فراشات مخطوبات ابي منكم مساعده

مايخالف هذا خطيبك وشوي شوي الحياء بيروح
اول شي ارسلي مسجات حب وغرام
وبلغيه انك تستحين وانك ماتتكلمين لان الحياء يغلب عليك وهو ان كان يحبك بيراعي مشاعرك وبيتفهم موقفك
والله يوفقك ويهنيك ياررب وعلى فكرة الرجال يحبون البنت اللي تستحي بس خليك عاديه شوي حاولي تتغلبين على الحياء اللي فيك

هلا يا الغالية مشكلتك نفس مشكلتي أني أستحي وما أعرف اشلون أرد عليه ولما أصك أطرش له مسج رغم هو دوم يحسبني مضايقة والكل يعاتبني لأني مقصره معاه رغم والله حاولت بس بعدني ما قدرت أتغلب على الحيا اللي فيني رغم هو صار زوجي وصار لنا مالجين تقريبا شهرين ومن القهر صرت أحس عمري اني ناقصه بس هو يقعد يضحك لما أقول له جدي يقول عادي موا مضايق أنا بس الأهم يا الغالية خليج طبيعية معاه علشان يعرف طبعج ومع الأيام راح يقدر يغيرج لأنه هو بنفسه وبأسلوبه صار يطلع مني الكلام رغم بالبداية كنت أسكت بس طبعا هو أكثر شيء يسولف ويتغزل لأني أنا ساكته ههه أنا لو تكلمت بس أهاوش ولا يكون في شيء موا عاجبني لدرجة مرة قال أنا محتار فيج مرة دلع ومرة يمه أخاف منج بس صدقيني التغير يعجبهم كثير بس السكوت يذبحهم اسألين أنا مجربه والله يوفقج يارب طول العمر وأي شيء تبينه حاضرين لج وسوري طولت عليكم..
أختج
ساحرة القلوب

والله حبيبتي انا مع كلام الاخوات المسأله مسألة حياء وشوي شوي بتروح
لكن ودي اسأل سؤال ويمكن يكون شخصي(اذا تسمحين طبعا)
ليش امك تعصب عليك اصلا وش عرفها باللي بينكم ... شوفي قلبي نصحيه اذا انتي من النوع اللي يخبر اهله بكل صغير وكبيره وياريت انك تتخلصين من الشي هذا لان علاقتك الجايه مع الشاب هذا هذي علاقه زواج يعني اسره يعني اسرار و واجب عليك الحفاظ عليها خصوصا اللي يدور بينك انتي وياه...
اوكي نرجع لمسألة الحياء شوفي قلبي تصرفي مع بتلقائيه يعني خلك على طبيعتك وانا عن نفسي قليل ما كنا في البدايه نتطرق لامور الحب والغرام والعشق.......... لا حبيبتي انا في بداية كلامي معاه كاننا صديقات يعني نحكي عن كل شي الدوام والدراسه(يعني تطلع كلامات حب في النص بس من جد كنت اتوهق واستحي وهو كان يفرح انه يشوفني خجلانه) وشوي شوي تعودت عليه وبعدين خلاص صارت علاقتنا اقوى من كلمه حب تنقال لان صار صديقي وزوجي وكل شي
فنصيحتي لك جيبيها على شوي شوي وخلي الامور تمشي مثل ما هو يحب وبس.............الله يوفقك ويسعدك ويخليكم لبعض

هاي بنات
حبوبة عادي هذا خطيبك وخلي الوضع عادي
انا مخطوبة مر الحين على خطوبتي 7 شهور والحمد لله مافي اي مشاكل من اي نوع
واذا حبيتي اني اساعدك شلون تتعاملين معاه راسليني على الخاص
وانا ان شاء الله بساعدك باللي اقدر عليه

هلا حبيبتي...و انا بعد مخطووبه..و بملج ان شاء الله قريب..
بالنسبه للكلام...اول شي.. ابغي افهم ليش كله متضايجه ؟؟ و ماتتكلمين بنفس ؟؟ في شي يضايجج ..؟؟
و الا انج مجبوره و الا شوو بالضبط..
و بالنسبه للسوالف..عادي سولفي شو سويتي اليوم و و اسأليه شو جدوله لباجر..
و تمي اسأليه عن حياته..و وين سافر ووين راح..؟؟ و شو اللي يحبه و اللي مايحبه..
و اسأليه عن اهله و كيف يتصرف معاهم..و كيف حياته معاهم...
و قوليله الأشياء اللي اتحبين اتلاقينها فيه و تتمنينها...
و شوو بعد...قوليله انتي شو سويتي لما سافرتي..و شو المواقف اللي صادفتج في حياتج و اتكون اتضحك...
و مرات العبو مسابقات,,مثلا لعبة حيوان بلاد و جماد..تعرفينها ؟؟ كل واحد يمسك ورقه و قلم و يلعب مع الثاني و يقول ستوب اا خلص و احسبو النقاط من غير غش ههه...انا مرات العبها معاه..و تستوي ضرابه..ههه
و طبعا مب كل شي بنفس الوقت اتقولين و اتخلصين السوالف خليها للأيام..
و شوي شوي السوالف بروحها بتطلع..
وشوي شوي قوليله عن مشاعرج..بس بحدوود..و قوليله انج معجبه فصفاته و اخلاقه..
و ان ان شاء الله حياتكم مع بعض تكون سعيده..
و اباج تفهمين طبايعه عدل خلال هالفتره...اذا كنتي شاطره بتقدرين تستنتجين هالشي بنفسج..
اتمنى اكوون افدتج..و على فكره اي شي يصير بينج و بينه لازم محد يعرفه لا أمج ولا أي حد ممكن انه اتحسينه يقدر يتدخل في حياتج نصيحه مني لأن بتصير عقب مشاكل..
و اي مشكله .. حلووها برووحكم..لاتدخلون حد...و اهني بتبين قدرتكم على تحمل المسؤوليه..
و قدرتكم على التفاهم لأن التفاهم اهم شي حبيبتي...

مشكورين يا بنات
على فكرة انا ما اعلم امي وش قالي بس تقولي ليش تخلصين المكالمه و انتي مادة بوزك وما انبسطتي ليش ما تفرفشين معه عشان ما يقول ليش هذي البنت كئيبه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

حبوبه انا مخطوبه من 4 شهور وعندى نفس مشكلتك هوا طول الوقت بيحكى ويقول كلام كتير حلو وانا دايما ساكته وما ارد عليه لدرجة انى حاسه انى دمى تقيل اوى معاه بس عاوزه اقولك ان كل الرجال بيحبوا اوى البنت الخجوله وحتى لو قلتى له كلام حب خليه قليل جدا وعلى فترات متباعده بس لازم تقولى مش تسكتى خالص حاولى تبقى على طبيعتك يعنى لو حاسه انك عاوزه تقولى كلمة حب حلوه قوليها من غير تفكير وهوا هيفرح بالكلام ده لما يكون على فترات بعيده وبالنسبه للكلام العادى انا عن نفسى بحاول احكى فى الاشياء الى بتحصل معايا فى اليوم وهوا كمان بيحكيلى وهيا مسالة وقت وتعود وبعد كده هتبقى عاديه ان شاء الله ربنا يوفقكوا

الله يكون بعونا على هالمشكله

الو بنات ما عطيتوني اي افكار او شئ اقدر اسويه و الله اني مالي غيركم سا اعدوني عاد وينك يا همسه وله ارسلتلك كثير يا قلبي مارديتي يالله عاد ابي فزعتكم