غيبة الزوج لمده طويله شلون تستقبلينه

الله يقر عينك برجعته وبالنسبة لاستقباله حاولى تغيرين اللي تقدرين عليه سواءا بشكلك كلون الشعر والقصة والميك اب وحتى الملابس البسى شى غريب عليه سواءا باللون او الموديل وممكن تلبسين قميص ليلة العمر كانك مالبستيه بمناسبة قبل كذا وبالنسبة للغرفة احرصي تغيرين الوان جديدة للمفرش والابجورات والشموع وجيبي له هدية حلوة واحرصى تكون جديده عليه يعني مااهديتيه مثلها قبل ( انا ماادري وش اهديتيه قبل بجميع مناسباتكم قولى لى عشان اذكر لك هدايا يمكن ماجت على بالك وكم سنة صار لك متزوجة وهل هذى اول مره يسافر سفرة طويلة وهل انت معودته على الحركات لان فيه فرق بين اللي متعود والي ماتعود واسمحي لي اختى على الاسئلة عشان اقدر افيدك واذا ماتبين تجاوبين على راحتك ) واذا حبيتي افصل لك شئ من اللي ذكرت انا جاهزة حسب ظروفي ولو ترجعين للموضوع حق الليالي الرومانسية ترى البنات ماقصروا

اول شيء حبيبتي جزاك الله خير للرد
شوفي يالغاليه زوجي يدرس بره يعني ما يجي الا بالعطل ....... لي الحين سنتين ونصف السنه متزوجه
كنت اغير بقصة شعري وبلبسي يعني مره جنزات مرات بدلات مرات قمصان يعني كنوع من التغير
كنت اغير بالشرشف مال الفراش واغير بعض قطع الاكسسوارات الموجوده بالمنزل عموما ... مره غيرت من قطع السجاد في البيت ومفارش الطاولات ......... بس حابه شغلات جديده قلت ماشالله اشوفكم مبدعات فحبيت استفيد من هالافكار الحلوه
بالنسبه للهدايا الي قدمتها من قبل ..... قدمتله كم مره عطورات شرقيه هو يحبها حيل بس كنت كل مره اغير من نوعها وطريقه تقديمها ........ مره اهديته شماغ من الموديلات الجديده ومعاها مسباح ......... مره اهديته بخور بعلبه بس كان شكلها يجنن .... بس اغلب الهدايا كانت دهن عود ومجموعات شرقيه لاني ادري انه يحبها
حبيبتي انا ناويه اقص شعري بطريقه مختلفه هالمره ....... يعني فعلا نيولوك مثل ما يقولون ..... بس ودي بافكار حلوه غير الشرشف الجديد والشموع الجديده ........ ابي فكره تنسيه كل غيبته عني لاني من مكالماته احس انه فعلا تعبان من الغربه :(
تكفين يالغاليه فكري معي
وانتو يالفراشات تكفون ابي مساعدتكم

افا يالفراشات
ما هقيت انكم ما تردون علي ؟؟؟؟
الله يسامحكم

مشكورين علي الردود الجميله

حبيبتي.... مادام زوجك يحب العطورات الشرقية فيه عطر عند ( اجمل ) اسمه (مخلط دهن العود معتق ) فيه منه بخاخ ودهن مركز وانا شريت البخاخ احسه افضل واسهل استخدام وسعره الان 300 ريال وريحته غير عن دهن العود العادي لانه مع اضافات وانا حاسة انه بيعجبكم لان كل ماعلمت احد عنه يعجبه وزوجي يحب الشرقي كثير وهو اللي شراه وفيه عطر ثاني عند ( كلوني) اسمه (temperament) ريحته على ليمون تقريبا ومع انه فرنسي لكن ممتاز مع البخور ويثبته ويعجب الرجال مع البخور وسعره اظن 99 او119 ريال وطبعا غير العطورات والساعات والاقلام والمداليات ممكن تفصلين له ثوب شتوي مع الجزمة (الله يكرمك ) من باب التجديد او حتى تشترين له لبس للبيت او للنوم وغلفيه تغليف حلو وقدمي مع الهدية تجراف حلو واكتبي بخط يدك خواطر وابيات شعر غزلية بكل صفحة خاطرة واحدة او بيت وممكن بين الصفحات تضعين بطاقات حب واطبعي شفايفك وفي اول صفحة ضعي بطاقة زواجكم او صورة زواجكم والتجراف حلو عشان ياخذه معه اذا بيسافر وفيه فكرة ان شاء الله تعجبك تتعلق بالتغليف وبلبسك بس بكتبها بعد ماصلي ... وبالتوفيق حبيبتى.

بستقبلة في الفراش

هلا بنم نم
نصيحتي لك , كل مرة تتفننين باستقباله خلي هذه المرة غير , سوي بيه مقلب من مقالبه الي يعملها فيك .
واريد اسألك انت عندما يرجع تكونين ببيتك الاّ عند اهلك , اذا ببيتك الج عندي خطة جهنمية

يعطيك العافيه اختي ناعمة وبس ان شالله بروح لاجمل وبشتريه له وبعد لي انا لاني اموت بدهن العود
جزاك الله خير لمشاركتك وكلماتك الحلوه

نداوي
انا بستقبله بالبيت يالله قوليلي فكرتك
انتظرك على احر من جمر انا عارفه حركاتك
بتوقف قلب زوجي ............