عندي مناسبة أبس أفكار لها

حبيبتي أنا أول ذكرى لزواجنا كنت حاطه خطه ايش اسوي من حركات وغيرها
بس للأسف ما سويت شيء من اللي كان في بالي
لسبب ما
اكتشفت في نفس يوم ذكرى زواجي أني حامل
وصارت أحلى مفاجئه لزوجي
حبيبتي أكيد البنات ماراح يقصرون وراح يكتبون تجاربهم

الله يوفقك يابنوته صغيرة ويثبتلك حملك ورزقني وإياك الذرية الصالحه
شكرا لردك غاليتي..بس لو تقولين لنا شيء من الخطة حتى لو مانفذتيها ممكن غيرك يستفيد،،

شرايج تعزمينه على مطعم فاخرِ..على احسابج..و اتسوين له هديه حلوه مثلاً ( ساعه أو قلم أو اتفصلين له كندوره بدون ما يعرف و اتغلفينهم بشكل جميل..
بس بقولج شي..خليج آخر من يطلع من الغرفه..و جهزي بعض الورود الجوريه..و انزعيها عشان تطلع وايد..أو اشتري صناعي..
و انثريه على السرير...و حطي شمووع على جوانب السرير و الممر ..
و لما ترجعون من المطعم..شعليهم..
و اذا بودك اتسوونها بفندق..
خليه يروح يجيب عشا...عقب ماتحجزون بس بدون مايدري حطي الافكار اللي قلتلج عليها في غرفة الفندق..
و على طاولة الفندق حطي كذا شمعه فيها ريحه..
طبعا لاتنسين الكشخه و المكياج الحلو...
و الاغراء..
و شكرا

تسلمين حبيبتي..
بالنسبة للهدية ممكن اخليها بعد بإسبوع.. لأنه مايجوز تخصصين يوم بالسنة معين للهدايا..فأمر الهديه ياايكون قبل مثلا بتاريخ ملكتنا.. وليلة خاصة فينا يوم زواجنا..
والسنة الي بعدها أسوي العكس.. بتاريخ الملكة تكون لليلة المميزة.. وببيوم العرس تكون الهدية,, أغير شوي..حسب الظروف لأن تاريخ ملكتي بيصادف إختبارات نهائيه لي.. فبغلف الهدية واكتب له اني مانسيته رغم مشاغلي وإختباراتي..
وبعدها بشههرين بيصادف تاريخ زواجنا..

ياليت الكل يشاارك؟؟

روحي السوق واشتري الهديه....وبنفس اليوم روحي الصالون وسوي شعرج مع الميك اب.....
احجزي الكيكه قبل بيووم....وروحي مطعم او الاحلى بالبيت....اطلبي اكل من مطعم حلو وزيني بيتج وحطي الورود والشموع والكلمات الرومانسيه ولا تنسين هدومج الحلوه والمغريه سواء هدوم عاديه او قميص نوم طبعاا واهو الاحلى.....وتعطري ترا العطر دوره كبير..
واذا كان عندك عيال خليه مع امج وخواتج...
والكثير في المنتدى من الموضوعات الي يعرضونها البنات ما يقصرون.
ان شاء الله تعجبج الفكره..
تحياتي
ام شهد

شكرا لك أم شهد وماعندي أطفال هذا أول سنة زواج تمر علي
قريت كثيير بس أبي جديد!!

انا يوم كملت شهر وش سويت...
جبت اللمبات من بو ريالين اللي تولع وتصكر وعلقتها كأنها حبل غسيل في الغرفة وجبت الملقاط اللي حق الهدوم إذا غسليتهم ..
وعلقت صور زواجنا كأنهم ملابس منشورين
وسويت مسار من الغرفة اللي فيها العشاء الى السرير باللمبات ونثرت في الوسط روز قطعته ونثرته والجلسة سويت فيها كروت صغيرة كتبت فيها أشياء أبغى من زوجي يجاوبني عليها طبعا بكل رومانسية
وبعضها طلبات يسويها المهم وقدمت له الهدية وكنت جايبة عشى صيني وتعشينا وطبعا ماكلنا الكيك بس كنت حاطه تشيز كيك وشموع وميوزك سلو وبس.

ههه حلوه فكرتج يا غيووم..ذكرتيني بالشارع الامريكي اللي كله اضواء..
بس فكرتج اتجنن..
و ممكن بعد اتيبين طاوله و تفرشين فيها فرش احمر.. و الكراسي تربطين فيها شرايط ذهبيه..
و ممكن اتحطين فوق الطاوله كذا ظرف و تسألين زوجج كذا سؤال..؟؟
مثل شو شعورك فاليوم اللي تزوجنا فيه و بهل المناسبه ؟
شكثر صار لك اتحبني..؟ من اول ماعرفتني..؟
و يعني انتي الفي عاد..