غيري تفكيرك من الداخل يتغير جسمك من الخارج

السلام عليكم ورحمة الله وبركاته
كيفكم يافراشات ان شاء الله تمام
ب صراحه انا ما ادري من وين ابتدي من تجاربي مع الرجيم ولا من تجربتي مع تغيير تفكيري وحاجاتي
لكن خلوني ابتدي معاكم بالتجارب لاني منها احبطت وبعدين استفدت وبعدين غيرت نفسي من الداخل وصولا بالخارج
انا ما خليت رجيم بالدنيا ما سويته(((الا رجيم البروتين خ سقط سهوا ما جربته )
اكلت فاكهه بس مانفع اكلت رز بس مانفع واكلت واكلت واكلت الى اخر شي قبل يمكن شهر سويت رجيم التمر واللبن وكان مع قروب اللون الازرق مع تغريد والقلب حديد الله يذكرهم بالخير بس ما استمريت لاني حسيت باحباط شديد وبصراحه اخذت عهد على نفسي اني ما اعذب نفسي زياده
ووقفت وقفه مصارحه وقمت اسال نفسي الاسئله اللي تطري على باللي كل يوم بس هالمره جاوبت عليها وبامانه
اللي هي هو جسمي يعجبني ويعجب زوجي؟
هو انا راضيه عن نفسي كذا؟ولا اضحك على حالي واقول جسمي حلو؟
هولو لبست شي ضيق واسترتش هو راح يكون شعوري زين وقتها ولا اكذب على حالي واللبس المشدات الفلانيه عشان اطلع سنبتيك؟
هو انا فعلا الاكل يستاهل اني اكله بكميه كبيره حتى لو ما كنت جوعانه؟
وبعد اجابتي اللي كانت بشكل قطعي ( لا ) ا تخذت قرار اني اعدل في نفسي
وبعدين طرحت سؤال مهم جدا هو الى متى احارب عشان فمي لا اسكه؟
في تاريخ 8-7-1431ه بدت البدايه الحازمه
اولا: اشتريت اكواب المقادير اللي يقدرون فيها الاجانب في التلفزيون واخذت مقاس نصف كوب وصرت اخليه مقاس اكلي ولا ازيد عنه ملعقه وحده
ثانيا: محدده مواعيد وجباتي الغداء الساعه 2 والعشاء الساعه 8 والفطور 10
ثالثا: اللبس شورت السونا الحراري واللعب رياضه لمده نصف ساعه يوميا
رابعا: اكل فواكه وانا محدده وقت لها الساعه 5 واحيانا تخليني الشبع ولا اكل واجد على العشاء
خامسا: من بعد الساعه 8 اتوقف عن الاكل نهائيا واشرب الماء والشاي الاخضر
سادسا:اذا طرا ببالي شكولاته او غازيات او شبس اخذ كميه قليله جدا مثلا قطعه البسكويت اقسمها نصفين واللببسي اشرب مقدار فنجان او فنجان ونصف والشبس اكل نصفه والباقي اخبيه عشان انساه ولا تذكرته يكون عندي بس بكميه قليله
سابعا: اقيس وزني مره بالاسبوع عشان ما اصاب بالحباط
وبكذا اكون اكل اللي ابيه ويتعدل جسمي من غير حرمان
والله يابنات تعدل جسمي رغم اني ما نقصت على ميزان الا اثنين كيلو بس والله والله والله ياالزنود اللي كانت واضحه عندي بدت تنزل وتخف والسليوليت بدا يخف بشكل كبير
وانا عندي كتاب رجيم يقول لا تجعلين الميزان هو قياس للوزن بل اجعلي من المتر قياس له
وبكذا اكون افدتكم بتجربتي اللي يمكن اكون افيد فيها غير ونفسي باذن الله
( اهي اهي احسها قصه مؤثره مو سالفه رجيم خ)
ادعولي اني استمر وربي يثبتني بعقلي الجديد واستمر وادعولي اني انحف بخير وانتو الله ينحفكم بخير امين يارب