علاقتي مع معلمتي

السلام عليكم ورحمة الله وبركاته.............
كيفكم يا بنات ؟؟؟ واش اخباركم مع المدرسه والابلات؟؟؟
المه م:
يابنات انا محتاجتكم مره واتمنى انكم تساعدوني باسرع وقت
واتمنى كمان إنكم ما تفهموني غلط ولا اي شي تاني
في الترم التاني يمكن بعدما بدا باسبوعين جاتنا ابله انتداب عربي تدرسنا في ثلاث مواد من العربي
المهم بصراحه أنا حبيتها بس موا لحب اللي هو الاعجاب والحب المحرم وماني عارفه ايش وحركات
البنات انتي عشقي وغرامي وما ني داريه ايه كمان ................................ أتمني انكم فهمتوني
يعني ماشالله حبيت شخصيتها شخصيتها ماشالله جدا رائعه وقويه وطيبه في نفس الوقت
تخلي البنات يحسبولها الف حساب في الاختبارات عندها ما تحل اللي مذاكره صح وتمام يعني في
النهايه ما يتساوا اللي ذاكرت وتعبت واللي ما فتحت الكتاب واللي ذاكرت نص ونص
ما شالله شرحها جدا رائع وممتع مع اني اكره مواد العربي بس جد خلتني احبه واستنى حصتها
وانا على نار
على فكره انا عندها بنت ممتازه مؤدبه محترمه كمان .<<<<<<<<مغروره وبقوه كمان
ترا يابنات أنا ماقلتلكم كدا الا عشان اللي تبغى تساعدني تكون عارفه
وماأنكر يا بنات انها قالت اني من افضل البنات عندها
طولت عليكم بس لازم افضفضلكم لاني بصراحه معتبرتكم زي اخواتي باضبط ولو ماكنت معتبرتكم
ماكان قلتلكم شي وعلى فكره هي بس حتجلس عندنا الترم هدا شايفين العذاب كيف ؟؟؟
آآآآآآآه يا قلبي المهم هي اخده عني اني بنت مؤدبه ومحترمه ومتربيه والحمد لله انا في كل الصفات هدي
ومازلت بس خايفه اطيح من عينها ولا تهتز صورتي في نظرها زي ما قلتلكم احبها حب اخت لاختها
لا اكثر ولا اقل وما بغاها تفهمني غلط ....................
المهم : دحين قلتلكم السالفه من اولها لاخرها
المطلوب ::
كيف اخليها تحس بمشاعري تجاهها من غير ما تهتز صورتي في نظرها
وكمان في آخر يوم من ايام المراجعه ودي اعطيها رقم جوالي بس بطريقه حلوه ومن دون ماتحرجني
أنا فكرت اني اطلب رقمها بس ممكن ما تبغى تعطي ارقامها للبنات واشياء زي كدا وانا عارفه
بس ما بغى الوم نفسي بعد ما تروح عشان كدا بعطيها رقمي وهي بكيفها يعني ادا حبت تتصل يا فرحتي
وادا ما حبت فهي براحتها صحيح اني خسرت انسان رائعه ما شاله الله يزيدها بس على الاقل فكيت نفسي
من الاحراج .
وعلى فكره تراي خجوله ما عرف اتكلم مع الابلات فما بالك مع الابله هدي بالذات
@@@@@@@@@@@@@@@@@@@@@@@@@@
اللي عندها اي حل الله يسعدكم تسعفني فيه بسرعه انتو عارفين ما بقي شي على نهاية الترم يا بنات
لا تتخلو عني الله يسعدكم
مستنيه ردودكم يا بنات بفارغ الصبر