فراشات افيدوني جزيتم خيرا التلقيح الصناعي

حياك عزيزتي والله يرزقك ويرزق خالتك ويرزقني وجميع المحرومآت يارب
بالنسبه للتلقيح أنا سويته الأسبوع اللي فات
وبقولك اللي سويته بالضبط
أول شي عطاني الدكتور كلوميد
وبعدها ابر تنشيط بعد ابر التنشيط كشف علي
وقال خلاص اليوم خذي ابره تفجيريه وتعالي بعد بكرا نسوي لك التلقيح
والعمليه كانت سهله الحمد لله يعني ألم بسيط جداً .. وبعدها خلاني مدة ربع ساعه
على ظهري ماتحركت وبعدها طلعت عآدي من المستشفى ... وحرصاً مني أنا رحت البيت
وماتحركت كل اليوم اللي سويت فيه التلقيح .. وبعدها عآدي صرت أطلع عآدي
وقالي الدكتور بعد اسبوعين تعالي حللي ونشوف اذا فيه حمل أو لا .. ونسبة نجاح العمليه
40 الى 50 بالميه .. وأعرف بنات نجحت معهم من أول مره و فيه اللي نجحت معه ثاني مره
وبالنسبه للتكاليف يختلفون .. أنا كلفتني تقريباً 1000 ريال
ويارب أكون أفدتكم
وتنجح عمليتي وأكون حآآآمل ويررزقني ويرزقك ويرزق خالتك
وكل محرومه يفرح قلبها ياكريم
.
.

الله يعطيج العافيه احاسيس خجوله وان شاء الله تكونين حامل يارب
واتمنى من الاخوات يفيدوني

الله يرزق خالتج و يرزقني
انا جربتها مره لكن ما نجحت والحمدلله على كل حال
1- كيفية عمل التلقيح
أقرأي عنها فيه مواضيع تتكلم بالتفصيل عنها
2 - هل هو يألم
لا ان شاء الله ما فيه الم .. بس خفيف
3- كم تكلفتها
بالكويت سويتها ب 90 دينار
4- هل ممكن انها تنجح من اول مره
اي ممكن ... الله اعلم
5- وهل يوجد فراشه منكم سوتها ونجحت
ما نجحت معاي بس ان شاء الله ارد اسويها يمكن
6- شنو الاشياء اللي لازم تبعد عنها بعد ما تسوي التلقيح ( يعني هل تلزم الفراش او انها ما تتحرك كثير خاصتن ان خالتي تدرس في الكليه وتعرفون درج الكليه ومن محاضره الى محاضره )
الدكتور كان قايل لي عادي تمارسين حياتج الطبيعيه
لكن لا تشيل اشياء ثقيله ولا تتعب نفسها
7- هل تنصحونها انها تاخذ اجازه عن الكليه بالفتره اللي تسوي فيها تلقيح وكم مده الاجازه
الاحسن تسأل دكتورها و هو ينصحها تأخذ اجازه او لا
الله يرزقها و يرزقني

حبيبتي الله يرزق خالتج ويرزقنا جميعا بالذريه الصالحه في القريب العاجل
انا هالشهر راح تكون اول تجربه تلقيح صناعي بالنسبه لي وان شاءالله تضبط
ويمكن اقدر ارد عليج لاني قريت وايد عنها وسالت عنها وسالت الدكتور
لازم ياحبيبتي الوحده اذا بتسوي شي تعرف عنه ادق التفاصيل وهاذا جزء مهم
التلقيح الصناعي نسبه نجاحه 30 الى 40 بالميه وكله بيد ربج اذا اراد الحمل بتنجح واذا ماراد ماتنجح
انا لي صديقات وناس اعرفهم سوو تلقيح وحملو ماشاءالله من اول مره والحين ورى بعض يابو يهال ماشاءالله
بالنسبه للالم اهي غير مؤلمه على حسب كلام المجربين وكلام الدكتور واهي عباره عن انبوب قسطره بلاستيكي رفيع داخله خلاصه السائل المنوي وهلشي يقصر على الحيوانات المنويه الطريج ويسهل الوصول
بالنسبه للنوم عالظهر والراحه نص ساعه وبعدها تمارسين حياتج بس الواحد ينتبه مايجهد نفسه
واذا سويتها راح اقولج عالتفاصيل كلها

انا شكلي بسويهاا لان زوجي عنده ضعف وقله بالعدد

للرفع حتى تفيدوني وتفيدون الفراشات

مشكوره اختي ( انا حبيبت زوجي )لان ني اناكمان محتاجه جداً لهالموضوع
وابغى اعرف اذا كانت الوحده سليمه وزوجها يعاني من قلت العدد والحركه في
الحيوانات المنويه ينفع معها التلقيح الصناعي ارجوكم افيدوني .......
والله يرزقنا والجميع الذريه الصالحه.............ي ارب

يا أخواتي انا جربت التلقيح الصناعي مرة وما نجح الحمد لله على كل حال بس المفروض التلقيح الصناعي لازم يتكرر أقل شئ أربع مرات بس أنا ما جربت أعيده
والأفضل للي أزواجهم عندهم مشكلة في العدد الأفضل الحقن المجهري