عمتي اللي عقدتني تابعوا آخر تطورات قصتي

1. وبعدها ارسلت له هذي الرسالة الطويلة :

ياهلا فيكم
من هنا القصة كاملة للي ماقرأتها (( http://alfrasha.maktoob.com/alfrasha12/thread1469487/ ))
ولما صرت اسكت للعجوز وصارت تتمادى في كلامها تطور الموضوع انها تتهم ولدها قدامي (( http://alfrasha.maktoob.com/alfrasha12/thread1513937/ ))
الحمدلله لما طرحت موضوعي في المنتدى ما قصروا الأخوات نبهوني على أشياء المفروض ما اسكت عنها
واكتشفت بجد أن اهل زوجي مفسرين طيبتي ضعف ..
لذلك .. الحال هذا لازم يتغير ولا بقعد مظلومة طول حياتي
أول شي سويته .. صرت ادعي في كل صلاة وكل وقت .. واكثر من الاستغفار
وبعدين معاملتي مع عمتي ام زوجي زي ما هي .. احترام وتقدير
وخليت كل تفاهمي مع زوجي اللي يبغاله ضرب .. كيف ؟؟
اقولكم .. كيف ..
برسالة جوال
برسالة جوال طولها عشر صفحات قلت كل اللي في قلبي واشتكيت له بكل لباقة من أمه ..
طبعاً أنا خليتها رسالة جوال عشان اعرف اعبر وما اغلط على امه لو قلتها شفهي بروح فيها بعصب وبقعد اسب .. فقلت اكتب الكلام احسن وطبعاً ارسلتها له وهو رايق وشبعان <<< اهم شي
وهذي المحادثة بيني وبينه عالجوال ... وبعدها بتشوفون النتيجة :
أنا : حبيبي وش اكثر شي ندمت عليه في حياتك
هو : ولا شي ههه
أنا : الله يجعل هالضحكة دايمه يارب .. بس أنا اكثر شي ندمت عليه هو أني تزوجتك
هو : شكراً
هو : طيب ليش
أنا : بصراحة .. من العيب اني اقول طلع أمك من البيت .. واللي تقول طلع أمك هذي انسانة مش محترمة ..
لكن أنا بخرج من البيت واتركه لكم لأن الحياة فيه ماتدخل المزاج أبداً ..... اعطني حريتي اطلق يدايا (( كنت المح له بالطلاق ))
هو : ليش وش صار ؟
أنا : ماعاد اقدر اتحمل لسانها حتى لو مو قصدها شي .. أكثر من ألف مره ابغا ارد عليها بس اقول في نفسي هذي حرمه كبيره وأم زوجي ولازم نقدر وانطم
أنا : بعض الكلام كبير وبعضه كبير كبير .. حتى لو مزح عيب تقوله
هو : خلاص اذا جيت بشوف وش السالفة ..
أنا : أنا ما راح اتجادل معاها .. لأن الجدل مع هالانسانة الجاهلة اللي تفكيرها غير عنا ماراح يجيب نتيجه ..
(( هو دايماً يقول عن أمه معليش جاهله عشان كذا قلتها وانا ادري ماراح يزعل ))
أنا : وتراني قلت لوحده من اخواتك تقنعها تسافر مع اخوك ..
هو : ليش ؟
أنا : عشان تغير جو وتتونس مع عيالها .. مو هي دايماً عندنا بالبيت تقول طفش طفش
هو : عشان تغير جو .. ولا عشانك ؟
انا : وعشاني كمان ابغا اخذ راحتي بالبيت
هو : طيب عادي ليش مو ماخذه راحتك الحين؟
أنا : لا مو مرتاحه ... ابغا امشي عريانه بالبيت .. هذي وحده من الحاجات اللي ماتريحني فيها

وبعدها ارسلت له هذي الرسالة الطويلة :

أنا : أمك ياقلبي تقول أن أثاث البيت أصلاً مو لك .. كان لولدي ذيك الأيام وانتي ما جيتي إلا بعدين النصيب .. يعني خلاص فهمنا أنك كنت مملك وطلقت .. طيب وش الغرض من السالفة هذي اللي كل ما قفلناها انفتحت !! أنا مو جدار .. انا عندي احساس ومشاعر
وامس تقول لبناتها .. تعالوا معاي السوق نشوف لنا كنب جديد نحطه في بيتي ( قصدها بيتي أنا ) ونركب مطبخ جديد
أجل وين البيت الشرعي اللي شرطته عليك في وثيقة الزواج ويكون خاص فيني بدون محد يتدخل
وقبل كم يوم تقول أنك كنت تكلم بنات وتغازل قلت طيب أدري كل الشباب كذا والحين خلاص تزوج وعفا الله عما سلف .. قالت لا ما كان يختار إلا بنات محصنات على قولتها عشان الامراض .. كرهتني فيك غصب
ودايماً اسمعها تكلم ولدها اللي في مدينة ثانية تقول له لاتخلي زوجتك تضحك عليك وتخسر نفسك في الاسواق والتمشيات .. بصراحة أول مرة اشوف أم كذا يعني اللي يبسط أهله ويدلعهم خسارة ؟ أخاف تقول لك نفس الكلام وتصدقها أنت .!!
وبعدها قعدت انتظر رد منه <<<<<<<<<<<<<<<<< بس انفصل جواله ذاك الوقت اف
المهم رجع البيت .. وقابلته ولا كأني قلت له شي .. بس نظراته فهمت منها أنه متأثر وفاهم أن أمه لسانها طويل بزيادة ... وصار كل يوم يقول لها وش رايك تسافرين عند اخوي تغيرين جو ؟ ولا تروحين عن اخوي الثاني اكيد هو مشتاق لك بعد
بس زعلت منه مره وراحت تقول لبناتها اخوكم يبغا يطردني من البيت ... وجت الاتصالات من كل مكان ليش وليش وش السالفة ... قال انا ما قلت شي .. بس ابيها تتونس وتغير جو .. والمكان اللي ترتاحين فيه اقعدي فيه حتى لو عندي مرتاحه خلاص اقعدي <<<<<<<< اف لما قالها ارتفع ضغطي اهم شي راحة أمه وجع
قالت .. لا لا خلاص بسافر انتم تكرهوني ماتبغوني ادري اني مضيقه عليكم البيت خلاص بروح وبروح
وانا طول الوقت ساكته بس اتفرج فيهم .. وقمت المطبخ .. الا اسمعها تقول .. طالع زوجتك لما قلت بسافر فرحت حتى ما قالت اقعدي ولا حلفت عليّه .... قلت في نفسي واله ما اقول اقعدي كنت اقولها من اول وصدقتي ولصقتي فيني
المهم يابنات .. أن عمتي فهمت أننا ما نبغاها في البيت لا أنا ولا زوجي .. وشكلها شكلها بتروح عند أولادها الثانيين
يارب