عندي مشكلة مع زوجي ابي حل

1. أول مشكلة


2. الي تقراء القصه الأول ياليت تعلق المشكلة الثانيه

السلام عليكم ورحمة الله وبركاته
كل عام وانتم بخير يا فرشا ت
عندي مشكلة ولا ادري وش السبب هو مني ولا من زوجي او انا مو فاهمه مفهية وياليت البنات الي يقرون هالموضوع
يساعدوني بس قبل كل شي ياليت الي تقرا تكمل القصه للأخر .
طبعا قبل أبداء انا وزوجي في مشاكل علي طول وبذكر لكم مشكلتين من المشاكل وهي

أول مشكلة

كان زوجي من فترة يحن علي نسافر للأمارات او أي مكان الاهم نسافر انا قلت لا قال بسافر قلت لا وليس ومن هالحكي المهم الرجال اخوان فاله جاني يوم من الايام وقال انا بروح لمكة انا وربعي قلت بروح معاك قال لا انا بروحي مع ربعي طبعا هو قبل كان يحن علي خلينا نروح لمكة بس انا اقول بعيد وبناتي وغيرها
المهم راح سافر للامارات ودق علي من جوال خوية لكون جواله مو دولي انا بصراحه قلق كل شوي ادق ردي علي وقالي فضحتيني لا تدقين انا ابي ادق عليكم في اليوم مرتين لا تدقون الجوال مع خويي المهم انا بصراحه ما سمعت الكلام صرت ادق علي طول وكان كل شوي يقول في الحرم رحنا المدينة في اليوم الثاني المهم يوم جاء اليوم الثالث او أرابع قال دق جواله قلت ياسلم وشلون يدق وانت تقول ضاع قال انا توني داخل السعودية جنت جنوني وحقد عليه ودقيت عليه وصار بينا نقاش حاد وسكر الجوال في وجهي وقال معي رجال فضحتيني يا بنت الناس اذا جيت البيت نتفاهم وقفل الجوال انا قمت ودقيت علي جوال خوية ورد علي ودق علي من جواله وقال انتي وش تبين وراك تدقين علي جوال خويي يا بنت الناس قلت له ما دقيت قال وتكذبين الجوال في يدي وخويه نايم ارتفع ضغطه وهو كان يسوق السيارة مانام لليل وكان مسرع يبي يوصل خايف يصحي خويه انا وادق وهددني بطلاق فضحتيني يا بنت الناس وصل البيت ودخل وقال وشلون يا عيوني جبت لك هدية شنطه ومكياج وليس تسوي فيني كذا عيب عليك حضني ورحنا في البيباي رغم كل الي سويته فيه انتهاء ونسي

الي تقراء القصه الأول ياليت تعلق المشكلة الثانيه

رجع من العمل دقيت عليه قبل يرجع من العمل قلت له تبي شي يا حياتي قال لا ياعيوني نامي ورتاحي انا توني مفطر طبعا انا اكلمه وانا نايمة علي السرير رجع من العمل وهو ونام جيت اصحيه لصلاة العصر قلت له قم صل انت مو من اهل المسجد قعد وصلي ورجع نام رجعت له المغرب قلت له قم صل الناس صلو وانت نايم قعد وصل المغرب وجلس عندي في الصالة قلت له تقهوا قال تعبان ومالي خلق للقهواه قلت له انت بصراحه تطفش الجلسه معاك قام وقعد وقال صبي قهوه بس علي فكره تري مالي نفس قلت له شوف لي الشبابك صلحه ولا بكلم امك تكلم اخوك يسويه ناظر فيني وسكت قلت له رح جبت أغراض علشان بكره رمضان لايذبحني انا وبناتي الجوع ولا ودني أهلي ناظر فيني وقال روحي لمك كلي عندها انتي ما تفهمين انتي انسانه متخلفه وقعد يشخط فيني كلام قوي مره لدرجة انه قال اقسم بالله اذا ما عقلتي لطلقك تري مليت هذي مو عيشه ملل شكاكه حالتك حاله ما تقدرين انتهينا
طبعا بقولك برنامجه اليومي
يرجع من الدوام يقعد المغرب يتقهوا معي نسولف نطلع أي شي الساعة 11 في لليل يروح للاستراحة يرجع الساعة 1 بالليل
برنامجي انا خلود
بصراحه انا مالبس له ملابس غير دراعه بس وقميص عايدي واذا لبس شي للنوم ما طلع قدامه خير شر كل شي في الغرفه وهو يقولي وشفيك تستحين واذا سولفنا لابد تصير مشكلة
الكلام كثير والمشاكل كل يوم هو مطنشني ما يحب ينام معي يعني متزوجة ولكن ما اشوف شي