فزعتكم يااهل الخبر والدمام

بليز ساعدوني

صدقيني الشرقية كلها نار لاتتعبي نفسك وتدوري
الموكيت دبل والكنب دبل وحتى الستاير لاواذا لقيتي رخيص تلاقيه يفشل
انا اساسا مو من اهل الشرقية يعني ماجيتها الا بعد الزواج
لكن اذا تقدري تاثثي من الرياض ترى احسن لك

السلام انا من مواليد وعشاق الشرقيه
بس فعلا الشرقيه اسعارها نار بالنسبه للرياض نصيحتي اثثي من الرياض وانتي مغمضه حتى اطقم الكنب رخيصه هناك
ولاتطبين الخبر الخبر اغلى من الدمام اذا تبين روحي الدمام عند الاسواق الدوليه وحراج التلفزيون ولاتخافين اسمه حراج بس كله محلات اثاث وموكيت جنب بعض
بس لاتتوقعين انه بيكون نفس سعر الرياض لا
بيكون ارفع شوي
اصلا لو تاثثين من الرياض بيت كامل احسن اما انك تاخذين قطعه اوقطعتين وتتاجرين عليهم سياره تنقلها وممكن توصلك زينه وممكن فيها خدوش
انتي استخيري واسالي زوجك وموفقه واي خدمه انا بالانتظار
وعلى الحفافه اعرف هنديه تجي البيت تشيل جسم ب120واللي يعجبني فيها انها تجي حتى لو حرمه بس خليني اخذ الرقم من حرمه اخوي في العصر واعطيك اياه
((( ضلع اعوج ))

شكلك من الرياض
انا احب الرياض واحب اغير جو فيها
بس ما اعرف اماكن هناك بس خلينا نتفق انا بكون دليلك هنا في الشرقيه وانتي كوني دليلي هناك
اتفقنا
ههه

%ادعولي%
ياروحي انتي تسلمين الله يوفقك وينولك كل اللي ببالك

ضلع اعوج ابشري من عيوني باللي تبين من الرياض
بس حبوبه وين مكانهم بالضبط؟
الاسواق الدوليه وحراج التلفزيون يعني تقريبي وش فيه شي معروف جمبهمم
وانتظر رقم الهنديه يالغلا
ومره شكرا يالغاليه الله يجزاك خير يارب
ويسعدك دنيا واخره ويرزقك من اوسع ابوابه يارب

لرفع