اربعه ووعلى حسب الشخص في ناس يزيدون خمسه كيلوا كل شهر
اهم شي الزياده الصحيحه
طبعا لازم الواحد ياكل باليوم ثلاث وجبات بوقتها
بعد وجبه الريوق (( الفطور))
يعني وقت الضحى تشربونSUSTAGEN كوب حليب تخلطون فيه ملعقين من البودرة
((او تسوونه ايس كريم))
اغصبوا نفسكم شوي
وعلى الساعه 5 العصر SUSTAGEN
وبعد العشا
بساعتين اشربوا SUSTAGEN
قبل النوم
ولازم ثلاث مرات باليوم
لافضل نتايج
على فكرة اهو مكمل غذائي يعني مامنه خوف
حتى يعطونه الامهات الحوامل عشان البيبي يتغذى
ويعكونه اللي بالمستشفى
لانه عبارة عن وجبه فيه فيتاميات ومعادن قيمه
ورايي انكم قبل تشربونه تحطون لكم جدول خاص فيكم
وتكتبون فيه التاريخ واليوم ووزنكم
وكل شهر نفس التارييخ تحطون وتشوفون النتايج
اما على الميزان ميزان البيت لاتصدقونه روحوا ميران الصيدليه افضل
لانه ادق
واذا ماقدرتم حطوا الميزان على ارض سراميك ولا رخام ولا كاشي
عشان السجاد مايخليه يعطي الوزن الصحيح شي ثاني للنحافه عن تجربة شخصية
وبأستشارة طبيب استشاري
لاني من الناس اللي لازم تسال
صراحه فكرت بحبوب الخميرة بالصيدليه وسالت عنهاا استشاري
وقالي انها تسبب الفشل الكلوي بالمستقبل
ونصحني في حبوب واهي افضل نوع حبوب لفتح الشهيه
اسمها Cypro-Vita
وهالحبوب تلاقونها عند الصيدليات تنباع
بالكويت عندنا 1.300 يعني دينار وونص تقريبا
هالحبه تاكلون منهاا قبل الاكل بربع ساعه وبتلاحظون نتايج حلوة ان شاء الله
وهاذي صورته
وربي يسعدكم وان شاء الله اكون افدتكم ولاتنسن تدعون لي ان الله ييسر خطوبتي على خير