غرفة شاب

بدينا بالجد
بدايتها كانت فله وسعه صدر بعد ماخلصت الجدارين الي باللون الاخضر
بديت بالجدارين الباقيه والي عليها الكلام والتعب
مع الوقت بدأت اللخبطه والبويه لماتخرب وتخش من تحت اللزق
خاصه اللون الاسود لنه ثقيل
وصرت اشتغل بالفرشه الصغيره لما يصر لي مشكله
واللزق مافكه الا لما ينشف العمود بعدين اضرب العمود الي جنبه
مدري عاد بتفهموا شلون كنت اشتغل الخطوط كانت عشوائيه وحاولت اني ما أكثر اللون الاسود وعطيه عمود كبير عشان لايكثر ويصير كئيب
نلعب
بدينا باللون القلق الاسود تعبني مره بصراحه .. راح تشوفونه بالاخير لما اكتمل الجدار
شوفوا كيف كئيب
خلصت الجدار الأول ويوم جيت للجدار الثاني وانا ماعاد فيني حيل
فكرت وجت ببالي فكره اسهل وأحلى وقلت مادام الجدار هذا فيه بيكون التي في + ان فيه جهة الباب
مايحتاج اسويه مثل الي مقابله وفكرته اسوي من اليمين 3 أعمده طالعه من تحت
ومن اليسار 3 أعمده نازله من فوق
كذا بس لسى ماكملت راح تشوفون وش سويت
هذا الجدار الأول بعد ما اكتمل وحطيت السرير ورجعت الدولاب
وهذا الجدار الي فكرته جت بالوقت الضائع بس ماطلع خساره هنا بعد ما اكتمل
كذا تقريباً خلصنا وكل شي بالنسبه للبويه طبعاً في شي مدري إنتبهتوا له ولا لا
الدولاب والسرير كان فيهم لون اخضر غامق ضربته بويه سودا
والي عليه التي في بعد ضربته بويه ( كان رفوف للكتب ) ولونه بيج نفس لون الدولاب
طبعاً شريت فرشه للأرضيه( 250 ريال ) وإضاءات من ايكيا ( 130 ريال )
2 بالسقف ووحده قاعده بالارض ولوحات لزوم الاعمده الي سويتها ( 100 ريال )
والستاره الي للحين مو مقتنع فيها كلفني العازل ( 100 ريال )
والستاره الخيوط ( 60 ريال )
هذي نهاية شغلي بغرفتي ما شاء الله
والشغل أخذ من وقتي يوم واحد بس
حتى شوفوا اللوحه الي جنب المكيف طبعت إيدي بالبويه الخضرا والاسود على لوحة قماش
وحتى الجره ضربناها بويه لو مامسكوني اهلي ضربت نفسي بويه
وكل الي كلفني بتعديل الغرفه ( 850 ريال فقط ) + شغل إيدي
ما أخفي عليكم يمكن ماتميزت ببعض التفاصيل الي تكون لازم متوفره بغرفه النوم
بس إنتوا عارفين ألزم ماعلى الولد فراشه وراحته والغرفه صغيره !!
والي سويته مجرد تغيير جو وتضييع وقت وبنفس الوقت توفير فلوس
وحبيت يكون كل شي بيدي وبتفكيري << ذليتهم بذا الشي
منقول من ايميلي

مره نايس الغرفه سارت تفتح النفس
مشكوره يا عسل و ربي يعطيك الف عافيه

ماشاء الله تبارك الله عليه
فكر وابدع مو مثل اخواني غرفهم تسد النفس .,
يعطيك العافيه ياعسل .,

يعطيك العافيه ...
مره روعه وربي مره تجنن وذوق ...
خطير هالولد هع

ما شاء الله
والله مبدع وفنان

أبداع

رؤوعه تسلمين

مو معقول صراحه شيء خرافي
هذا بيصير محترف ماشاء الله الله لايضره
الفضوه وماتسوي ...
تشكرين ع النقل ياقمر

والله ماشالله عليه مره روعه
لو اصرف بنتي اسبوع ثاني اشغل انا ورجلي على البيت ونخلصه ههه
مره شيي
تسلميين على النقل الرائع