غدانا المتواضع أنا وحبيبي حيآكم

السلام عليكم
كيفكم فراشات..؟
دايم أشوفكم من بعيد وأشوف طبخاتكم وأطبق بس ما أصور
وهالمره قلت بلا كسل وصوري طبخك يا تعوبه
هذا غدانا المتواضع أنا وزوجي
وهو عبارة عن صينية خضار باللحمة المفرومة والجبنة والبقسماط
( طبقته من كتاب النخبة ) >> مع بعض الإضافات
مع رز أبيض .. وسلطة الخيار باللبن .. وحلى كاسات القرفه والجالكسي
أول شي حطي بصل بزيت إلى أن يذبل وأضيفي الثوم واللحمة المفرومة
بعدها أضيفي الخضار ( كوسة وبطاطس وجزر وفلفل رومي يقطع مكعبات وذرة وبازلا )
ونص حبة ماجي ( نص بس عشان لا يطلع مالح مع الجبنة )
وبهارات مشكلة ملعقة صغيرة .. وخليها تطبخ شوي وحطي عليها كاسة موية واتركيها
بعد 20 دقيقه تقريبا تكون نضجت الخضار والموية نشفت ..
حطي 3 ملاعق كبيره كاتشب وحركي الخليط
وأسكبيه بصينية بايرركس زي كذا
بعدين حطي 3 ملاعق كبيره جبنة سايلة بصحن وخففيها بشوية مويه وغطي فيها الخضار
بعدها حطي الجبنة تشدر ونرش عليها بقسماط بالمصفاة
وندخلها الفرن إلى أن تسيح الجبنة ويتشقر البقسماط
وما ننسى السلطة
وهذا الصحن لأول وحده ترد
جربوها من جد لزيزه ..
أبغى تشجيع وردود ..
فمان الله