غمرة الو حركات بالتفصيل الممل

1. لكن بالنسبة لباقي خدماتها الصراحة كانت رائعة والكل مدحها ..

مرحبا ياصبايا ..
هادي من المرات النادرة اللي اكتب فيها مواضيع بالعادة اشارك بس >>>> اخلصي علينا
المهم ياحبيباتي جبت لكم تفاصيل الغمرة ، وان شاء الله اعملكم تقرير يرضيكم ياحلوات
خلينا نبدأ بالقاعة (مأدبتي للاحتفالات) جدة - التحلية بجانب شقق بودل
صورة للمدخل
صورة اخرى للمدخل
صورة للكوشة من بروشور القاعة
اللون الغالب في الغمرة كان الأحمر والذهبي ومأخوذ من الوان فستاني
صورة لكوشتي المغربية ... اخترتها بسيطة بدون اي زحمة لأن في ركن خاص بالضيافة
الباب اللي يدخل على البوفيه
ركن الضيافة المغربية ( طبعا هادا قبل التعبئة ) وللاسف الشديد ما عندي صورة له بعد التعبية
توزيعات الغمرة كانت موجودة داخل هالصندوق النحاسي اللي يشبه قدر الطاجن الكبير
للآسف اخواتي ما اخذوا صور للتوزيعات بالداخل لكن كانت داخل الصندوق وبعد الزفة
المغربية والضيافة وزعوها بنات العائلة 2 شالوا كل قدر واثنين وزعوا
التوزيعات كانت 3 انواع
مرشات ماء ورد
نماذج مصغرة للاتريك
مرايا
وصلنا القاعة الساعة 3 الظهر واستقبلتنا مدام نور مديرة القاعة وهي انساانة رائعة وخدومة و مريحة جدا سورية الجنسية .
الساعة 3.30 دقيقة كان موعدنا مع منسقة الليلة المغربية من مؤسسة مراكش الحمراء
كانت مسؤولة الاستقبال و الضيافة والزفة واللبس و اللاكسسوار ، كانت في القاعة لتنسيق
الكوشة وترتيب طاولة الضيافة .. في ملاحظة يا عرايس : كانت خدمات المؤسسة ممتازة جدا في خدماتهم الأساية اللي هي الباكج المغربي لكن انصحكم تعملوا التسريحة والميك اب عند اي كوافيرة ترتاحوا لها او تعرفوها .. ممكن تسئلوا منسقة الباكج كيف لازم تكون تسريحتكم وشعركم للكن ما انصحكم بالتعامل معها في المكياج والشعر لأنه هب مجالها ممتازة لكن في موضوع المكياج والتسريحة 6 من 10 ، هي اتوترت و وترتنا معاها لأنها اتلهت عن مهمتها الأساسية

لكن بالنسبة لباقي خدماتها الصراحة كانت رائعة والكل مدحها ..

بالنسبة للبسي بدأت تلبسني قبل الزفة ب 20 دقيقة - زفتي كانت الساعة 12- لبست فستان احمر مطرز بالذهبي و اكسسوار ذهب بالكامل عبارة عن ( تاج - برقع بخيوط - سلسال لولو عرييض - سلسال ذهبي كبير - 2 بروش ذهبي - حلقان ذهبية) و اخذت كعب ذهبي (أعزكم الله) لتكملة الطقم وركبت على هودج ذهبي كبير شالوه 6 سيدات ودخلت على زفة فدوى المالكة العروس ، فتحوا الباب و سحبوا الهودج على الأرض بهدوء لأن سقف القاعة واطي والهودج مرتفع سقفه فسحبوا لما بداية الصالة بعدين فكوا سقف الهودج و شالوني و رقصوا الهودج وانا فوقه وطبعا انا حالي صار كدا متمسكة بالهودج و مرعوبة بس صامدة
ظلوا يرقصو بالهودج طول الزفو 5 دقايق و نزلوني و أخذوني من يدي وجلسوني بالكوشة و عملوا استعراض على اغنية تانية مغربية ، خلصت والضيافة
ورقصوا ماما و اخواتي معاهم ، بعدين حيوني و سلموا على امي وام زوجي و اخواتي و بعض القرايب وبعدين عملوا زفة للضيافة والشاي المغربي
الضيافة كانت عبارة عن 5 انواع من الحلا المغربي (قالت لي اسمائها بس نسيتها للأسف) مع الشاي المغربي والضيوف حبوها جدا ، بعد الزفة وزعوا الحلا والشاي ورجعوا الباقي على الطاولة علي اساس اللي يبغي يرجع ياخذ من الطاولة براحته
بعد كدا استلموا الأهل الجو و رقصوا شعبي والبنات اتونسوا لأن الكل كان لابس لبس تقليدي
طبعا بالأول رقصوا شوي بعدين اتعشوا و كملوا رقص بعدها
انا ضليت من 12 الى 3 وبعد كدا شلت نفسي وطلعت غرفتي وانا ميته جوع أكلت و ظليت فوق لما خرجنا من القاعة 4 ونص تقريبا ..
كانت ليلة جميلة الحمدلله بتوفيق من ربي اولا و بمساعدة الأهل والمعارف ثانيا و كمان بدعواتكم بالغاليات وعقبال الفرح .. عن جد حسيت هم وانزاح والله
هاي كل المعلومات اللي وعدتكم بيها واللي عندها اي سؤال حياكم انا بالخدمة